Rojnameya Evro » زانست و ته‌کنۆلۆژیا https://rojnameyaevro.com/ku Sat, 11 Apr 2026 22:21:33 +0000 ar hourly 1 https://wordpress.org/?v=4.0.38 باشترین ئەپلیکەیشنێن ئایپادێ بۆ سالا 2026ێ https://rojnameyaevro.com/ku/%d8%a8%d8%a7%d8%b4%d8%aa%d8%b1%db%8c%d9%86-%d8%a6%db%95%d9%be%d9%84%db%8c%da%a9%db%95%db%8c%d8%b4%d9%86%db%8e%d9%86-%d8%a6%d8%a7%db%8c%d9%be%d8%a7%d8%af%db%8e-%d8%a8%db%86-%d8%b3%d8%a7%d9%84%d8%a7-202/261094/ https://rojnameyaevro.com/ku/%d8%a8%d8%a7%d8%b4%d8%aa%d8%b1%db%8c%d9%86-%d8%a6%db%95%d9%be%d9%84%db%8c%da%a9%db%95%db%8c%d8%b4%d9%86%db%8e%d9%86-%d8%a6%d8%a7%db%8c%d9%be%d8%a7%d8%af%db%8e-%d8%a8%db%86-%d8%b3%d8%a7%d9%84%d8%a7-202/261094/#comments Sat, 11 Apr 2026 22:03:51 +0000 https://rojnameyaevro.com/ku/?p=261094 پەروین سەلاح :

نوكه (ئایپاد) نەما بتنێ ئامرازەک بۆ گەڕیانێ د ئینتەرنێتێ دا یان سەحکرنێ ل ناڤەرۆکێ، بەلکی گۆهۆڕی بۆ پلاتفۆرمەکا تەمام بۆ کار و خواندنێ، ب پشتەڤانیا کۆمەکا بەرفرەهـ یا ئەپلیکەیشنان کو هاریکارن بۆ رێکخستنا ئەرکان و زێدەکرنا بەرهەمداریێ.
ل خوارێ گرنگترین ئەڤ ئەپلیکەیشنە نە
رێکخستنا بینینێ یا بیر و هزرا
“Milanote” بژاردەیەکا گونجایە بۆ وان کەسێن کارکرنێ ب شێوازەکێ بینینێ ب دلێ وان بیت، چونکی شیانێددەت بیر و هزرا و کاران بکەتە تابلۆیێن بینینێ کو تێکەلەکێ
ژنڤیسین و وێنە و ڤیدیۆیان ب خوڤە دگریت
هەروەسا پشتەڤانیا کارێ ب کۆم دکەت ب رێکا پشکداریکرنا پرۆژەیان و دانانا تێبینییان لسەر.
ئەزموونەکا نڤیسینێ یا پێشکەفتی
“GoodNotes” د ناڤا ناڤدارترین ئەپلیکەیشنێن ئایپادێ دا دهێتە هەژمارتن، ب تایبەت بۆ بکارئینەرێن قەلەمێ Apple Pencil.
شیانێ ددەت تێبینییان ب خەتێ دەستی یان ب چاپکرنێ بنڤیسی، دگەل پشتەڤانیا زیرەکیا دەستکرد بۆ کورتکرن و رێکخستنا ناڤەرۆکێ، زێدەباری تۆمارکرنا دەنگی و گرێدانا وێ ب تێبینییان ڤە.
رێڤەبرنا کاران ب پرۆفیشناڵی
“TickTick” ئەزموونەکا تەمام دابین دکەت بۆ رێکخستنا کارێن رۆژانە، دگەل شیانا دروستکرنا لیستا دیارکرنا پێشبینیا
هەروەسا کاتژمێرا “Pomodoro” ب خوڤە دگرت بۆ هاریکاریکرنێ لسەر دابەشکرنا کاران بۆ دەمێن کاریگەر.
بەرهەمداری ب شێوازێ یارییان
“Forest” ئەزموونەکا جودا پێشکێش دکەت، کو بکارئینەری هانددەت لسەر سەرنجراکێشانێ ب رێکا چاندنا دارێن خەیاڵی کو د دەمێ کارکرنێ دا مەزن دبن، و دمرن دەمێ سەرنج بەلاڤ دبیت، دگەل شیانا پشکداریکرنێ د چاندنا دارێن راستەقینە ل دەوروبەرێ جیهانێ.
هەر تشتەک ل جهەکێ
“Notion” ژ هەمەجۆرترین ئامیرانە، چونکی تێبینی گرتن، رێڤەبرنا پرۆژەیان، و رێکخستنا داتایان
هەروەسا هاریکارەکێ زیرەک دابین دکەت بۆ نڤیسین و کورتکرنا ناڤەرۆکێ، دگەل شیانا تێکەلکرنێ دگەل ئامیرێن وەک “سلاک” و “Dropbox”.
پلانکرنا خارنێ ب ساناهی
“Crouton” هاریکارە د رێکخستنا و پلانێن خارنێن هەفتیانە، دگەل دروستکرنا لیستێن بازارکرنێ ب کو دەمی پاشکەفت دکەت و رێڤەبرنا ژیانا رۆژانە سادەتر دکەت.
گرتنا بەلاڤکەرێن دیجیتاڵی
“Freedom” کار دکەت لسەر رێگریکرنێ ل گەهشتنێ ب ئەپلیکەیشن و مالپەرێن بەلاڤکەر ل سەر هەمی ئامیران، کو هاریکاریا بکارئینەری دکەت لسەر سەرنجدانێ د دەمێن کارکرنێ دا.
رێکخستنا پرۆژەیان ب شێوەیەکێ بینایی
“Trello” سیستەمەکێ پێشکێش دکەت کو پشتێ ب کارتان دگرت بۆ رێکخستنا کاران، کو وێ گونجای دکەت بۆ چاڤدێریا پێشکەفتنا پرۆژەیان ب رێیەکا بینایی و ساناهی.
ب ڤی هەمەجۆرییا ڤان ئەپلیکەیشنان، بکارئینەرێن ئایپادێ شیان هەیە ئامیرێن خو بکەنە ناڤەندێن بەرهەمداریێ یێن تەمام، چ بۆ رێڤەبرنا کار، خواندن، یان ژی ژیانا رۆژانە، د ناڤا پێشبڕکێیەکا بەردەوام دا د ناڤبەرا گەشەپێدەران دا بۆ پێشکێشکرنا ئامیرێن زیرەکتر و کاریگەرتری.

