Rojnameya Evro » عیراق https://rojnameyaevro.com/ku Thu, 22 Oct 2026 07:46:14 +0000 ar hourly 1 https://wordpress.org/?v=4.0.38 دیندار زێباری: هەتا نوكە حوكمەتا ئیراقێ تاوانێن داعشێ ب فەرمی نەناساندینە https://rojnameyaevro.com/ku/%d8%af%db%8c%d9%86%d8%af%d8%a7%d8%b1-%d8%b2%db%8e%d8%a8%d8%a7%d8%b1%db%8c-%d9%87%db%95%d8%aa%d8%a7-%d9%86%d9%88%d9%83%db%95-%d8%ad%d9%88%d9%83%d9%85%db%95%d8%aa%d8%a7-%d8%a6%db%8c%d8%b1%d8%a7%d9%82/272281/ https://rojnameyaevro.com/ku/%d8%af%db%8c%d9%86%d8%af%d8%a7%d8%b1-%d8%b2%db%8e%d8%a8%d8%a7%d8%b1%db%8c-%d9%87%db%95%d8%aa%d8%a7-%d9%86%d9%88%d9%83%db%95-%d8%ad%d9%88%d9%83%d9%85%db%95%d8%aa%d8%a7-%d8%a6%db%8c%d8%b1%d8%a7%d9%82/272281/#comments Mon, 19 Oct 2026 22:16:47 +0000 https://rojnameyaevro.com/ku/?p=272281 ڕێكخەرێ ڕاسپاردەیێن نێڤدەولەتی ل حوكمەتا هەرێما كوردستانێ هوشداری دا ژ بەردەوامبوونا ب فەرمی نەناساندنا تاوانێن داعشی ژ ئالیێ حوكمەتا فیدرالی ڤە ل سەرانسەری ئیراقێ، ب تایبەتی ل دەڤەرێن كوردستانی یێن دەرڤەی ئیدارەیا هەرێمێ. زێباری دوپات كر، هەرێما كوردستانێ ژبەر ڤێ ڕەوشێ ڕووبڕووی پێشهاتێن ئەمنی یێن مەترسیدار بوویە.
د. دیندار زێباری، ڕێكخەرێ ڕاسپاردەیێن نێڤدەولەتی ل حوكمەتا هەرێما كوردستانێ، د كۆنفرانسەكێ ڕۆژنامەڤانیدا گۆت «ژ سالا 2014ێ وەرە، دەمێ دەڤەرێن كوردستانی یێن دەرڤەی ئیدارەیا هەرێمێ كەفتینە د دەستێ تیرۆرستێن داعشێ دا، وی ڕێكخراوا تیرۆرستی جۆرەها تاوانێن مرۆڤایەتی و شەڕی ئەنجامدان، وەكی كوشتنا ب كۆم، كریارێن تیرۆرستی و جینۆساید، ل گەل ئاوارەكرنا ب هزاران خێزانان و بازرگانیكرن ب مرۆڤ و مادەیێن بێهۆشكەر ڤە».
زێباری ڕۆهنكر ژی، ئەو پنپێكرنە بووینە ئەگەرێ قەیرانەكا مەزن و پێدڤی بوو حوكمەتا ئیراقێ بەرامبەر وان دادگەهەكا تایبەتمەند دابمەزڕینیت بۆ ناساندنا وان تاوانان ل سەر ئاستێ ناڤخوەیی و نێڤدەولەتی، سەڕەرای دادگەهكرنا سەركردەیێن داعشێ یێن دەست د ڤان تاواناندا هەین.
دەربارەی ڕەوشا نوكە یا وان دەڤەران، زێباری ئاماژە ب وێ چەندێ كر، ڕەوشا ئەمنی یا وان دەڤەرێن بەری نوكە د بن كۆنترۆلا داعشێ دا بووین هێشتا نەجێگیرە و مەترسییەكا ڕاستەقینەیە. ڕێژەیەكا مەزن یا ئاكنجییێن ڕەسەن یێن كو بۆ ناڤەڕاست و باشوورێ ئیراقێ و هەرێما كوردستانێ ئاوارە بووین، هەتا نوكە نەزڤڕینە، هەڤدەم ئەو دەڤەر ژ نەبوونا پرۆسەیا ئاڤەدانكرنێ و ڤالاهییەكا ئەمنی یا بەرچاڤ دنالن.
زێباری هوشداری دا ژ مەترسییا جدی یا زڤڕینا چالاكییێن داعشێ، ب تایبەت ل گەل ڤەكێشانا هێزێن هەڤپەیمانییا نێڤدەولەتی ل ئیراقێ. ئەڤێ ڕەوشێ مەترسییەكا ڕاستەقینە و بەردەوام ل سەر تەناهییا دەڤەرێ دروستكرییە.
ل دۆر شنگالێ، د. دیندار زێباری ڕاگەهاند، ڕێككەفتنەك ب چاڤدێرییا نەتەوەیێن ئێكگرتی د ناڤبەرا حوكمەتا هەرێمێ و حوكمەتا فیدرال دا هاتییە ئیمزاكرن داكو دەڤەر ببیتە دەڤەرەكا یاسایی و د بن كۆنترۆلا دامودەزگەهێن دەولەتێ دا بیت. لێ یا ل سەر عەردی ئاماژەیە بۆ كۆنترۆلا هێزەكا چەكدار یا نەناسیار كو كاروبارێن دەڤەرێ بڕێڤەدبەت و بڕیار ژ ئالییێن نەدیار ڤە دەردكەڤن.
زێباری گۆت ژی، دەڤەر بێی چ گوهۆڕین مایە، نە هاتییە ئاڤەدانكرن و نە ئاوارە ژی بۆ سەر مالێن خۆ زڤڕینە.
ڕێكخەرێ ڕاسپاردەیێن نێڤدەولەتی ل حوكمەتا هەرێما كوردستانێ دوپات كر، هەرێما كوردستانێ ئێك ژ دیارترین وان ئالییان بوویە یێن د ڕووبڕووبوونا تیرۆرستێن داعشێ دا قوربانی داین و هێزێن پێشمەرگەی ب چاڤنەترسی ڤە بەرگری لێكری. هەرێمێ د ڤان دووماهییان دا زۆرترین هێرشێن فرۆكەیێن بێ فرۆكەڤان د سیبەرا ململانێیێن هەرێمی دا ب خوەڤە دیتینە، كو ژ دەڤەرێن بن كۆنترۆلا حوكمەتا فیدرال ڤە هاتینە ئەنجامدان و بووینە ئەگەرێ وێ چەندێ وەلاتی ل كوردستانێ تووشی زیانێن مەزن یێن گیانی و مادی ببن.
زێباری ئاخڤتنێن خوە ب وێ چەندێ ب دووماهی ئینان، كو هەموو ئەو بەرپرسیارەتی دكەڤنە سەر ملێن حوكمەتا ئیراقێ، داكو ڕێكارێن یاسایی یێن پێدڤی وەربگریت و وەلات و وەلاتییان و هەرێما كوردستانێ ژ ڤان مەترسییێن مەزن بپارێزیت.

]]> https://rojnameyaevro.com/ku/%d8%af%db%8c%d9%86%d8%af%d8%a7%d8%b1-%d8%b2%db%8e%d8%a8%d8%a7%d8%b1%db%8c-%d9%87%db%95%d8%aa%d8%a7-%d9%86%d9%88%d9%83%db%95-%d8%ad%d9%88%d9%83%d9%85%db%95%d8%aa%d8%a7-%d8%a6%db%8c%d8%b1%d8%a7%d9%82/272281/feed/ 0 باقر جەبر زوبەیدی: هێرشێن تیرۆرستی یێن خورماتۆ و حەویجە پەیام بوون، دڤێت ئامادە بین https://rojnameyaevro.com/ku/%d8%a8%d8%a7%d9%82%d8%b1-%d8%ac%db%95%d8%a8%d8%b1-%d8%b2%d9%88%d8%a8%db%95%db%8c%d8%af%db%8c-%d9%87%db%8e%d8%b1%d8%b4%db%8e%d9%86-%d8%aa%db%8c%d8%b1%db%86%d8%b1%d8%b3%d8%aa%db%8c-%db%8c%db%8e%d9%86/272278/ https://rojnameyaevro.com/ku/%d8%a8%d8%a7%d9%82%d8%b1-%d8%ac%db%95%d8%a8%d8%b1-%d8%b2%d9%88%d8%a8%db%95%db%8c%d8%af%db%8c-%d9%87%db%8e%d8%b1%d8%b4%db%8e%d9%86-%d8%aa%db%8c%d8%b1%db%86%d8%b1%d8%b3%d8%aa%db%8c-%db%8c%db%8e%d9%86/272278/#comments Mon, 19 Oct 2026 22:14:55 +0000 https://rojnameyaevro.com/ku/?p=272278 سیاسەتمەدارەكێ ئیراقی داخواز ژ هێزێن ئەمنی یێن ئیراقێ و هێزا پێشمەرگەیێ كوردستانێ دكەت، ئامادە بن و ڕادگەهینیت كو هێرشێن تیرۆرستی یێن بەری چەند ڕۆژانل ل خورماتوو و حەویجە، پەیام بوون.
