ئەڤرۆ نیوز:
به‌رى ده‌مه‌كێ، پەقینەكا ب هێز ل ناڤه‌راستا باژێرێ مەدرید یێ پایتەختێ ئیسپانیا روودا و لدووڤڤ گۆتنا كه‌نالێن ئیسپانى ئه‌و په‌قین گه‌له‌ك یا ب هیز بوویه.
د هه‌مان ده‌مدا، كەنالێ تەلەڤزیۆنی “لا سیكستا” یێ ئیسپانی دیار كرییه، كو ئه‌و په‌قینا مه‌درید رووداى گه‌له‌ك یا ب بەهێز بوویە و پرانیا خه لكێ وى باژێرى گوهـ ل ده‌نگێ وی په‌قینێ هه‌بوویه، لێ هه‌تا نوكه زیانێن وی په‌قینێ دیار نه‌كرینه..
ئەڤرۆ نیوز:
ئه‌ڤرۆ، ل گەل وەرگرتنا پۆستێ سەرۆكاتیا ئەمریكا ژ ئالیێ جۆ بایدنى ڤە، بهایێ بەرمیله‌كێ نەفتا خاڤا برێنت د بازارێن جیهانى دا گەهشتە 56 دۆلار و 25 سەنتان، بهایێ بەرمیله‌كێ نەفتا سڤك یا تێكساس ژى گەهشتە 53 دۆلار و 29 سەنتان.
داخۆیانیێن جانێت یێلن یا بەربژار بۆ پۆستێ وەزارەتا گەنجینا ئەمریكا، پشتەڤانی ل بلندبوونا بهایێ نەفتێ كرییه، ژبەركو ناڤهاتییێ راگەهاندییه، ئه‌و دێ ب شێوەكێ مەزن سەرەدەریێ ل گەل مه‌زاختنان، ژ پیضخه‌مه‌ت ئه‌و ئالیێن زیان گه‌هشتینێ بهێنە قەرەبۆكرن.
ئەڤرۆ نیوز:
د یاریا دووماهییێ یا جاما سۆپه‌را ئیتالى دا ئه‌ڤ شه‌ڤه هه‌ردو یانێن یۆڤێنتۆس و ناپۆلى دێ رووبروو ئێك بن، یاری دێ ل ده‌مژمێر11:00 ئه‌ڤ شه‌ڤه ل یاریگه‌ها ماپێ ل باژێرێ ریگییو ئیمیلیا هێته ئه‌نجامدان.
هه‌ردو یانێن یۆڤێنتۆس و ناپۆلی سێ جاران د ڤێ قارەمانیێ دا رووبروو ئێك بووینە، دو جاران ناپۆلی سەرکەفتییە و جاره‌كێ ژى ل سالا 2012 یانا یۆڤێنتۆس سەرکەفتن تۆمار كرییه.
ئه‌ڤرۆ نیوز:
ئه‌ڤرۆ چارشه‌مبى، دۆنالد تره‌مپى ل بنگه‌هێ ئه‌ندرۆز یێ ئه‌سمانی، كو دكه‌ڤیته ویلایه‌تا ماریلاند، ب فرۆكه‌كا تایبه‌ت ل گه‌ل هێزه‌كا ئه‌سمانى یا ئه‌مریكا به‌ره‌ف مالا خوه ل ویلایه‌تا فلۆریدا برێكه‌فت.
هه‌ر ئه‌ڤرۆ، دۆنالد تره‌مپى پشكدارى د رێوره‌سمین سووند خوارنا سه‌رۆكێ نوو یێ ئه‌مریكا دا نه‌كر، تره‌مپى ب ڤى هه‌لویستێ خوه، كو دبیته ئێكه‌م سه‌رۆكێ ئه‌مریكا، پشتى ئه‌ندرۆ جۆنسۆنێ سه‌رۆكێ ئه‌مریكا ل سالێن (1865 – 1869)، پشكداری د ئاهه‌نگا ده‌ستبه‌كاربوونا سه‌رۆكی پشتى خوه دا نه‌كه‌ت.
ئەڤرۆ نیوز:
ئه‌ڤرۆ، وەزارەتا ساخلەمیا عیراقێ ئامارێن نوو یێن كۆرۆنایێ راگەھاندن و دیار کرییه، د ده‌مێ ٢٤ دەمژمێرێن بورى دا ٧٤٦ کەسێن دى ل عیراقێ تووشی کۆرۆنایێ بووینە، هه‌روه‌سا شه‌ش تووشبوویان وه‌غه‌ر كرییه، نوكه ھژمارا گشتى یا وه‌غه‌ر كرییان ل عیراقێ گەھشتییە ١٢ ھزار و ٩٦٨ کەسان.
هه‌روه‌سا ئاشكرا كرییه: د نوكه دا ھژمارا گشتى یا تووشبوویێن ڤایرۆسێ کۆرۆنایێ ل عیراقێ گەھشتییە ٦١٠ ھزار و ٥٩٨ کەسان، ژ وان ژى ٥٧٤ ھزار و ٩٢٠ کەس ب ته‌مامى چارەسەر بووینە .
ئەڤرۆ نیوز:
پشتى كۆمبوونا ئه‌ڤرۆ، یا مەسرور بارزانی، سەرۆکێ حوكمەتا ھەرێما کوردستانێ، ل گەل کونسول و دبلۆماتکار و نوونەرێن وەلاتێن بیانی ل ھەرێما کوردستانێ، د تویته‌كێ دا راگەھاندییه: ل حەفتیا بھێت شاندێ ھەرێما کوردستانێ دێ سەرەدانا بەغدا کەت .