]]> https://rojnameyaevro.com/ku/%d8%a8%d8%a7%d8%b4%d8%aa%d8%b1%db%8c%d9%86-%d8%a6%db%95%d9%be%d9%84%db%8c%da%a9%db%95%db%8c%d8%b4%d9%86%db%8e%d9%86-%d8%a6%d8%a7%db%8c%d9%be%d8%a7%d8%af%db%8e-%d8%a8%db%86-%d8%b3%d8%a7%d9%84%d8%a7-202/261094/feed/ 0 تەکنۆلۆژیایا زیرەک د تایرێن میشێلین دا https://rojnameyaevro.com/ku/%d8%aa%db%95%da%a9%d9%86%db%86%d9%84%db%86%da%98%db%8c%d8%a7%db%8c%d8%a7-%d8%b2%db%8c%d8%b1%db%95%da%a9-%d8%af-%d8%aa%d8%a7%db%8c%d8%b1%db%8e%d9%86-%d9%85%db%8c%d8%b4%db%8e%d9%84%db%8c%d9%86-%d8%af/261091/ https://rojnameyaevro.com/ku/%d8%aa%db%95%da%a9%d9%86%db%86%d9%84%db%86%da%98%db%8c%d8%a7%db%8c%d8%a7-%d8%b2%db%8c%d8%b1%db%95%da%a9-%d8%af-%d8%aa%d8%a7%db%8c%d8%b1%db%8e%d9%86-%d9%85%db%8c%d8%b4%db%8e%d9%84%db%8c%d9%86-%d8%af/261091/#comments Sat, 11 Apr 2026 22:00:17 +0000 https://rojnameyaevro.com/ku/?p=261091 سندس سالح:

کۆمپانیا “میشێلین” یا فەرەنسی، کو ناڤەکێ دیار و مەزنە د چێکرنا تایرێن ترۆمبێلان دا ل سەرانسەری جیهانێ، پێنگاڤەکا تەکنەلۆژی یا ئێکجار گرنگ هاڤێتیە. ئەڤێ کۆمپانیایێ دەست ب بکارئینانا “چیپێن زیرەک” یێن ب ناڤێ (RFID) د ناڤ دلێ تایرێن خۆ دا کریە. ئەڤ کارە نە تنێ بۆ نیشاندانا هێزا تەکنەلۆژیایێ یە، بەلکو ئارمانج ژێ ئەوە کو شێوازێ چاودێریکردن و پاراستنا تایرێن ترۆمبێلێ ب ئێکجاری بهێتە گوهۆڕین و بەرەڤ ئاستەکێ بلندتر ببەت.
١. پاراستن و چاودێریکرنا تەمام ل سەر ژیانا تایری
ب ڕێکا ئەڤان چیپێن بچویک یێن کو د ناڤ دیوارێن تایرێن میشێلین دا دهێنە چاندن، کۆمپانیا دشێت چاودێریکرنا هەمی قۆناغێن ژیانا تایری بکەت. ژ وێ چرکەیا تایر د کارگەهێ دا دهێتە چێکرن، هەتا ئەو ڕۆژا کو تایر تەمەنێ خۆ تمام دکەت و ژ کار دکەڤیت، هەمی پێزانین د ناڤ ڤی چیپی دا یێن پاراستی نە. ئەڤ چەندە دبیتە ئەگەر کو کۆمپانیا ب وردی بزانیت کا تایرێن وێ د بن چ فشار و بارودۆخان دانە، و چەوان دشێت جۆرایەتی و هێزا وان بۆ پاشەڕۆژێ پتر پێش بێخیت دا کو خزمەتا شۆفێران بکەت.
٢. ئاسانکاریێن مەزن بۆ کۆمپانیا و خودانێن بارهەڵگران
بۆ وان کۆمپانیایێن کو خودانێن هەژمارەکا زۆر یا ترۆمبێلان یان بارهەڵگرێن مەزنن، ئەڤ تەکنەلۆژیایە وەک وەرچەرخانەکێ یە د کارێ وان دا. ئێدی پێدویستی ب تۆمارکرنا دەستی و کاغەزی نامینیت، چونکی کارگێڕیا کۆمپانیایێ دشێت ب ساناهی ئەڤان زانیاریان بزانیت:
• هەر تایرەک ل سەر کێشک ترۆمبێلێ هاتیە بەستن و چەند ڕێ ب وێ تایرێ هاتیە بڕین.
• کینگێ دەمێ گوهۆڕینا تایرێن تایبەت ب وەرزێ زستانێ و هاڤینێ دهێت.
• ئاستێ سۆتن و داخورانا تایرێ گەهشتیە کیرێ و ئەرێ یا ب سلامەتە بۆ لێخوڕینێ یان نە.
ئەڤ هەمی زانیاریە ب شێوەیەکێ دیجیتالی دهێنە تۆمارکرن، ئەڤ چەندە ژی دبیتە ئەگەر کو چو خەلەتیێن مرۆڤی د تۆمارکرنێ دا چێ نەبن و کار ب ڕێکوپێکی بڕێڤە بچیت.
٣. بلندکرنا ئاستێ سلامەتیێ و پاراستنا گیانێ شۆفێران
ئێک ژ خالێن هەرە گرنگ و ل پێش، گرێدانا ئەڤان چیپانە ب سیستەمێن ناڤ ترۆمبێلێ ڤە. ئەڤ چیپێن زیرەک دشێن زانیاریێن دەستبەجێ ل سەر پلەیا گەرمیا تایرێ و پەستانا هەوایێ بدەنە شۆفێری. ئەگەر هەوا کێم ببیت یان تایر ب ڕەنگەکێ نە ئاسایی گەرم ببیت، سیستەم دێ ب زوترین دەم ئاگەهداریێ ددەتە شۆفێری دا کو خۆ ژ مەترسیێ بپارێزیت. ئەڤە ژی دبیتە ئەگەر کو تەمەنێ تایرێ درێژتر ببیت و ژ هەمیێ گرنگتر، ڕێگریێ ل ڕوودانێن دلتەزێن یێن هاتنوچوونێ دگریت کو ئەگەرێ وان یێ سەرەکی پەقینا تایرێ یە ل سەر ڕێکا.
٤. بەرهنگاربوونا دزی و تایرێن ساختە د بازاری دا
ژبەر کو هەر تایرەک خودان ناسنامەکا دیجیتالی یا تایبەت ب خۆ یە، ئێدی فرۆشتنا تایرێن ساختە یان دزینا تایرێن گرانبەها دێ بیتە کارەکێ گەلەک ب زەحمەت. هەر کەسەکێ ئامیرێ خواندنێ هەبیت، دشێت ب زوترین دەم بزانیت کا ئەڤ تایرە یێ ڕەسەنە یان نە، و هەمی مێژوویا وێ بۆ دیار دبیت. ئەڤە پشتڕاستیەکا مەزن ددەتە کڕیاری کو پارێ خۆ د جهەکێ درست و بۆ تایرەکێ ب کێر و ڕەسەن خەرج دکەت.
ئەنجام و دوماهی
ب کورتی، ئەڤ پێنگاڤا کۆمپانیا میشێلین نیشا مە ددەت کو تەکنەلۆژیا ئێدی چوویە د ناڤ کویراتیا ژیانا مە دا، هەتا د ناڤ تایرێن ترۆمبێلێ ژی دا. بکارئینانا (RFID) د تایرێن ترۆمبێلێ دا، نە تنێ ئاسانکاریە، بەلکو پێدویستیەکا سەردەمیانە یە بۆ زێدەکرنا سلامەتیێ ل سەر ڕێکێن هاتنوچوونێ و کێمکرنا مەزاختیێن زێدە یێن خودانێن ترۆمبێلان.