باقر جەبر زوبەیدی، سیاسەتمەدارێ ئیراقی یێ كو د سالێن بۆری دا چەندین جاران پۆستێ وەزیری ل كابینەیێن ئیراقێ وەرگرتییە، ل سەر پێگەهێ خوە ل تۆرا جڤاكی یا فەیسبووكێ بەلاڤ كر: هێرشێن تیرۆرستی یێن ڤان دووماهییان ل خورماتوو و حەویجە، پەیام بوون، بۆ وێ ئامادە بن».
وی ئاشكرا ژی كریە «گرنگیدان ب كەركووكێ ئەوێ چەندێ ڕۆهن دكەت كو ئارمانجا تیرۆرستان ب شێوەیەكێ تەمام گرێدایە ب وێ پڕۆژەی ڤە یێ كو دڤێت دەست ب سەر پارێزگەهەكا دەولەمەند دا بگریت كو بەری نوكە و نوكە ژی جهێ چاڤبڕینا گەلەكان بوو».
دوپاتی ژی ل سەر وێ چەندێ كریە كو ب تایبەتی دۆزا كەركووكێ، دڤێت ل سەر مێزا دانوستاندنێ یا كو هەموو ئالییان بگریتە خوە بهێتە چارەسەركرن، چونكی دۆزا هەموو ئیراقیانە، ب تنێ دۆزا پێكهاتەیەكێ یان تەخەكێ نینە.
ب گۆتنا باقر جەبر زوبەیدی، كورد و توركمان و عەرەب و هەموو كێماتییێن كەركووكێ، مافێ وان ل باژێڕێ وان دا هەیە و تاكە ئامراز ژی بۆ ژیانێ ل وێ باژێڕی، پێكڤەژیانەكا ئاشتییانەیە یا كو ب ڕێكا دانوستاندنێ و دانا مافان ب خودانێن وان دهێتە دابینكرن.
دوپات ژی كریە «ئەو دزەكرنێن كو ل ڤان دووماهییان ب ئاڕاستەیا كەركووكێ هاتینە كرن، دڤێت ب هەماهەنگی د ناڤبەرا هەموو هێزێن مە یێن ئەمنی دا بهێنە كرن، هەر ژ لەشكەر و پۆلیس و پێشمەرگە و حەشدا شەعبی، چونكی ئەڤ هەماهەنگییە ڕێیا ڕاگرتنا وێ دزەكرنا تیرۆرستانە».
ل دووماهیێ دا باسێ وێ چەندێ ژی كریە كو یا هەری گرنگ بۆ نوكە ئەوە كو سەر ژ نوو ل هندەك دەڤەران دا هووربینییا ئەمنی بهێتە كرن، چونكی سەركردایەتییا داعشێ ل سووریێ داتا و پێزانینێن هەموو وان چەكدارێن خوە ل بەر دەستە یێن كو بەری نوكە پەیوەندییا وان ب داعشێ ڤە هەبوو، نوكە كو داعش ل سووریێ مژوولی ساخبوونێ یە، لەورا ئەگەر هەیە سەرنجا چەكدارێن وێ ل سەر ناڤخوەیا ئیراقێ و تێكبرنا بەرەیێ ناڤخوەیی یێ ئیراقێ بیت.

]]> https://rojnameyaevro.com/ku/%d8%a8%d8%a7%d9%82%d8%b1-%d8%ac%db%95%d8%a8%d8%b1-%d8%b2%d9%88%d8%a8%db%95%db%8c%d8%af%db%8c-%d9%87%db%8e%d8%b1%d8%b4%db%8e%d9%86-%d8%aa%db%8c%d8%b1%db%86%d8%b1%d8%b3%d8%aa%db%8c-%db%8c%db%8e%d9%86/272278/feed/ 0 فراكسیۆنێن كوردستانی ل دژی ڕەشنڤیسێ بودجەیا 2027ێ: دادی تێدا نینە و دەنگی پێ نادەین https://rojnameyaevro.com/ku/%d9%81%d8%b1%d8%a7%d9%83%d8%b3%db%8c%db%86%d9%86%db%8e%d9%86-%d9%83%d9%88%d8%b1%d8%af%d8%b3%d8%aa%d8%a7%d9%86%db%8c-%d9%84-%d8%af%da%98%db%8c-%da%95%db%95%d8%b4%d9%86%da%a4%db%8c%d8%b3%db%8e-%d8%a8/271690/ https://rojnameyaevro.com/ku/%d9%81%d8%b1%d8%a7%d9%83%d8%b3%db%8c%db%86%d9%86%db%8e%d9%86-%d9%83%d9%88%d8%b1%d8%af%d8%b3%d8%aa%d8%a7%d9%86%db%8c-%d9%84-%d8%af%da%98%db%8c-%da%95%db%95%d8%b4%d9%86%da%a4%db%8c%d8%b3%db%8e-%d8%a8/271690/#comments Tue, 13 Oct 2026 09:38:46 +0000 https://rojnameyaevro.com/ku/?p=271690 پارتی و ئێكەتی ڕەخنێ ل ڕەشنڤیسێ پڕۆژەیاسایا بودجەیا ئیراقێ دگرن و فراكسیۆنا پارتی دیموكراتی كوردستان دبێژیت دەنگ ب پڕۆژەیاسایا بودجەی ب ڤی شێوەی نادەین، فراكسیۆنا ئێكەتی نیشتمانی كوردستان ژی ل جڤاتا نوونەرێن ئیراقێ دبێژیت ڕەشنڤیسێ پڕۆژەیاسایا بودجەیا 2027 گەلەك خرابە و دڤێت بهێتە ڕاستڤەكرن، فراكسیۆنێن
ئێكگرتووی ئیسلامی و ڕەوتا هەلوەست ژی باس ل وێ دكەن هەكە ماف و شایستەیێن خەلكێ هەرێما كوردستانێ د پڕۆژەیاسایێ دا نەهێنە بنەجهكرن دەنگێ پێ نادەن.
دانەر عەبدولغەفار، پەیڤدارێ فراكسیۆنا پارتی دیموكراتی كوردستان ل جڤاتا نوونەرێن ئیراقێ ڕاگەهاند» فراكسیۆنا پارتی ب ڤێ داڕشتنا نها دەنگ ب پڕۆژەیاسایا بودجەیا 2027 نادەت و پڕۆژەی كاریگەرییێن خراب نەك تنێ بۆ سەر هەرێما كوردستانێ بەلكو بۆ هەموو ئیراقێ هەنە و نەیێ بجهئینانێیە یە».
دانەر عەبدولغەفار دبێژیت» د پڕۆژەی دا چەندین مەرج بۆ هەرێما كوردستانێ هاتینە دانان كو هەرێما كوردستانێ ب چ ڕەنگەكی نەشێت بجهبینیت وەك دیاركرنا هنارتنا 400 هزار بەرمیلێن نەفتێ ڕۆژانە».
ب گوتنا دانەر عەبدولغەفاری» پشكا هەرێما كوردستانێ گەلەك كێمە و پشتی لێدەركرنا خەرجییێن سەروەر پشكا وێ ژ 6% كێمترە كو ب 13 تریلیۆن و 308 ملیار دیناران هاتییە دیاركرن د دەمەكێ دا كو د یاسایا بودجەیا 2023 دا پشكا هەرێما كوردستانێ 16 تریلیۆن و 498 ملیار دینار بوو».
پەیڤدارێ فراكسیۆنا پارتی ئاماژە ب وێ كر كو دانوستاندن بۆ چارەسەركرنا كێشەیێن ناڤ پڕۆژەیاسایێ بەردەوامن.
هەرێم كەمال ئاغا، سەرۆكێ فراكسیۆنا ئێكەتیێ ل جڤاتا نوونەرێن ئیراقێ ڕاگەهاند» ئەوا هەی تەنێ پڕۆژەیاسایەكە و ب فەرمی نەهاتییە د بەرنامەیێ كاری یێ جڤاتا وەزیرێن ئیراقێ دا».
ناڤبری ئاماژە ب وێ ژی كر كو ئەو ڕەشنڤیسێ هەی گەلەك خرابە و ب تایبەت مادەیا10ێ ژ ڕەشنڤیسی و دڤێت ئەم ڕاستڤەكەین و دێ بەردەوام بین و پشتڕاستم كو دێ هێتە چێكرن .
موسەننا ئەمین، سەرۆكێ فراكسیۆنا ئێكگرتوو ئیسلامی كوردستان ل جڤاتا نوونەرێن ئیراقێ ڕاگەهاند» هەكە د پڕۆژەیاسایا بودجەی دا ماف و شایستەیێن دارایی یێن هەرێما كوردستانێ نەهێنە دابینكرن فراكسیۆنا مە دەنگێ پێ نادەت».
ب گۆتنا موسەننا ئەمینی بابەت تنێ مووچە نینە بەلكو دڤێت پرسێن گرێبەست و خانەنشینی و پلەبلندكرن و زیندانییێن سیاسی بهێنە چارەسەركرن.
فراكسیۆنا ئێكگرتوو بەری نها ژی دەنگ ب پڕۆژەیاسایا بودجەیا سێ سالییا 2023 و 2024 و 2025 نەدابوو.