سەرۆکێ حکومەتا هه‌رێمێ دیار کرییه ژى: بۆ ئەنجامدانا گوتۆبێژان ل حەفتیا بھێت شاندێ ھەرێمێ دێ چیتە بەغدا، هه‌روه‌سا پشتەڤانیا حکومەتا ھەرێمێ بۆ ئەنجامدانا ھەلبژارتنێن پێشوەخت ژى ل عیراقێ دەربرییه.
ئەڤرۆ نیوز، زنار تۆڤی:
ل ڤان چەند رۆژان، پێلەکا سەرمایێ دەڤەرێن چیایی ل پارێزگەها دهۆکێ ڤەگرتینە و ژ ئەنجامێ وێ پێلا سەرمایێ، رێژەکا باش یا بەفرێ ل چەندین جهێن جۆدا یێن سەر ب پارێزگەها دهۆکێ ڤە بارینە، هەروەسا رێژەکا باش یا بەفرێ ل سەنتەرێ ناحیا کانی ماسێ و دەروازێ سەرزێری بارییە و نوکە ژی بەفر بەردەوام یا دباریت.
شینوار سادق، بەرپرسێ راگەهاندنا کۆمەلگەها دەروازێ سەرزێری ل ناحیا کانی ماسێ، بۆ ئەڤرۆ نیوز گۆت: ژ ئەنجامێ بارینا بەفرێ هەتا نوکە پتری میترەکا بەفرێ ل دەروازێ سەرزێری بارییه و هەتا نوکە ژی ب رەنگەکێ بەردەوام بەفر یا دباریت، هەروەسا پلێن گەرمێ گەلەک داکەفتینە و سەقایێ ڤێ دەڤەرێ ژی گەلەک ساربوویە.
هەروەسا ل شەڤا بوری 22 سم، بەفرێ ل سەنتەرێ ناحیا کانی ماسێ بارینە و رێکێن گەلەک گوندان ژ ئەگەرێ بارینا بەفرێ هاتینە گرتن.
ئەڤرۆ نیوز:
حوکمەتا عیراقێ پترى نیڤ ملیار دۆلار بۆ كرینا ڤاكسینێ كۆرۆنایی تەرخان کرینه و ل هیڤیا هندێنه كو ئه‌و ڤاكسیسنه بگه‌هنه ئیراقێ.
د. عەلا عەلاوی، وەزیرێ دارایی یێ عیراقێ راگه‌هاندییه: ژ بۆ پاراستنا ساخله‌مییا وه‌لاتیان جڤاتا وەزیرێن ئیراقێ، 550 ملیۆن دۆلار بۆ کرینا ڤاکسینێ کۆرۆنایێ تەرخان کرینە و ل هیڤییێ نه ئه‌و ڤاكسینه بگه‌هن، داكو بۆ نه‌خۆشان بهێنه دانان.
ئەڤرۆ نیوز:
هه‌ر چه‌نده ب ره‌نگه‌كێ فەرمی ئەنجامێن هەلبژارتنێن سەرۆكاتیا ئەمریكا هاتینه راگه‌هاندن و جۆ بایدنی كاندیدێ دیمۆكراتان بوویه سه‌رۆكێ داهاتى یێ ئه‌مریكا، لی دۆنالد ترەمپ سەرۆكێ ئەمریكا یێ بەردەوامە ل سەر ئیدانەكرنا وان ئەنجامان.
دۆنالد ترەمپ د تویتەكێ دا دبێژیت: د ڤان هەلبژارتنان دا مەزنترین سەختەكاری د مێژوویا ئەمریكا دا هاتییە كرن.
كایلی ماكنانی پەیڤدارا كۆچكا سپی یا ئەمریكا د كۆنگرەكێ رۆژنامەڤانی دا راگەهاند: هێشتا ترەمپ یێ بەردەوامە ل سەر تانلێدانێ ل ئەنجامێن هەلبژارتنان، لێ سەركەڤتنا جۆ بایدنى ژ لایێ ناڤەندا هەلبژارتنان ڤە هاتییە دووپات كرن.
ئەڤرۆ نیوز:
جۆ بایدن، سەرۆکێ هەلبژارتیێ ئەمریکا، داب هالاندی بۆ پۆستێ وەزیرا نافخۆ یا ئەمریکا بەربژار کریه، ئەڤه ئێکەمجارە کەسه‌كا ئاكنجییا ره‌سان ل ئەمریکا بۆ وى پۆستى دهێته بەربژار كرن.
هالاند ئەنداما کۆنگرێسیە ژ ویلایەتا نیو مەکسیکۆ، بۆ پۆستێ وه‌زاره‌تا نافخۆ هاتیه ده‌ست نیشانكرن، هەر چەندە دیموكراتان ترسا هندێ هه‌یه كو ژ ئه‌گه‌رێ دەستنیشانکرنا وێ، کورسییەکێ جڤاتا نونه‌ران ژ دەست بدەن.
هه‌كه جڤاتا پیران د بەرژەوەندیا وێ بەربژارێ دا دەنگى بده‌ت، هالاندا 60 سالى، دێ بیتە ئیکەم ژن یا ب ره‌گه‌ز هندیا سوور، بگه‌هیته وى پۆستێ بلند د حکومەتی ویلایەتێن ئێکگرتى یێن ئەمریکا دا.
هالاند ژ هۆزا ‘لاگۆنا بۆیبلو’یە، کو ئاخا وێ هۆزێ دکەڤیتە ناڤ ویلایەتا نیو مەکسیکۆ.
نيشاندان