]]> https://rojnameyaevro.com/ku/%d8%aa%db%95%da%a9%d9%86%db%86%d9%84%db%86%da%98%db%8c%d8%a7%db%8c%d8%a7-%d8%b2%db%8c%d8%b1%db%95%da%a9-%d8%af-%d8%aa%d8%a7%db%8c%d8%b1%db%8e%d9%86-%d9%85%db%8c%d8%b4%db%8e%d9%84%db%8c%d9%86-%d8%af/261091/feed/ 0 زیرەکییا چێکری کارێ کومپیۆتەری ئالۆز نەکرییە، بەلکو ساناھیتر کرییە https://rojnameyaevro.com/ku/%d8%b2%db%8c%d8%b1%db%95%da%a9%db%8c%db%8c%d8%a7-%da%86%db%8e%da%a9%d8%b1%db%8c-%da%a9%d8%a7%d8%b1%db%8e-%da%a9%d9%88%d9%85%d9%be%db%8c%db%86%d8%aa%db%95%d8%b1%db%8c-%d8%a6%d8%a7%d9%84%db%86%d8%b2/260849/ https://rojnameyaevro.com/ku/%d8%b2%db%8c%d8%b1%db%95%da%a9%db%8c%db%8c%d8%a7-%da%86%db%8e%da%a9%d8%b1%db%8c-%da%a9%d8%a7%d8%b1%db%8e-%da%a9%d9%88%d9%85%d9%be%db%8c%db%86%d8%aa%db%95%d8%b1%db%8c-%d8%a6%d8%a7%d9%84%db%86%d8%b2/260849/#comments Mon, 06 Apr 2026 22:56:20 +0000 https://rojnameyaevro.com/ku/?p=260849 عه‌یشا عه‌جیب:

شارەزایەکێ کۆمپیوتەرێ بۆ ڕۆژنامەیا ئەڤرۆ دیار کر، نوکە سیستەمێ کۆمپیوتەری ب خوه‌ دزانیت کا دێ چەوا پاتریێ پارێزیت، دەنگێن دەوروبەری د نێڤ پەیوەندیان دا ناهێلیت و د دۆکۆمێنتان دا هاریکارییا تە دکەت و گۆت: کۆمپیوتەر ژ ئامرازەکێ بێدەنگ، کرییە هەڤالەکێ زیرەک.
دەرباس ڕەسول عەباس، شارەزایە د بۆارێ کۆمپیوتەرێ دا، د دیدارەکێ دا بۆ ڕۆژنامەیا ئەڤرۆ دیارکر: مەزنترین وەرچەرخان د پێنج سالێن بووری دا، دروستبوونا کۆمپیوتەرێن بێ دەنگ و بێ گەرمی بوو، ئێدی پێدڤی ناکەت ل هەر جهەکێ ل دووڤ پلاکەکێ شەحنێ بگەڕی، چونکی تەکنۆلۆژیایا نوو شیایە پاترییێ بۆ دەمەکێ درێژ بهێلیت، هەرچەندە نوکە پترییا کاران ب مۆبایلێ دهێنە ئەنجامدان، بەلێ مۆبایل هێشتا ئامرازێ «مەزاختنێ» یە (تۆڕێن جڤاکی و ڤیدیۆ)، لێ کۆمپیوتەر بنەمایێ «داهێنان و بەرهەمئینانێ» یە بۆ کارێن مەزن یێن ئەندازیاری و مۆنتاژا گران. بۆ ڤان کاران کۆمپیوتەرێن مێزێ (Desktop) وەک: Mac Studio یان HP Z Tower هەر ب بێ ڕکابەر دمینن.
ناڤھاتی د بەردەوامییا ئاخفتنا خۆ دا ئاشکرا ژی کر: د سەردەمەکێ دا کو زیرەکییا دەستکرد (AI) هەموو سنۆرێن تەکنۆلۆژیایێ دەربازکرینە، پرسیارا هەرە گرنگ ل دەف خەلکێ مە ئەوە: ئەرێ د ڤی چەرخێ نوو دا چ کۆمپیوتەرەک دێ گونجای بیت بۆ کار و فێربوونێ؟ بەرسڤ ئەوە: کلیلێن کڕینا کۆمپیوتەری د سەردەمێ نوو دا ل ساڵا ٢٠٢٦ێ، ستانداردێ کڕینێ ل سەر بنەمایێ «زیرەکییێ»یە، ئێدی کۆمپیوتەرێن زیرەک (AI PCs) یێن خودان پرۆسێسەرێن NPU (وەکی Intel Core Ultra یان Apple M-Series) پێشەنگن، ئەڤ پارچەیا نوو د کۆمپیوتەری دا کارێ تە ب شێوەیەکێ ئۆتۆماتیکی زووتر دکەت. بۆ کارێن گشتی: MacBook Air M3 یان Dell XPS 13.
شارەزایێ کۆمپیوتەرێ دا زانین ژی: باشترین ئامرازا زێڕین بۆ قوتابییەکێ دڤێت د داهێنانێ دا بەردەوام بیت، کۆمپیوتەرێن دهێنە چەماندن (2-in-1)، نڤیسین ب قەلەمێ دیجیتالی ل سەر شاشێ، شیانێن ژبەرکرن و تێگەهشتنێ ل دەف قوتابی ب ڕێژەیا ٣٠٪ زێدەتر دکەت بۆ قوتابیان: Microsoft Surface Pro 10 یان HP Envy x360. ھەروەسا پێش کڕینا هەر ئامرازەکێ یا گرنگە کو پشتڕاست ببی ئەڤ مەرجە تێدا بن:

١- ‏RAM:
کێمتر نەبیت ژ (16GB)
٢- هارد:
ژ جۆرێ SSD و کێمتر نەبیت ژ (512GB).
٣- پاتری:
ب کێمی ١٠ دەمژمێران بێ شەحن کار بکەت.
٤- Repairability:
هەردەم پرسیار بکە کا ئەرێ ئەڤ کۆمپیوتەرە دهێتە نووژەنکرن؟ کڕینا ئامرازەکێ کو پارچێن وێ ب ساناهی بگوھۆڕن وەبەرهێنان بۆ پاشەرۆژێ.
ئەو چەندە ژی دیار کر: ھەروەسا ژ لایێ دیزاینێ ژی پێدڤی ب ڕەنگێن دروست و هێزا گرافیکێ هەیە، ژ بەر کو بەرنامەیێن دیزاینێ نوکە ھەموو پشت ب زیرەکییا چێکری گرێددەن، پێدڤی ب کارتێن گرافیکێ یێن جودا هەیە. بۆ دیزاینەران وەک: MacBook Pro 14/16 یان ASUS ProArt Studiobook. ھەروەسا د ململانێیا سالا ٢٠٢٦ێ دا، پرسیار نە ئەوە کا کیژ ئامراز ب هێزترە، بەلکو ئەوە کا کیژ ئامراز زیرەکانەتر هاریکارییا تە دکەت دا کو تو داهێنانێ بکەی. کۆمپیوتەر نە تنێ ئامرازە، بەلکو پاشەرۆژا داهێنانا تەیە.

]]> https://rojnameyaevro.com/ku/%d8%b2%db%8c%d8%b1%db%95%da%a9%db%8c%db%8c%d8%a7-%da%86%db%8e%da%a9%d8%b1%db%8c-%da%a9%d8%a7%d8%b1%db%8e-%da%a9%d9%88%d9%85%d9%be%db%8c%db%86%d8%aa%db%95%d8%b1%db%8c-%d8%a6%d8%a7%d9%84%db%86%d8%b2/260849/feed/ 0 ئایفۆن 18 پرۆ دێ ب رەنگێن تاری و نەئاسایی هێت https://rojnameyaevro.com/ku/%d8%a6%d8%a7%db%8c%d9%81%db%86%d9%86-18-%d9%be%d8%b1%db%86-%d8%af%db%8e-%d8%a8-%d8%b1%db%95%d9%86%da%af%db%8e%d9%86-%d8%aa%d8%a7%d8%b1%db%8c-%d9%88-%d9%86%db%95%d8%a6%d8%a7%d8%b3%d8%a7%db%8c%db%8c/260846/ https://rojnameyaevro.com/ku/%d8%a6%d8%a7%db%8c%d9%81%db%86%d9%86-18-%d9%be%d8%b1%db%86-%d8%af%db%8e-%d8%a8-%d8%b1%db%95%d9%86%da%af%db%8e%d9%86-%d8%aa%d8%a7%d8%b1%db%8c-%d9%88-%d9%86%db%95%d8%a6%d8%a7%d8%b3%d8%a7%db%8c%db%8c/260846/#comments Mon, 06 Apr 2026 22:55:20 +0000 https://rojnameyaevro.com/ku/?p=260846 پەروین سەلاح:

ئایفۆن ١٨پرۆ ئامادەیە گۆڕانکاریەکا بەرچاڤ د مۆبایلێن خوه‌ یێن بهێت دا بکەت، نە ب تنێ ژ لایێ دیزاینێ ڤە، بەلکو ب پێشکێشکرنا رەنگێن زێدەتر یێن د زنجیرا ئایفۆن 18 پرۆ دا، ب ڤێ چەندێ دێ مۆبایلێن وێ زیندیاتیەکا زێدەتر وەرگرن، ل گۆرەی زانیاریان، «ئەپل» دێ بەردەوام بیت ل سەر زمانێ دیزاینێ یێ کو د گەل نەوەیا بۆری پێشکێش کر، لێ دێ دەست لێدانەکا نوو زێدە کەت ب رێیا رەنگێن زێدەتر یێن جۆراوجۆر، ژ وان رەنگێ خومری (Maroon) کو دهێتە چاڤەرێکرن ببیتە ئێک ژ گرنگترین و سەرنجراکێشیترین بژاردە بۆ بکارئینەران
د گەل رەنگێن نوو، راپۆرت ئاماژێ ب وێ چەندێ دکەن کو ئەگەری هەیە قەبارێ تایبەتمەندیا Dynamic Island کێم ببیت، ب تایبەتی ل بەشێ چەپێ یێ کو سێنسۆرێن کامێرایێ و تەکنۆلۆژیا Face ID تێدا نە، ئەڤ چەندە ژی دێ شاشێ دیمەنەکێ رێکتر و جوانتر دەتێ، ل گۆرەی راپۆرتەکێ کو مالپەرێ «digitaltrends» بەلاڤکریە.
هەروەسا دەنگ و باس بەلاڤ دبن دەربارەی ئەگەرا ڤەگوهاستنا سێنسۆرێن Face ID بۆ بن شاشێ، کو ئەڤە گوهۆرینەکا مەزنە ئەگەر بجهـ بهێت، بەلێ هێشتا د ناڤا دەنگ و باسێن نە پشتراستکری دا یە هه روه سا رێبازا پەرەپێدانا پلە ب پلە بەردەوامە.
ڤان ئاراستەکرنان بەردەوامیا ستراتیژیا «ئەپل» نیشان ددەن کو ل سەر پێشکێشکرنا باشکرنێن پلە ب پلە یە ل شوونا گوهۆرینێن بنەڕەتی، ئەڤە ژی رێبازەکە کو کۆمپانیایێ ب سالانە بکارئینایە، چونکی هەڤسەنگیێ د ناڤبەرا پاراستنا ناسنامەیا دیزاینێ و پێشکێشکرنا دەستلێدانێن نوو دا دکەت هەر سالەکێ ئەڤە د دەمەکێ دا کو هندەک کەس دبێژن ئەڤ نووکرنە کێمن و ناگەهنە ئاستێ داهێنانەکا مەزن، هندەکێن دی ڤێ رێبازێ ب باشتر دبینن کو ئەزموونەکا ئاشنا دپارێزی.
ل دووماهیێ، دیارە کو «ئەپل» جارەکا دی پشتێ ب تێفەهیمێن بچویک گرێددەت ـ وەک رەنگان و گوهۆرینێن بچووک د دیزاینێ دا ـ بۆ پاراستنا سەرنجراکێشیا مۆبایلێن خوه‌ د بازارەکێ گەلەک رکابەری تێدا. هەر چەندە ئەڤ گوهۆرینە د رەنگە شۆرەشگێرانە نەبن، بەلێ د رەنگە بەس بن بۆ قەناعەتکرنا پشکەک ژ بکارئینەران کو مۆبایلێن خوه‌ نووکەن، ب تایبەتی ئەگەر کۆمپانیایێ سەرکەفتی بیت د پێشکێشکرنا ئەزموونەکا هەڤسەنگ کو ئاست و دیزاینەکا سەرنجراکێش پێکڤە کۆم بکەت.

]]> https://rojnameyaevro.com/ku/%d8%a6%d8%a7%db%8c%d9%81%db%86%d9%86-18-%d9%be%d8%b1%db%86-%d8%af%db%8e-%d8%a8-%d8%b1%db%95%d9%86%da%af%db%8e%d9%86-%d8%aa%d8%a7%d8%b1%db%8c-%d9%88-%d9%86%db%95%d8%a6%d8%a7%d8%b3%d8%a7%db%8c%db%8c/260846/feed/ 0 هشيارى ڤى جۆرێ راوته‌رى به‌ ده‌مێ تو دكڕى https://rojnameyaevro.com/ku/%d9%87%d8%b4%d9%8a%d8%a7%d8%b1%d9%89-%da%a4%d9%89-%d8%ac%db%86%d8%b1%db%8e-%d8%b1%d8%a7%d9%88%d8%aa%d9%87%e2%80%8c%d8%b1%d9%89-%d8%a8%d9%87%e2%80%8c-%d8%af%d9%87%e2%80%8c%d9%85%db%8e-%d8%aa%d9%88/260560/ https://rojnameyaevro.com/ku/%d9%87%d8%b4%d9%8a%d8%a7%d8%b1%d9%89-%da%a4%d9%89-%d8%ac%db%86%d8%b1%db%8e-%d8%b1%d8%a7%d9%88%d8%aa%d9%87%e2%80%8c%d8%b1%d9%89-%d8%a8%d9%87%e2%80%8c-%d8%af%d9%87%e2%80%8c%d9%85%db%8e-%d8%aa%d9%88/260560/#comments Wed, 01 Apr 2026 23:12:09 +0000 https://rojnameyaevro.com/ku/?p=260560 سندس سالح:

یێ ب ئاگەهـ بە ئەگەر تە ئامیرەکێ راوتەرێ نوو یێ خودان تەکنۆلۆژیا Wi-Fi 7 کری؛ هندەک ژ وان بانگەشەیا هەبوونا ڤێ تەکنۆلۆژیایێ دکەن، لێ د راستیێ دا ب تمامی وێ تەکنۆلۆژیایێ ب خوه‌ڤە ناگرن.
ئەگەر تو ل هزرێ بی ئامیرەکێ راوتەرێ نوو بکڕی دا کو پەیوەندییا ئینتەرنێتا مالا خوه‌ باشتر بکەی، بکارئینانا نووترین جۆرێن خودان تەکنۆلۆژییا Wi-Fi 7 بژاردەیەکا باشە. ئەڤە دێ هاریكارییا تە کەت کو رووبەرێ ڤەگرتنێ ل هەمی پشکێن مالا تە باشتر لێ بهێت، کو جێگیری و خێراییەکا زێدەتر دابین دکەت. لێ دڤێت تو یێ ب ئاگەهـ بی دەمێ تو ئامیرەی هەلدبژێری. وەک دێ بینی، ڕەنگە تو هندەک جۆرێن ئامیران بینی کو بانگەشەیا هەبوونا ڤێ تەکنۆلۆژیایێ دکەن، لێ د راستیێ دا هەمی شیانێن وێ بکار نائینن.
ئامیرێن ئاراستەکرنێ (راوتەر) یێن ب ناڤێ Wi-Fi 7 لێ د راستیێ دا بێ ڤێ تەکنۆلۆژیایێنە
هەتا ئەم چاڤەڕێی گەهشتنا تەکنۆلۆژییا Wi-Fi 8 دکەین، کو هێشتا چەندین سال ماینە بگەهیت، Wi-Fi 7 نووترین ستانداردە. زۆربەیا راوتەرێن نوو و بهێز ڤێ تەکنۆلۆژیایێ ب خۆڤە دگرن. راستە کو گەلەک ئامیرێن وەک مۆبایل و کۆمپیوتەران هێشتا د گەل ڤێ تەکنۆلۆژیایێ ناگونجن، لێ بەرەبەرە بژاردەیێن پتر د بازاڕی دا پەیدا دبن.
ئێک ژ گرنگترین تایبەتمەندیێن Wi-Fi 7 ئەو تشتەیە کو ب MLO دهێتە نیاسین (کارپێکرنا ب فرە-پەیوەندی). ئەڤە وێ چەندێ دگەهینیت کو رێ ددەتە ئامیران پتر ژ باندەکێ لەرەلەری د ئێک دەم دا بکاربینن. ئەڤە یا بمفایە چونکە کاراییا ئامیرەی باشتر دکەت و گیرۆبوونا ئینتەرنێتێ کێم دکەت.
لێ کێشە ل وێرێ یە کو هندەک راوتەرێن دهێنە بەلاڤکرن کو پشتەڤانییا Wi-Fi 7 دکەن، ب تمامی دگەل ناگونجن؛ ژبەر کو هندەک ژ وان ڤێ تایبەتمەندییا MLO نینە. بۆ نموونە، دڤێت مۆبایلا تە بشێت پەیوەندیێ ب تورا Wi-Fi 7 بکەت و لەرەلەرێن 2.4 و 5 و 6 گێگاهێرتز د هەمان دەم دا بکاربینیت، ئەڤە ژی ب تنێ ب رێکا تایبەتمەندییا MLO دهێتە کرن.
وەک کۆڤارا بسپۆر (RTINGS) دیار کری، پشتی تاقیکرنا چەندین جۆرێن ئامیران، تایبەتمەندییا MLO وەک خالەکا سەرەکی دهێتە هەژمارتن بۆ ناساندنا راوتەری د چوارچێڤەیێ تەکنۆلۆژییا Wi-Fi 7 دا. لێ خالەکا گرنگ ل ڤێرە هەیە: نە یا مەرجە راوتەرێ Wi-Fi 7 پشتەڤانییا MLO یا هەڤدەم (هنارتن و وەرگرتنا هەڤدەم) ب رێکا تەکنۆلۆژییا EMLMR بکەت. بتنێ ئەگەر ئامیرە پشتەڤانییا جۆرێ دی یێ MLO بکەت کو ب (NSTR/هنارتن و وەرگرتنا نە-هەڤدەم) دهێتە نیاسین، دهێتە هەژمارتن کو راوتەرێ Wi-Fi 7 یە.
ژ بەر هندێ، گەلەک راوتەر وەک Wi-Fi 7 دهێنە نیاسین، لێ د راستیێ دا ڤێ تایبەتمەندییا سەرەکی بکار نائینن. ب گۆرەی راپۆرتا RTINGS، کو دووڤچوون بۆ 25 راوتەرێن Wi-Fi 7 کرییە، هندەک ژ راوتەرێن بەرنیاس وەک ASUS Zen Wi-Fi BT10 و TP-Link Archer BE700، پشتەڤانییا MLO یا هەڤدەم (EMLMR) ناکەن، بەلکو پشتەڤانییا جۆرێ دی (NSTR) دکەن.
ل دووماهیێ، کڕینا راوتەرەکێ نوو ب تەکنۆلۆژییا Wi-Fi 7 مەرج نینە ببیتە ئەگەرێ گوهۆڕینەکا مەزن د له‌زاتيا ئینتەرنێتا تە دا. یا گرنگ ئەوە ب هووری دووڤچوونێ بۆ وی تشتێ دکڕی بکەی و خوه‌ ژ کڕینا وان بەرهەمان بپارێزی یێن کو ئاستێ چاڤەڕێکریێ تە دابین ناکەن.