سەبارەت ب دیاركرنا هنارتنا 400 هزار بەرمیل نەفتێ ڕۆژانە وەك مەرجەك بۆ خەرجكرنا پشكا هەرێما كوردستانێ، سەرۆكێ فراكسیۆنا ئێكگرتوو گۆت» ب چ ڕەنگەكی ڕازی نابین قووتێ خەلكێ هەرێما كوردستانێ ب هنارتنا نەفتێ ڤە بهێتە گرێدان».
ناڤبری ئاماژە ب وێ كر نەفت بەرپرسیارەتییا وەزارەتا نەفتێ و سۆمۆ و حوكمەتا هەرێما كوردستانێ و كۆمپانیێن نەفتێ یە و ئیراق ب خوە دشێت هووربینیێ و پشكنینێ بكەت كو شیانێن بەرهەمهینان و هنارتنا نەفتێ یێن هەرێما كوردستانێ چەندە».

]]> https://rojnameyaevro.com/ku/%d9%81%d8%b1%d8%a7%d9%83%d8%b3%db%8c%db%86%d9%86%db%8e%d9%86-%d9%83%d9%88%d8%b1%d8%af%d8%b3%d8%aa%d8%a7%d9%86%db%8c-%d9%84-%d8%af%da%98%db%8c-%da%95%db%95%d8%b4%d9%86%da%a4%db%8c%d8%b3%db%8e-%d8%a8/271690/feed/ 0 حەتا شەش مەهێن دی سیستەمێ بەرگرییا ئەسمانی ل هەموو دەڤەران دێ هێتە دانان https://rojnameyaevro.com/ku/%d8%ad%db%95%d8%aa%d8%a7-%d8%b4%db%95%d8%b4-%d9%85%db%95%d9%87%db%8e%d9%86-%d8%af%db%8c-%d8%b3%db%8c%d8%b3%d8%aa%db%95%d9%85%db%8e-%d8%a8%db%95%d8%b1%da%af%d8%b1%db%8c%db%8c%d8%a7-%d8%a6%db%95%d8%b3/271679/ https://rojnameyaevro.com/ku/%d8%ad%db%95%d8%aa%d8%a7-%d8%b4%db%95%d8%b4-%d9%85%db%95%d9%87%db%8e%d9%86-%d8%af%db%8c-%d8%b3%db%8c%d8%b3%d8%aa%db%95%d9%85%db%8e-%d8%a8%db%95%d8%b1%da%af%d8%b1%db%8c%db%8c%d8%a7-%d8%a6%db%95%d8%b3/271679/#comments Tue, 13 Oct 2026 09:17:12 +0000 https://rojnameyaevro.com/ku/?p=271679 سەباح نوعمان، پەیڤدارێ فەرماندەیێ گشتی یێ هێزێن چەكدارێن ئیراقێ، ڕاگەهاند، د پرۆسەیا دابینكرنا سیستەمێ بەرگرییا ئەسمانی دا مە پێنگاڤ هاڤێتینە و ل گەل كۆمپانییان بۆ كڕینا وان سیستەمان رێككەفتینە.
د دەمێ كێمتر ژ شەش مەهان دا، ئێكەم سیستەمێ بەرگرییا ئەسمانی دێ گەهیتە ئیراقێ و ل هەموو دەڤەران دێ هێتە بنەجهكرن. ئەو سیستەمە پێك دهێن ژ ڕادار، چەكێ بەرپەرچدانێ و فرۆكەیان، كو ب ئارمانجا پاراستنا سەروەرییا ئەسمانی یا ئیراقێ دهێنە دانان.
سەبارەت ب هەماهەنگییێن سەربازی، نوعمانی ڕۆهنكر كر كو هێزێن پێشمەرگەی پشكەك ژ هێزێن چەكدارێن ئیراقێ نە و هەماهەنگییەكا بلند د ناڤبەرا مە دا هەیە، ب تایبەتی ل سەر ئاستێ پێزانینێن هەواڵگری و ئەنجامدانا كۆمبوون و سەرەدانێن بەردەوام.
نوعمان ئاماژە ب وێ ژی كر، هندەك دەڤەر هەنە كو جهێ گرنگیدانا هەڤپشكە و ل وان دەڤەران هێزا هەڤپشك یا پێكهاتی ژ كورد و عەرەب و هەموو پێكهاتەیێن دی دهێنە بنەجهكرن، ئەو ژی ب مەرەما بنبڕكرنا هەر گەفەكا تیرۆرێ.
نوعمانی ل دۆر ڕەوشا ئەمنی ڕاگەهاند، ڕەوشا ئەمنی ب گشتی ئارامە و هێزێن ئەمنی ب هەموو شیانێن خوە ئەركێن خوە بجه دئینن، د هەمان دەم دا هەماهەنگییەكا بلند د ناڤبەرا هەموو یەكەیێن سەربازی ل سنۆران و دەڤەرێن بەرپرسیارەتیێ هەیە و وەلاتی ژی ل گەل هێزێن ئەمنی هەماهەنگن.
پەیڤدارێ فەرماندەیێ گشتی یێ هێزێن چەكدارێن ئیراقێ دوپات كر، سیاسەتا ئابۆری یا حوكمەتێ د سەقایەكێ ئارام دا بهێزتر دبیت، ئەو ژی دەرفەتێ پەیدا دكەت بۆ ئینانا وەبەرهێنەر و كۆمپانییێن بیانی بۆ ئیراقێ.

]]> https://rojnameyaevro.com/ku/%d8%ad%db%95%d8%aa%d8%a7-%d8%b4%db%95%d8%b4-%d9%85%db%95%d9%87%db%8e%d9%86-%d8%af%db%8c-%d8%b3%db%8c%d8%b3%d8%aa%db%95%d9%85%db%8e-%d8%a8%db%95%d8%b1%da%af%d8%b1%db%8c%db%8c%d8%a7-%d8%a6%db%95%d8%b3/271679/feed/ 0 (نۆرمال) كرنا ئیراقێ‌: ئەرێ‌ گرتنا ب كۆم و دەستەسەركرنا پارەی، ئاماژە ب نەمانا گەندەلیێ‌ ددەت؟ https://rojnameyaevro.com/ku/%d9%86%db%86%d8%b1%d9%85%d8%a7%d9%84-%d9%83%d8%b1%d9%86%d8%a7-%d8%a6%db%8c%d8%b1%d8%a7%d9%82%db%8e%e2%80%8c-%d8%a6%db%95%d8%b1%db%8e%e2%80%8c-%da%af%d8%b1%d8%aa%d9%86%d8%a7-%d8%a8-%d9%83%db%86/270563/ https://rojnameyaevro.com/ku/%d9%86%db%86%d8%b1%d9%85%d8%a7%d9%84-%d9%83%d8%b1%d9%86%d8%a7-%d8%a6%db%8c%d8%b1%d8%a7%d9%82%db%8e%e2%80%8c-%d8%a6%db%95%d8%b1%db%8e%e2%80%8c-%da%af%d8%b1%d8%aa%d9%86%d8%a7-%d8%a8-%d9%83%db%86/270563/#comments Mon, 28 Sep 2026 21:18:34 +0000 https://rojnameyaevro.com/ku/?p=270563 نڤێسین: غەیس عەبدولئەحەد *
وەرگێران و كورتكرن: عزەت یوسف

دەرگەهێن دەڤەرا كەسك ژ پیلایێ‌ چەكنەبڕ هاتینە دروستكرن. ل هەر رەوشەكا نەرازیبوونێ‌ ژبەر نەبوونا كارەبێ‌ یان بێكاریێ‌، یان ژی هێرشێن ئەمریكی و ئیسرائیلی ل سەر ئیرانێ‌ دەرگەه دهێنە داخستن و رێ‌ ناهێتەدان كەس ب ژوور بكەڤیت.
سپێدە زوییا 28ێ‌ خزیرانێ‌ دەرگەه هەمی هاتنە داخستن، تانكێن ئەبرامز – چێكەرێن ئەمریكی سەرێ‌ رێیان گرتن، هێزێن دژەتیرۆرێ‌ بلاڤەبوون، ئەڤجارە رێ‌ نەهاتە دان ژ ناڤدا بۆ دەرڤە ب دەركەڤن، نەكو بهێنە دناڤدا..
ل زەلالبوونێ‌، ئیراقی ل گەل پەیامێن گرتنا نێزیكی 50 كەسان ژ خەو هوشیار بوون، ژ وانە 12 پەرلەمانتار و بەرپرسێن پلە بلند و دەستەسەركرنا سەدان ملیۆن دولارێن كاش و زێڕ. گرتنا وان دلخۆشیەكا مەزن دا خەلكێ‌ ئیراقێ‌. جارا ئێكێ‌ یە هەمی ئیراقی ژ هەمی ئالی یێن نەژادی و مەزهەبی و جڤاكی ل سەر ب رێككەڤن ئەوە كو گەندەلكار و گەندەلیا حزبێن سیاسی و چاڤتاریا كۆمەك ژ بەرپرسێن حزبان و بزنیزمان و سەركردێن ملیشایانە هەر ژ 2003 وەرە ئیراقێ‌ برێڤە دبەن.
(نە تنێ‌ تشتەكە هەمی سەرۆك وەزیر ئەنجام ددەن)
ل رۆژا دەستبكار بوونا سەرۆكێ‌ نوی یێ‌ وەزیرێن ئیراقێ‌ ل دەستپێكا مەها گولانێ‌، عەلی زەیدی، 41 سالی، ب زمانەكێ‌ شاشیا رێزمانی، مینا هەر سەرۆك وەزیرەكێ‌ بەریا خۆ، كۆمەكا ژڤانێن پێوەری ل سەر روحا خۆ دان: پشتەڤانیكرنا كەرتێ‌ پیشەسازیێ‌ و چاندنێ‌ و گەنجان: چاككرنا كارەبێ‌ چارەسەركرنا ئاكنجیبوونێ‌. لێ‌ دویر ژ دوزێن ژ هەمیان پێدڤیتر كو بزنیزمانێ‌ دەولەندێ‌ خۆدان شارەزاییەكا كێما سیاسی تەكەز ل سەر كری ژ چەككرنا گرۆپێن ئالیگرێن ئیرانێ‌ و شەڕێ‌ دژی گەندەلیێ‌ (بێ‌ خیچا سۆر بوو). میلیشیا و گەندەلی گەفێن مەزنن ل سەر ئیراقێ‌.
لێ‌ سەرۆك وەزیرێن بەری وی و بەری بەری وی هەمان سۆز دابوون – خۆیا كرن كو تۆڕێن مەزنێن گەندەلیێ‌ ئاشكەرا كرینە – ئەو هاتن و چوون سەردەمێ‌ وان یا تژی گەندەلی بوو، وەلات د رەوشەكا خرابا خزمەتكاریێن گشتی دا بوو. ئەرێ‌ بۆچی دڤێت ئەڤجار یا جودا بیت؟
(نەخێر، ئەڤە نە تنێ‌ تشتەكە هەمی سەرۆك وەزیر دكەن، ئەڤە یا بێ‌ وینەیە – هەژاندنەكا راستەقینەیە د ناڤا ناڤەندێن سیاسی دا، چونكی ئاماژەیە بۆ هەمی سیاسەتمەداران بێ‌ ڤەدەری، كا دێ‌ چ ب سەرێ‌ وان قەومیت).
دبینین، كو سەرۆك وەزیر بزاڤێ‌ دكەت ئیمپراتۆریەتێن دارایی یێن حزبێن سیاسی بهەلوەشینیت – ئیمپراتۆریەتێن ل سەر گەندەلییا دیار و ئاشكەرا هاتیە بنیاتنان – كو هەمی سیاسەتمەدار بێ‌ جوداتی یێن كەتینێ‌. لەوا دەما تۆ چار یان پێنج كەسەكان ژ وان هەلدبژێری و سزا ددەی، ئەڤە دبیتە پەیامەكا روون بۆ هەمییان: كو یا ب سەرێ‌ ئەڤانە هاتی دبیت هەوە هەمییا ڤەگریت، ئەگەر هین هۆ و هۆ نەكەن.
(دابەشكرنا دەستكەفتیان)
زەیدی وەك بەربژارەكێ‌ لهەڤهاتنێ‌ هاتە سەر تەختێ‌ دەستهەلاتداریێ‌، پشتی چەند مەهەكان ژ دانوستاندن و كێش و ڤەكێشان دناڤبەرا چارچووڤێ‌ هەماهەنگیێ‌، كو بلوكێ‌ حزبێن شیعی یێن مەزن و كەساتی یێن پەرلەنتارە، و پشتی ئیدارەیا ترامبی مافێ‌ ڤیتو دژی بەربژێرێن سەرەكی بكارئینای.
دانوستاندن – د راستی دا بازارە ل سەر دابەشكرنا دەستكەفتییان – راهێنانەكا باشە، د هەمی هەلبژاردناندا دووبارە دبیت، ل ژێر سستەمێ‌ كو دبێژنێ‌ كوتا، كو بوویە بەرێ‌ كوژی د سیاسەتا ئیراقێ‌ دا؛ سەرۆكێ‌ وەزیران شیعی و سەرۆك كۆمار كوردی. لێ‌ كوتا ب رامانا دابەشكرنا پۆستێن حوكومەتێ‌ دهێت، دناڤبەرا هەمی گرۆپێن سیاسی دا: سوننە، شیعە، كورد و غەیری وان.
بانكدارەكێ‌ ناڤدەولەتی، كو ژ ئالیێ‌ حوكومەتا بەرێ‌ هاتبوو دامەزراندن، گۆت: (حزبان دەولەت دناڤ دەولەتێ‌ دا ئاڤاكرینە. دبیت مە حەفت یان هەشت ژ ئەڤان دەولەتێن بچویك هەبن، ل هەر گرێبەستەكا حوكومی 5% بۆ 10% وەردگرن.
د سستەمێ‌ پارڤەكرنا دەستهەلاتا كوتا دا، ئەگەر وەزیرێ‌ پەترۆلێ‌ شیعە بیت، دڤێت ب كێمی ئێك ژ جێگرێن وی سوننە بیت. ل ڤێرە گەڕا دوێ‌ یا بازار و بازرگانیێ‌ د ناڤا بلۆك و حزبێن سوننی ل سەر ئەڤی پۆستێ‌ مفادار دەستپێدكەت. كا بهایێ‌ پۆستێ‌ جێگرێ‌ وەزیرێ‌ پەترۆلێ‌ همبەری چەند پۆستێن رێڤەبەرێن پەروەردێ‌ و ساخلەمیێ‌ رەوشەنبیریێ‌ دكەت؟
ل مەها ئێكا سالا 2025، (عەدنان ئەلجومەیلی)، ئەندازیارێ‌ گەنج و روی ڤەبی و دەڤ ب كەنی، خۆدان سمبێل و پرچ بۆش و بەژن زراڤ، وەكی جێگرێ‌ وەزیرێ‌ پەترۆلێ‌ و بەرپرسێ‌ پالاوگەهان هاتە دامەزراندن.
د چەند گرتەیێن ڤیدیۆیی دا، سەرۆك وەزیرێن بەرێ‌ (موحەمەد سودانی) سینگێ‌ خۆ دئینتەدەر و چاڤكێن رەشێ‌ رۆژێ‌ ل چاڤانە، پرۆژەیێن نوی ڤەدكەت و دەستكەفتێن حوكومەتا خۆ نیشاددەت، ل كێلەكا وی ئەلجومەیلی یێ‌ ب كەنی و گرنژی دەردكەڤیت، د پارچەكا ڤیدیویی دا خەلاتێ‌ (فەرمانبەرێ‌ شەریف) ژ سودانی وەردگریت. لێ‌ هەر زوی پشتی دوڕاندنا سوودانی ژ بۆ بەربژێریا خولا دوێ‌ و زەیدی بوویە سەرۆكێ‌ وەزیر، هەمی تشت تێكدا هەڕفت.
ئەلجومەیلی ئێكەم كەس بوو ل 30ێ‌ گولانێ‌ هاتیە گرتن، ب قاتەكا زەر ل بەر و ب دەهان چەكێن رەشاش و سندۆقێن فیشەكان ل دەردورێ‌ وی كو د مالا وی دا هاتبوونە گرتن، ل سەر شاشا تێلەفزیوونێ‌ هاتە نیشادان. ڤەكۆلەر دبێژن كو ئەوان دەه ملیۆن دۆلار كاش، سێ‌ ملیار دینار (نێزیكی دو ملیۆن دۆلار)، كیلۆ و نیڤ زێڕ و نێزیكی 40 ملكێن دی ل سەرانسەرێ‌ بەغدا و پارێزگەهێن دی ڤەگەراندن. د حەفتیێن دویڤڕا، هێشتا سامان دیار بوو: پارەیێن حەشاندی د بوتلێن پلاستیكی یێن ئاڤێ‌، د كەنال و ئاڤەرۆكێن باران، و د دیوارا دا ڤەشارتی هاتنە دیتن – و دبێژن كو حەفت ملیار دینارێن ئیراقی، هاتنە دەستەسەركرن دەما ژنا وی هەوڵددا د فڕنەكا ژ دەرڤە دا بسۆژیت. هەتا نیڤا مەها تیرمەهێ‌، تەڤاهییێ‌ دەستەسەركری د ڤێ‌ دۆسیێ‌ دا گەهشتە 127 ملیار دینار و 24 ملیۆن دینار و 375 كیلو زێڕ و 70 مولك، زێدەباری هژمارەكا ترۆمبێل و كەلوپەلێن دی.
د هەڤدیتنەكێ‌ ل گەل رۆژنامەڤانێن ئیراقی، ئەلزەیدی گۆت كو ئەلجومەیلی بەری گرتنا وی هەولدا وی ب 200 ملیۆن دۆلاران بەرتیل بكەت داكو ل سەر پۆستێ‌ خۆ بمینیت – د هندەك راپۆرتان دا دهێتە گۆتن، كو تەڤاهیێ‌ بەرتیلێ‌ گەهشتیە 600 ملیۆن دۆلاران.