]]> https://rojnameyaevro.com/ku/%d9%87%d8%b4%d9%8a%d8%a7%d8%b1%d9%89-%da%a4%d9%89-%d8%ac%db%86%d8%b1%db%8e-%d8%b1%d8%a7%d9%88%d8%aa%d9%87%e2%80%8c%d8%b1%d9%89-%d8%a8%d9%87%e2%80%8c-%d8%af%d9%87%e2%80%8c%d9%85%db%8e-%d8%aa%d9%88/260560/feed/ 0 چاوانیا ڤەگوهاستنا فایلان د ناڤبەرا گالاكسى ئێس ٢٦ و ئایفۆنێ دا https://rojnameyaevro.com/ku/%da%86%d8%a7%d9%88%d8%a7%d9%86%db%8c%d8%a7-%da%a4%db%95%da%af%d9%88%d9%87%d8%a7%d8%b3%d8%aa%d9%86%d8%a7-%d9%81%d8%a7%db%8c%d9%84%d8%a7%d9%86-%d8%af-%d9%86%d8%a7%da%a4%d8%a8%db%95%d8%b1%d8%a7-%da%af/260557/ https://rojnameyaevro.com/ku/%da%86%d8%a7%d9%88%d8%a7%d9%86%db%8c%d8%a7-%da%a4%db%95%da%af%d9%88%d9%87%d8%a7%d8%b3%d8%aa%d9%86%d8%a7-%d9%81%d8%a7%db%8c%d9%84%d8%a7%d9%86-%d8%af-%d9%86%d8%a7%da%a4%d8%a8%db%95%d8%b1%d8%a7-%da%af/260557/#comments Wed, 01 Apr 2026 23:11:14 +0000 https://rojnameyaevro.com/ku/?p=260557 پەروین سەلاح:

کۆمپانییا سامسۆنگێ پشتەڤانییا تێکەلکرنێ د گەل تایبەتمەندییا AirDropێ زێدە کر ل سەر مۆبایلێن سامسۆنگ گالاکسی S26، کو رێژا دەتە پارڤەکرنا فایلان ب راستەوخۆیی د گەل ئامیرێن “ئەپل”ێ وەک ئایفۆن.
ئەڤ تایبەتمەندییە ب رێیا نووکرنه كا نوو گەهشت، چاڤەرێ دهێتە کرن کو پاشتر بگەهیتە ئامیرێن “سامسۆنگ” یێن کەڤنتر، ل گۆرەی راپۆرتەکێ کو مالپەرێ “androidheadlines” بەلاڤ کرییە.
چاوانیا چالاککرنا تایبەتمەندیێ ل سەر گالاکسی S26
بۆ بکارئینانا ڤێ تایبەتمەندیێ، پشتراست بە کو تەلەفۆنا تە نووکریە بۆ نووترین وەشانا وان یو ئای، پاشی ڤان پێنگاڤا دەسپێبکە :
‏1. (Settings) ڤەکە.
2. دێ چيه سەر ئامیرێن گرێدایی (Connected Devices).
3. ل سەر کویک شێر (Quick Share) كليك بكه .
4. بژارده‌یا “شێر د گەل ئامیرێن ئەپل” (Share with Apple Devices) چالاک بکە.
بێی چالاککرنا ڤێ بژارده‌یێ، ئامیرێن “ئەپل” د ناڤ بژاردەیێن پشکداریکرنێ دا دیار نابن.

ئامادەکرنا ئامیرێ ئایفۆنێ
ل سەر ئامیرێ ئایفۆنێ، ڤان کاران بکە:
‏1. (Settings) ڤەکە.
2. دێ چيه د ناڤ ئێردرۆپ (AirDrop) دا.
3. “هەموو کەس” (Everyone) هەلبژێرە بۆ دەمێ 10 خولەکان.
ئەڤە ژ بەر هندێ یە کو ئامیرێ “سامسونگ” د ناڤ پەیوەندییان دا نابیت.

رەوانەکرنا فایلان ژ گالاکسی بۆ ئایفۆنێ
– فایلێ هەلبژێرە یێ تە دڤێت پشکداریێ پێ بکەی.
– ل سەر دوگمێ پشکداریکرنێ (Share) كليك بكه .
– کویک شێر (Quick Share) هەلبژێرە.
– ئامیرێ ئایفۆنێ ژ لیستی دیار بکە.
– ل سەر وەرگرتنێ ژ ئامیرێ ئایفۆنێ رازی بە.
و فایل د چەند چرکەیان دا دێ هێنە ڤەگوهاستن، ل گۆرەی قەبارەیێ وان.
رەوانەکرنا فایلان ژ ئایفۆنێ بۆ گالاکسی
دشێی فایلان ب هەمان رێکێ ب پێچەوانەیی ژی ڤەگوێزی:
– ئێردرۆپ (AirDrop) ل سەر ئایفۆنێ چالاک بکە.
– ئامیرێ گالاکسی S26 ژ لیستا پشکداریکرنێ هەلبژێرە.
– ل سەر وەرگرتنێ ل سەر تەلەفۆنا “سامسونگ” رازی بە.

ئەنجام و ئەزموون
تایبەتمەندی ب شێوەیەکێ گەلەک رەوان کار دکەت، لێ د شیاندا هەیە هێدی بیت دەمێ فایلێن مەزن، وەک ڤیدیۆیێن کوالیتیا بلند، دهێنە ڤەگوهاستن، ئەڤە ژی تشتەکێ ئاسایی یە د تەکنیکێن پشکداریکرنا دا
د دوماهیێ دا، د شیاندا هەیە ئەزموون هێشتا نە ب تەمامی باش بیت، لێ ئەڤە دەستپێکەکا گرنگە بەر ب ساناهی پشکداریکرنا فایلان د ناڤبەرا ئامیرێن جودا دا، بێی پێدڤی ب ئەپلیکەیشنێن زێدە.