سیاسەتمەدارەكی بۆ رۆژناما گاردیان راگەهاند: (گەلەك ئالی هاتنە پێش و مفا ژ كاركرن ل گەل ئەلجومەیلی وەرگرتن، ئەوی ژ ئەڤ ئالی وەك پاراستنەك بۆ خۆ دزانی.) ل گەل بەرفرەهبوونا پەیوەندییێن وی ل گەل ئالی یێن سیاسی – نە تنێ‌ بۆ وێ‌ بلۆكا سوننی یا كاندید كری، بەلكو بۆ سەرۆكێن خۆ ل وەزارەتا پەترۆلێ‌ و ل نڤێسینگەها سەرۆك وەزیران – گەهشتە وێ‌ باوەریێ‌ كو كەس دەستێ‌ خۆ درێژ ناكەتێ‌. ل گەل خورتبوونا پشتەڤانیا وی یا سیاسی، دەست ب ئەنجامدانا شاشی یێن كارەساتی كر..
(وەسا دەست ب شاشی و زێدەگاڤیان كر – مینا سەختەكرنا گەهاندنان بۆ عمباران، و ڤەگوهاستنا سۆتەمەنیێ‌ بۆ عمبارێن نەیی. مە بهیستنا هەبوونا هزاران كرێكارێن وەهمی یێن رۆژانە كر، كو كرێیا وان دهاتە مەزاختن و هەرچەندە د ئەسلدا هەبوونا وان هەر نەبوو. مە بهیستنا گرێبەستێن ڤەگوهاستنێ‌ ب ملیۆنان دۆلار د ناڤ پالاڤگەهان دا كر – گرێبەست ب هەژمارێن ئەسترۆنۆمی.).
(دڤێت ئەڤ بەشە ب دوماهیك بهێت)
ڤەكۆلین و گرتن هەڤدەم بوون ل گەل دۆ بوویەران: فشارەكا دژوار ل سەر ئالیێ‌ دارایی یێ‌ ئیراقێ‌ ژبەر شەڕی، و دەستێوەردانا ئەمریكا د ئیراقێ‌ دا.
‏ل گۆڕ ژێدەرێن حوكمەتێ‌ و هندەك ئەندامێن پەرلەمانی و ژێدەرەكێ‌ نێزیك ل دادوەریێ‌، دبێژن ئەمریكی بێزار بوون ژ شكەستئینانا بەردەواما سیاسەتمەدرێن ئیراقێ‌ بۆ ئەنجامدانا چاكسازیێ‌، لەوا ل شوینا ڤێ‌، پەیوەندی یێن نێزیك ل گەل دادوەریا ئیراقێ‌ دروستكرن. نوینەرێ‌ نوی یێ‌ ئەمریكا، (توم باراك)، ژی تەڤلی بوو، ب خۆرتی بەحسێ‌ كۆنترۆلا دەولەتێ‌ ب سەر چەكی دا كر.
كێشیەیا ئەلجومەیلی یا نموونەیی بوو، هژمارەكا سیاسەتمەدارێن مەزن یێن كەتینێ‌، لێ‌ ناڤێن سەرۆكێن حزبێن مەزن نەهاتینە گۆتن. وەكی ئێك ژ كاربدەستان گۆتی: (مرۆڤ ل داویێ‌ نزانیت دێ‌ چ قەومیت، ئەگەر هات و فشار گەهشتە سەر ئەڤان پارتان، گرۆپێن چەكدار دێ‌ چ كەن؟ ئیران دێ‌ چ كەت؟ ئەڤێ‌ كەیسێ‌ خالەكا نەخۆش بۆ ئەمریكیان دروستكر: قاچاخچیاتیا پەترۆلا ئیراقێ‌.
ئەوی بەرپرسی گۆت: (حوكمەت و دەستهەلاتا دادوەریێ‌ هەولددەن دوو ئارمانجان بگەهینن. یا ئێكێ‌ هندی بشێن ئەوی پارەی ڤەگەرینن، یێن حزب و سەركردێن سیاسی ب درێژاهییا سالان ب پیڕە برینە. یا دوێ‌ قەتاندنا هەمی فۆرم و هویركاری یێن پەیوەندییان د ناڤبەرا حزبان و دەولەتێ‌ دا – ئانكو پەیوەندی یێن دناڤبەرا فەرمانگەهێن ئابووری یێن وان حزبان و هەر كوژیەك ژ كوژیێن دەولەتێ‌ دا، ب رامانەكا دی؛ ئێدی ئالی نكارن هیچ تشتەكی ژ دەولەتێ‌ بستینن.)
ئەو هزرا كو حزب ل سەر ئەوان پشكێن ژ دەولەتێ‌ وەردگرن بژین – د رێیا پرۆژە و كۆمیتەیان دا – دڤێت نەمینیت. دڤێت ئەڤ بەشە ب دوماهیك بهێت. و ئەڤە گرنگترین تشتە د دیرۆكا ئیراقا نوی دا ئەگەر رووبدەت.
ئەرێ‌ ئەڤ هەوا داویێ‌ ل دژی گەندەلیێ‌ دێ‌ هیچ ئەنجامەكێ‌ جیددی بۆ هەبیت؟ یان د باشترین رەوشدا دێ‌ كارەكێ‌ دیترێ‌ جوانكارییێ‌ بیت – یا ن ژی دێ‌ بیتە رەوشەكا ئێكلاكرنا تۆلە و حسابێن سیاسی؟ و چاوا ئیراق دكاریت ببیتە دەولەتەكا نۆرمال، شیانا چاكسازیێ‌ هەبیت؟ د دەمەكی دا دناڤ شەڕەكێ‌ فرەئالی دایە و ل سەرانسەرێ‌ ئاخ و ئەسمانێ‌ وێ‌ دهێتە كرن – و ئەرێ‌ دشیاندایە ئەڤ چاكسازی بێ‌ لێپرسین ژ سەرۆكێن حزبان و ئەو دەولەتێن بچویكێن وان ئاڤا كرین، بهێتە ئەنجامدان؟
كەسانێن ناڤخۆیا حوكمەتێ‌ دبێژن، هیچ گەرەنتی نینە كو گەندەلی ب دوماهیك بهێت، هەروەسا ئەڤ حزبە دەست ژ تالانكرنا دەولەتێ‌ بەردەن.. لێ‌ تشتێ‌ ئەم دبهیستین خواستەكا حكومەتێ‌ و دادوەریێ‌ بۆ ب دوماهیك ئینانا قۆناغەكا دیاركری و دەستپێكرنا قۆناغەكا نوی هەیە – رەوشەك كو كار تێدا یێ‌ نۆرمال بیت، و كارێن خزمەتێن سەرەكی تێدا بەردەست بن، قەیرانا دومدارا سۆتەمەنیێ‌ و كارەبێ‌ و ئاڤێ‌ و هەمی هویركاری یێن دی ب دوماهیك بهێن: ئانكو دەولەت وەك هەر دەولەتا جیهانێ‌ بیت، ب هەمی سەركەفتن و شكەستنێن خۆڤە.

ژێدەر: گاردیان 13 ئیلۆنا 2026
* غەیس عەبدولئەحەد : نڤیسكارێ‌ بەریتانی ژ ئەسل ئیراقی

]]> https://rojnameyaevro.com/ku/%d9%86%db%86%d8%b1%d9%85%d8%a7%d9%84-%d9%83%d8%b1%d9%86%d8%a7-%d8%a6%db%8c%d8%b1%d8%a7%d9%82%db%8e%e2%80%8c-%d8%a6%db%95%d8%b1%db%8e%e2%80%8c-%da%af%d8%b1%d8%aa%d9%86%d8%a7-%d8%a8-%d9%83%db%86/270563/feed/ 0 د. ناسر هەركی: خوە ڤەكێشانا هێزێن ئەمەریكی ژ ئیراقێ د بەرژەوەندییا مە دا نینە https://rojnameyaevro.com/ku/%d8%af-%d9%86%d8%a7%d8%b3%d8%b1-%d9%87%db%95%d8%b1%d9%83%db%8c-%d8%ae%d9%88%db%95-%da%a4%db%95%d9%83%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d8%a6%db%95%d9%85%db%95%d8%b1%db%8c/270322/ https://rojnameyaevro.com/ku/%d8%af-%d9%86%d8%a7%d8%b3%d8%b1-%d9%87%db%95%d8%b1%d9%83%db%8c-%d8%ae%d9%88%db%95-%da%a4%db%95%d9%83%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d8%a6%db%95%d9%85%db%95%d8%b1%db%8c/270322/#comments Thu, 24 Sep 2026 11:21:58 +0000 https://rojnameyaevro.com/ku/?p=270322 ئەندامەكێ بەرێ یێ لژنەیا ئاسایش و بەڕەڤانیێ ل جڤاتا نوونەرێن ئیراقێ ژ فراكسیۆنا پارتی دیموكراتی كوردستان، هوشداریێ ژ ڤوكێشانا هێزێن ئەمەریكی ژ ئیراقێ د دەت و ڕادگەهینیت، د ڤی قووناغی دا ڤەكێشانا وان هێزان د بەرژەوەندییا ئیراقێ دا نینە، ژ بەر كو ڕەوشا ئێمناهیێ هێشتا نەگەهشتییە ئاستێ ئارامیێ.
د. ناسر هەركی، ئەندامێ بەرێ یێ لژنەیا ئاسایش و بەڕەڤانیێ ل جڤاتا نوونەرێن ئیراقێ ژ فراكسیۆنا پارتی دیموكراتی كوردستان د داخۆیانییەكا ڕۆژنامەڤانیدا ئاماژە ب وێ چەندێ كر، حوكمەتا ئیراقێ د بجهئینانا بەرنامەیێن خوە یێن ئارامكرنا ڕەوشێ دا سەركەفتی نەبوویە. ناڤبری گۆت»شانێن نڤستی یێن داعشێ و گرۆپێن چەكدار یێن دەرڤەی دەستهەلاتا دەولەتێ كو خوەدی چەك و دارایی یێن مەزنن، مەترسییەكا ڕاستەقینەنە ل سەر ئیراقێ و هەرێما كوردستانێ».
سەبارەت ب ناڤمالا كوردی، د. ناسر هەركی دوپاتی ل وێ چەنێ كر كو تاكە ڕێ بۆ ڕووبڕووبوونا مەترسییان، ئێكگرتنا ناڤخوەیی یا كوردستانێ یە.
ناڤبری ئێگكرتنا هێزێن پێشمەرگەی ب پێنگاڤەكا گرنگ و ئەرێنی ل ڤی دەمی دا ناڤ كر و گۆت: «دڤێت ئەم بەرژەوەندیێن بلند یێن گەلێ خوە بێخینە سەر بەرژەوەندیێن حزبی، دا ب ئێكگرتنێ بشێین ڕووبڕووی پیلانێن نەیاڕێن كوردستانێ ببین».

]]> https://rojnameyaevro.com/ku/%d8%af-%d9%86%d8%a7%d8%b3%d8%b1-%d9%87%db%95%d8%b1%d9%83%db%8c-%d8%ae%d9%88%db%95-%da%a4%db%95%d9%83%db%8e%d8%b4%d8%a7%d9%86%d8%a7-%d9%87%db%8e%d8%b2%db%8e%d9%86-%d8%a6%db%95%d9%85%db%95%d8%b1%db%8c/270322/feed/ 0 ئاخا ئیراقێ بۆ هێرشكرنێ ل سەر سعوودیێ هاتییە بكارهینان https://rojnameyaevro.com/ku/%d8%a6%d8%a7%d8%ae%d8%a7-%d8%a6%db%8c%d8%b1%d8%a7%d9%82%db%8e-%d8%a8%db%86-%d9%87%db%8e%d8%b1%d8%b4%d9%83%d8%b1%d9%86%db%8e-%d9%84-%d8%b3%db%95%d8%b1-%d8%b3%d8%b9%d9%88%d9%88%d8%af%db%8c%db%8e-%d9%87/269943/ https://rojnameyaevro.com/ku/%d8%a6%d8%a7%d8%ae%d8%a7-%d8%a6%db%8c%d8%b1%d8%a7%d9%82%db%8e-%d8%a8%db%86-%d9%87%db%8e%d8%b1%d8%b4%d9%83%d8%b1%d9%86%db%8e-%d9%84-%d8%b3%db%95%d8%b1-%d8%b3%d8%b9%d9%88%d9%88%d8%af%db%8c%db%8e-%d9%87/269943/#comments Wed, 16 Sep 2026 12:14:07 +0000 https://rojnameyaevro.com/ku/?p=269943 سەرۆكێ شانەیا ڕاگەهاندنا ئەمنی یا ئیراقێ ڕاگەهاند، ئیراق ل پشت وان هێرشێن ل سەر سعوودیێ هاتینە كرن نەبوویە، بەلكو ئاخا ئیراقێ بۆ وان هێرشان هاتییە بكارهینان و لژنەكا بلند ل سەر ڕوودانێ هاتییە پێكهینان. هەڤدەم دوپات كر كو نوكە مادەیێن بێهۆشكەر مەزنترین گەفن و تیرۆر ئێدی مەترسییا هەژمار ئێك نینە ل وەلاتی.
فەریق (سەعد مەعن)، سەرۆكێ شانەیا ڕاگەهاندنا ئەمنی یا ئیراقێ، گۆت «ئەو هێرشێن ل سەر سعوودیێ هاتینە كرن ژ ئالیێ ئیراقێ ڤە نەبووینە، بەلكو ئاخا جوگرافییا ئیراقێ بۆ هێرشان هاتییە بكارهینان، هەتا نوكە ژی ب تەمامی نەهاتییە زانین ئەنجامدەر كینە، لێ پێرابوونێن تەمام هاتینە وەرگرتن و لژنە ب هووری كاردكەت، ژ بەر وێ چەندێ سەرۆكوەزیرێن ئیراقێ فەرماندەیێن سەربازییێن پارێزگەها میسانێ ژ پۆستێن وان لاداینە».
سەعد مەعنی ئاماژە ب وێ چەندێ كر، ئیراق ب هەموو شێوەیەكی دژی وان جۆرە هێرشانە و پەیاما فەرمی یا خوە گەهاندییە حوكمەتا ڕیازی «ئەم ل گەل سعوودیێ ل سەر هێلێ نە و ژ هەر گۆڕانكاری و پێزانینەكا نوو ئاگەهدارییا وان دكەین، سعوودیێ ژی تێگەهشتنا گەلەك باش هەیە و دلگران نینە».
دەربارەی ئەندامێن لژنەیا ڤەكۆلینێ ژی، گۆت «لژنە ل ئاستەكێ بلند دایە و ئیران تێدا پشكدار نینە، ب تنێ داخواز ژ سەرۆكوەزیران عەلی زەیدی هاتییە كرن هەماهەنگی و شێوڕا وان هەبیت، ڤەكۆلین بەردەوامن و ئەم دخوازین بگەهینە سەرەداڤێ».
سەبارەت پرۆسەیا ڤەكێشانا هێزێن هەڤپەیمانان، سەرۆكێ شانەیا ڕاگەهاندنا ئەمنی باس ل وێ چەندێ كر، ئیراق ل قووناغەكا تایبەت دایە و هێزێن هەڤپەیمانان هەتا 30ێ ئیلۆنێ ل ئیراقێ نامینن، هەروەسا گۆت «ئیراقێ هەموو شیانێن خوە هەنە و باوەڕی ب هێزێن خوە هەیە، نابیت چو هێزەكا بیانی هەتا وەك شیرەتكار ژی ل ئیراقێ دا بمینیت. ئیراقا نوكە ل گەل سالا 2014 گەلەك جودایە و پترییا فەرماندەیێن سەربازی و ئەمنی هاتینە گۆهۆڕین».
ل دۆر ڕەوشا دەڤەڕێن هەڤپشك، سەعد مەعنی دوپات كر كو «ل وان دەڤەرێن هێزێن فیدڕالی و پێشمەرگە پێكڤە بجهـ بووینە، ب چو شێوەیەكی ڤالاهییا ئەمنی تێدا نینە، هەماهەنگییەكا گەلەك باش د ناڤبەرا هەردوو ئالییاندا دا هەیە د بوارێن ئەمنی، هەوالگری و بەرهنگاربوونا بازرگانێن مادەیێن بێهۆشكەر، هەتا پلان هەیە ڕاهێنانێن هەڤپشك ژی بهێنە ئەنجامدان».
سەعد مەعنی ئاشكەرا كر، د نوكە دا مەزنترین گەف ل سەر وەلاتی مادەیێن بێهۆشكەرن و باس ل وێ چەندێ كر «هەلسەنگاندنێن هەوالگرییێن مە ئەو چەندە سەلماندییە كو تیرۆر ئێدی مەترسییا هەژمار ئێك نینە ل ئیراقێ».
دەربارەی ب هێزكرنا پاراستنا ئەسمانی یا ئیراقێ ژی، گۆت «سەرۆكوەزیرێن ئیراقێ گرنگییەكا مەزن ب ڤی بابەتی د دەت و سەرەدانا هێزا ئەسمانی ژی كریە، ژ بەر وێ چەندێ فەرمان كریە پلانەكا سێ سالی بۆ بلندكرنا شیانێن بەڕەڤانییا ئەسمانی بهێتە داڕشتن».
دەربارەی ئەنجامێ ڤەكۆلینێ ژ وان هێرشێن ل بۆڕی دا ل سەر هەرێما كوردستانێ هاتینە كرن، سەعد مەعنی ڕاگەهاند «ڤەكۆلینا لژنەیان ل سەر هێرشێن سەر هەرێما كوردستانێ ب دووماهی هاتینە و ئەنجامێن وان ژی هەبووینە».

]]> https://rojnameyaevro.com/ku/%d8%a6%d8%a7%d8%ae%d8%a7-%d8%a6%db%8c%d8%b1%d8%a7%d9%82%db%8e-%d8%a8%db%86-%d9%87%db%8e%d8%b1%d8%b4%d9%83%d8%b1%d9%86%db%8e-%d9%84-%d8%b3%db%95%d8%b1-%d8%b3%d8%b9%d9%88%d9%88%d8%af%db%8c%db%8e-%d9%87/269943/feed/ 0 بەغدا د بەرانبەر سزایێن ئەمریكا دا: ئەرێ زەیدی دێ بارێ نەئاسایی ڕاگەهینیت؟ https://rojnameyaevro.com/ku/%d8%a8%db%95%d8%ba%d8%af%d8%a7-%d8%af-%d8%a8%db%95%d8%b1%d8%a7%d9%86%d8%a8%db%95%d8%b1-%d8%b3%d8%b2%d8%a7%db%8c%db%8e%d9%86-%d8%a6%db%95%d9%85%d8%b1%db%8c%d9%83%d8%a7-%d8%af%d8%a7-%d8%a6%db%95%d8%b1/269940/ https://rojnameyaevro.com/ku/%d8%a8%db%95%d8%ba%d8%af%d8%a7-%d8%af-%d8%a8%db%95%d8%b1%d8%a7%d9%86%d8%a8%db%95%d8%b1-%d8%b3%d8%b2%d8%a7%db%8c%db%8e%d9%86-%d8%a6%db%95%d9%85%d8%b1%db%8c%d9%83%d8%a7-%d8%af%d8%a7-%d8%a6%db%95%d8%b1/269940/#comments Wed, 16 Sep 2026 12:13:14 +0000 https://rojnameyaevro.com/ku/?p=269940 ل گەل زێدەبوونا هێرشێن ل سەر دەزگەهێن نەفتا سعودییێ ژ ئاخا ئیراقێ ڤە، بەغدا كەفتییە د تەنگاڤییەكا مەزن دا. ئالیێن ئاگەهدار بۆ ڕۆژنامەیا (مەدا)یا ئیراقی دبێژن واشنتۆنێ ل بەرە سزایێن ئابۆری یێن توند ل سەر ئیراقێ ژ ئەگەرێ ڤێ چەندێ ب سەپینیت، ئەركێ عەلی زەیدی یێ دژوارە: ئایا دێ شێت كۆنترۆلا گرۆپێن چەكدار كەت، یان دێ باری نەئاسایی ڕاگەهینیت بۆ هندێ كو خوە ژ ڤێ تەنگاڤیێ ڕزگار كەت؟
ڕۆژنامەیا «مەدا» یا ئیراقی د ڕاپۆرتەكا شرۆڤەكاری دا پشتی هێرشا درۆنان ژ ئاخا ئیراقێ بۆ سەر زەڤیێن نەفتێ ل سعودییێ، و لێكەفتنا ڕاوەستیانا هنارتنا حەفت ملیۆن بەرمیلێن نەفتێ، بەغدا كەفتییە د مەترسییا سزایێن ئەمریكایێ دا. ئەڤ پێشهاتە حوكمەتا «عەلی زەیدی» ئێخستییە د ئەركەكێ دژوار دا، كو دڤێت ب سەلمینیت دێ شێت كونترۆلا گرۆپێن چەكدار كەت و ڕێگریێ ل بكارهینانا ئاخا ئیراقێ بۆ ململانێیێن هەرێمی كەت.
ژێدەرێن ئاگەهدار دیار دكەن، واشنتۆن ب دلگرانی ڤە دنێڕیتە لاوازییا بەغدایێ د ڕاگرتنا هێرشان دا. هندەك شارەزا پێشنیاز دكەن كو تاكە ڕێكا ل بەر دەستێ زەیدی بۆ كێمكرنا گڤاشتنان و پاشئێخستنا سزایان، ڕاگەهاندنا «باری نەئاسایی» یە، داكو دەستهەلاتا حوكمەتێ ل سەر ڕەوشێ ب سەلمینیت.
ل ئالییەكێ دی، ئەمریكا ب خوە ژی د ڕەوشەكێ ئالۆز دایە د سەرەدەریكرنێ دا ل گەل دۆسێیا ئیراقێ، ب تایبەتی پشتی لاوازبوونا ڕۆلێ بالیۆزخانەیێ و پشتگرتنێ ب تنێ ل سەر تیما «تۆم باراك»ی. ئەڤ ڕەوشە مەترسییا وێ چەندێ دروست دكەت كو ئیراق ببیتە گۆڕەپانا ململانێیا د ناڤبەرا ئێرانێ و ئەمریكایێ دا.
حوكمەتا زەیدی ب گرتنا سنۆرێن ل گەل ئێرانێ ب شێوەیەكێ دەمكی، بزاڤكر پەیامەكێ بۆ واشنتۆنێ ڤرێكەت، لێ گڤاشتنێن هێزێن شیعی نەچاركر سنۆران ڤەكەت. هەروەسا گۆڕانكاریێن ئەمنی ل پارێزگەها میسانێ، كو گومان لێ دهێتە كرن جهێ ئەنجامدانا هێرشان بیت، پشكەك بوون ژ بزاڤێن بەغدایێ بۆ خوەپاراستنێ ژ كارڤەدانا توند یا سعودییێ.
سیاسەتمەدارێ ئیراقی «میسال ئالوسی» دبینیت ڕەوش گەلەك یا مەترسیدارە، چونكە گرۆپێن چەكدار ب سەرپەرشتییا ڕاستەوخوەیا لەشكەرێ پاسداران كار دكەن و دڤێن ئاخا ئیراقێ بكەنە گۆڕەپانا شەڕی، هەروەكی ل یەمەنێ و جهێن دی ڕوودای. لەورا دڤێت زەیدی د سەرەدانێن خوە یێن ئۆرۆپی و ل نەتەوەیێن ئێكرتی دا، بزاڤێ بكەت ئیراقێ وەكی دەولەتەكا خودان سەروەری نیشا بدەت، كو جودایە ژ ڕەفتارێن وان گرۆپێن چەكدار.
ب كورتی، بەغدا د ناڤبەرا دو بژاردەیان دا یە: یان دڤێت ب ئاشكرا سنۆرێ خوە ژ گرۆپێن چەكدار جودا بكەت و بڕیارێن وێرەك بۆ كونترۆلا ئەمنی بدەت، یان چاڤەڕێ سزایێن ئابۆریێن دژوار بكەت، كو د ڤێ ڕەوشا ئابۆرییا ئیراقێ دا، دێ بیتە لێكەفتنەكا گەلەك مەزن یا كو حوكمەت نەشێت خوە ل بەر بگریت.

]]> https://rojnameyaevro.com/ku/%d8%a8%db%95%d8%ba%d8%af%d8%a7-%d8%af-%d8%a8%db%95%d8%b1%d8%a7%d9%86%d8%a8%db%95%d8%b1-%d8%b3%d8%b2%d8%a7%db%8c%db%8e%d9%86-%d8%a6%db%95%d9%85%d8%b1%db%8c%d9%83%d8%a7-%d8%af%d8%a7-%d8%a6%db%95%d8%b1/269940/feed/ 0 د ڕژدین ل سەر ڕاگرتنا هێرشان ل سەر هەرێما كوردستانێ https://rojnameyaevro.com/ku/%d8%af-%da%95%da%98%d8%af%db%8c%d9%86-%d9%84-%d8%b3%db%95%d8%b1-%da%95%d8%a7%da%af%d8%b1%d8%aa%d9%86%d8%a7-%d9%87%db%8e%d8%b1%d8%b4%d8%a7%d9%86-%d9%84-%d8%b3%db%95%d8%b1-%d9%87%db%95%d8%b1%db%8e%d9%85/269576/ https://rojnameyaevro.com/ku/%d8%af-%da%95%da%98%d8%af%db%8c%d9%86-%d9%84-%d8%b3%db%95%d8%b1-%da%95%d8%a7%da%af%d8%b1%d8%aa%d9%86%d8%a7-%d9%87%db%8e%d8%b1%d8%b4%d8%a7%d9%86-%d9%84-%d8%b3%db%95%d8%b1-%d9%87%db%95%d8%b1%db%8e%d9%85/269576/#comments Wed, 09 Sep 2026 11:06:47 +0000 https://rojnameyaevro.com/ku/?p=269576 سەرۆكێ باسكێ حیكمە یێ نیشتمانیێ ئیراقی ئاماژە ب وێ چەندێ كر، كو ڤەكێشانا هێزێن هەڤپەیمانان ل دووماهییا ڤێ مەهێ پەیاما باشتربوونا ڕەوشا ئیراقێ یە و ئاسایشا هەرێما كوردستانێ ژی پشكەكا ژێكنەڤەقەتیایە ژ بنەجهبوونا وەلاتی.
ل ڕۆژا سێشەمبی، 8 ئیلۆنا 2026، عەمار حەكیم، سەرۆكێ باسكێ “حیكمە” یێ نیشتمانیێ ئیراقی د چارچۆڤەیێ سەرەدانا خوە دا بۆ هەرێما كوردستانێ، سەرەدانا باژیڕێ دهۆكێ كر و د داخۆیانییەكێدا ڕاگەهاند، ڕێككەفتن بۆ ڤەكێشانا هێزێن هەڤپەیمانییا نێڤدەولەتی یا دژی داعشێ ل دووماهییا ڤێ مەهێ، پەیاما باشتربوونا ڕەوشا ئیراقێ یە.
عەمار حەكیمی باسێ وێ چەندێ ژی كر، ئیراقێ ب قوربانیدانا ڕۆلێن خوە و هاریكارییا هەڤپشكێن هەرێمی و نێڤدەولەتی شییا ل سەر تیرۆرێ سەركەڤیت.
سەرۆكێ باسكێ حیكمە یێ نیشتمانی گۆت ژی، دووماهیهاتنا ئەركێ هێزێن هەڤپەیمانی نیشانا باشبوونا ڕەوشا ئیراقێ و دەربازكرنا ئاستەنگانە. هەروەسا ئەو چەندە دیاركر، كو ئاسایش و جهگیربوونا هەرێما كوردستانێ ژ ئیراقێ نەهاتییە دابڕین.
د پشكەكا دی یا ئاخڤتنێن خوە دا عەمار حەكیمێ دوپات كر، كو ئەم د ڕژدین ل سەر وێ چەندێ كو هەموو جورێن هێرشان بۆ سەر ئیراقێ و هەرێما كوردستانێ نە مینن. هەڤدەم ڕۆهنكر كو د پاشەڕۆژێ ژی دا كار بۆ وێ چەندێ دكەن ژ هیچ ئالییەكی هێرش نەهێتە كرن سەر سەروەرییا ئیراقێ.
د دەمێ بۆری دا حوكمەتا ئیراقێ و ئەمریكا ڕێككەفتن ل سەر دووماهیئینانا ئەركێ سەربازی یێ هێزێن هەڤپەیمانییا نێڤدەولەتی یا دژی داعشێ ل ئیراقێ. بڕیار ژی یە ل دووماهییا ڤێ مەهێ پرۆسەیا ڤەكێشانێ بچیتە د بوارێ ب جهئینانێ دا. ئالییێن سیاسی یێن ئیراقێ ب تایبەتی چارچۆڤەیێ هەماهەنگیێ پشتگیرییەكا مەزن یا ڤێ پێنگاڤێ دكەن و وەك دەستكەفتەكێ نیشتمانی بۆ سەروەرییا وەلاتی هەژمار دكەن.

]]> https://rojnameyaevro.com/ku/%d8%af-%da%95%da%98%d8%af%db%8c%d9%86-%d9%84-%d8%b3%db%95%d8%b1-%da%95%d8%a7%da%af%d8%b1%d8%aa%d9%86%d8%a7-%d9%87%db%8e%d8%b1%d8%b4%d8%a7%d9%86-%d9%84-%d8%b3%db%95%d8%b1-%d9%87%db%95%d8%b1%db%8e%d9%85/269576/feed/ 0 عەمار حەكیمی سەرۆك بارزانی بۆ سەرەدانا بەغدایێ ڤەخواندییە https://rojnameyaevro.com/ku/%d8%b9%db%95%d9%85%d8%a7%d8%b1-%d8%ad%db%95%d9%83%db%8c%d9%85%db%8c-%d8%b3%db%95%d8%b1%db%86%d9%83-%d8%a8%d8%a7%d8%b1%d8%b2%d8%a7%d9%86%db%8c-%d8%a8%db%86-%d8%b3%db%95%d8%b1%db%95%d8%af%d8%a7%d9%86/269573/ https://rojnameyaevro.com/ku/%d8%b9%db%95%d9%85%d8%a7%d8%b1-%d8%ad%db%95%d9%83%db%8c%d9%85%db%8c-%d8%b3%db%95%d8%b1%db%86%d9%83-%d8%a8%d8%a7%d8%b1%d8%b2%d8%a7%d9%86%db%8c-%d8%a8%db%86-%d8%b3%db%95%d8%b1%db%95%d8%af%d8%a7%d9%86/269573/#comments Wed, 09 Sep 2026 11:05:37 +0000 https://rojnameyaevro.com/ku/?p=269573 باسكێ حیكمە یا نیشتمانی دبێژیت، سەركردایەتییا سیاسی یا هەرێما كوردستانێ ڕۆلەكێ بنەڕەتی و نیشتمانی د ئارامییا ئیراقێ دا دگێرن، ئاماژێ ب وێ ژی دكەت كو عەمار حەكیمی ب فەرمی سەرۆك بارزانی بۆ سەرەدانا بەغدایێ ڤەخواندییە.
سەباح سالحی، ئەندامێ مەكتەبا ب جهئینانێ یا باسكێ حیكمە یێ نیشتمانیێ ئیراقی ب سەرۆكاتییا عەمار حەكیم، گت «پشكداربوونا نێچیرڤان بارزانی، سەرۆكێ هەرێما كوردستانێ د كۆمبوونێن هەڤپەیمانییا بڕێڤەبرنا دەولەتێ دا ل بەغدایێ وەرچەرخانەیەكا گرنگە».
چەند مەهەكە نێچیرڤان بارزانی پشكداری د پترییا كۆمبوونێن هەڤپەیمانییا بڕێڤەبرنا دەولەتێ دا ل بەغدایێ دكەت. سەباح سالحی دبێژیت «بەرهەڤبوونا نێچیرڤان بارزانی وێ چەندێ دیار دكەت كو كێشە ب شێوەیەكێ ڕاستەوخوە و بێ ناڤەندگیر ل گەل ئالییێن شیعی و سوننی بهێنە باسكرن و ڤێ چەندێ كاریگەرییەكا مەزن ل سەر ب لەزكرنا چارەسەرییان هەبوویە».
ڤی بەرپرسێ باسكێ حیكمە ئاماژە ب وێ ژی كر كو عەمار حەكیم وەك «سەركردەیەكێ نیشتمانی یێ ئیراقی ب فەرمی داخواز ژ سەرۆك بارزانی كریە سەرەدانا بەغدا بكەت، ژ بەر كو دبیت بەرهەڤبوونا بارزانی ل بەغدا نە ب تنێ بۆ كوردان، بەلكو بۆ هەموو ئیراقییان جهێ پشتڕاستبوونێ و ئارامیێ یە».
ل دۆر كۆمبوونا ل گەل مەسرور بارزانی، سەرۆكێ حوكمەتا هەرێما كوردستانێ، سالحی ئاماژە ب وێ چەندێ كر كو سەرۆك وەزیران ب هووركاری و ب داتایان كێشێن د ناڤبەرا هەولێرێ و وەزارەتا دارایییا ئیراقێ دا ئێخستینە بەرچاڤ و گۆت»پشتی گوهلێبوونا وان هووركارییێن مەسرور بارزانی، سەرۆكێ حوكمەتا هەرێما كوردستانێ باس كرین، عەمار حەكیمی سۆز دا ل بەغدایێ گڤاشتنێ بێخیتە سەر ئالییێن پەیوەندیدار بۆ وێ چەندێ مافێ فەرمانبەرێن هەرێما كوردستانێ پاراستی بن و مووچە تێكەلی ململانێیان نەبیت».
سەباح سالحی ئاماژە ب وێ ژی كر كو د گەنگەشێن وان دا دگەل سەركردایەتییا هەرێما كوردستانێ دا، جوداهییەكا تەمام هاتییە كرن د ناڤبەرا هێزا پێشمەرگەی و گرۆپێن چەكدار و گۆت «پێشمەرگە پشكەك ژ سیستەمێ بەڕڤانییا ئیراقێ یە و دەزگەهەكێ یاسایی و دەستووری یە، لەورا سەرەدەریكرن ل گەل پێشمەرگەی وەك هێزەكا ڕێكخستی دبیت، نە وەك وان گرۆپێن كو د دەرڤەی دەسهەلاتا دەولەتێ دانە».
ڕۆژا دووشەمبی 7/9/2026، عەمار حەكیم، سەرۆكێ باسكێ حیكمە یا نیشتمانی ب سەرەدانەكا سێ ڕۆژی گەهشتبوو هەولێرێ و ل گەل هەر ئێك ژ سەرۆك بارزانی و نێچیرڤان بارزانی، سەرۆكێ هەرێما كوردستانێ و مەسرور بارزانی، سەرۆكێ حوكمەتا هەرێما كوردستانێ كۆمببوو. هەروەسا پشكداری د بەهییا ڕەحمەتی عەبدولواحد ئیبراهیم شێخ عەبدولسەلامێ بارزانی دا ل پیرمامێ كربوو.
بارەگەهێ بارزانی ل دۆر كۆمبوونا سەرۆك بارزانی و عەمار حەكیمی ڕاگەهاندبوو «بیروڕا ل دۆر ڕەوشا سیاسی یا ئیراقێ و دەڤەرێ هاتنە لێكگۆهارتن هەروەسا باسێ هەماهەنگییا د ناڤبەرا ئالییێن سیاسی و پێشئێخستنا پرۆسەیا سیاسی یا ئیراقێ هاتە كرن».

]]> https://rojnameyaevro.com/ku/%d8%b9%db%95%d9%85%d8%a7%d8%b1-%d8%ad%db%95%d9%83%db%8c%d9%85%db%8c-%d8%b3%db%95%d8%b1%db%86%d9%83-%d8%a8%d8%a7%d8%b1%d8%b2%d8%a7%d9%86%db%8c-%d8%a8%db%86-%d8%b3%db%95%d8%b1%db%95%d8%af%d8%a7%d9%86/269573/feed/ 0