]]> https://rojnameyaevro.com/ku/%da%86%d8%a7%d9%88%d8%a7%d9%86%db%8c%d8%a7-%da%a4%db%95%da%af%d9%88%d9%87%d8%a7%d8%b3%d8%aa%d9%86%d8%a7-%d9%81%d8%a7%db%8c%d9%84%d8%a7%d9%86-%d8%af-%d9%86%d8%a7%da%a4%d8%a8%db%95%d8%b1%d8%a7-%da%af/260557/feed/ 0 جیتۆر G700 هایبێرد: درندەیێ نوو یێ چینی جیهانا ترومبێلێن SUV ل ئیراقێ دهەژینیت https://rojnameyaevro.com/ku/%d8%ac%db%8c%d8%aa%db%86%d8%b1-g700-%d9%87%d8%a7%db%8c%d8%a8%db%8e%d8%b1%d8%af-%d8%af%d8%b1%d9%86%d8%af%db%95%db%8c%db%8e-%d9%86%d9%88%d9%88-%db%8c%db%8e-%da%86%db%8c%d9%86%db%8c-%d8%ac%db%8c%d9%87/260155/ https://rojnameyaevro.com/ku/%d8%ac%db%8c%d8%aa%db%86%d8%b1-g700-%d9%87%d8%a7%db%8c%d8%a8%db%8e%d8%b1%d8%af-%d8%af%d8%b1%d9%86%d8%af%db%95%db%8c%db%8e-%d9%86%d9%88%d9%88-%db%8c%db%8e-%da%86%db%8c%d9%86%db%8c-%d8%ac%db%8c%d9%87/260155/#comments Tue, 17 Mar 2026 01:51:18 +0000 https://rojnameyaevro.com/ku/?p=260155 د جیهانا ترۆمبێلێن SUV یێن مەزن و بهێز دا، کۆمپانیا «جیتور» (Jetour) ب بەرهەمێ خۆ یێ نوو «G700 Plug-in Hybrid» مۆدێل ٢٠٢٦، شیایە هەمی چاڤان ل سەرانسەری جیهانێ و ب تایبەت ل بازاڕێن ئیراقێ و هەرێما کوردستانێ بۆ خوه‌ ڕابکێشیت. ئەڤ ترۆمبێلە تەنێ ئامیرەکێ ڤەگوهاستنێ نینە، بەلکو گۆپیتكا تەکنەلۆژیا «هایبێرد» و هێزەکا درندانەیە کو بۆ دژوارترین ڕێکان هاتیە ئامادەکرن.
جیتور G700 ب ئێک ژ بهێزترین ترۆمبێلێن چینی دهێتە هەژمارتن کو هەتا نوکە هاتینە بەرهەمهێنان. مەکینەیا وێ یا پەنزینێ ٢.٠ لیتری یا تۆربۆیە، لێ تشتێ وێ دکەتە «درندە» کۆمکرنا ڤێ مەکینێ یە د گەل دو مۆتۆرێن کارەبێ یێن بهێز. ئەڤ سیستەمە ب هەڤڕا هێزا ٩٠٤ هه‌سپان و زەبرەکێ (Torque) سەرسۆرهێنەر کو دگەهیتە ١,١٣٥ نیوتن مەتر بەرهەم دئینیت. سەرەڕای قەبارێ وێ یێ مەزن، ئەڤ ترۆمبێلە دشێت د ماوێ تەنێ ٤.٦ چرکەیان دا ژ سفرێ بگەهیتە خێراییا ١٠٠ کم/ده‌مژمێر، کو ئەڤە له‌زاتیه‌كا کێم وێنەیە د جیهانا ترۆمبێلێن SUV دا.
جیتور د ڤی مۆدێلی دا کێشەیا «دودلیا رێ» (Range Anxiety) چارەسەر کریە. ب هەبوونا باتریەکا ٣٤.١٣ کیلۆوات، ترۆمبێل دشێت تنێ ب کارەبێ مەودایێ ١٠٠ هه‌تا ١٥٠ کیلۆمەتران ببڕیت. لێ دەمێ پەنزین و کارەب ب هەڤڕا کار دکەن، مەودایێ گشتی دگەهیتە ١,٤٠٠ کیلۆمەتران. خالا هەرە سەرنجڕاکێش سیستەمێ شەحنکرنا ب له‌زه‌؛ مرۆڤ دشێت د ماوێ تەنێ ١٠ خولەکان دا باتریێ ژ ٢٠٪ بگەهینیتە ٨٠٪، کو ئەڤە دەستکەفتەکێ مەزنە بۆ بکارئینەرێن ئیراقێ.
ژ لایێ دەرڤە، G700 ب قەبارەیەکێ زەبەلاح دهێت (درێژی ٥,١٩٨ ملم و پانی ٢,٠٥٠ ملم)، کو سیمایەکێ ب هێز و لوکس ددەتێ. د ناڤ دا، ترۆمبێل گۆڕەپانا تەکنەلۆژیایێ یە؛ شاشەکا ناڤەندی یا مەزن ب قەبارێ ١٥.٦ ئینج و شاشەکا پانۆراما بۆ شوفێری ب قەبارێ ٣٥.٤ ئینج هاتینە دانان. هەروەسا، کورسیێن وێ نە تەنێ ئاسایین، بەلکو سیستەمێ مەساج، سارکرن و گەرمکرنێ تێدانە، د گەل سیستەمەکێ دەنگی یێ پێشکەفتی کو گەشتێ دکەتە خۆشیەکا بێ وێنە.
ل دووڤ پێشبینیێن ژێده‌رێن ناڤخۆیی، بهایێ جیتور G700 مۆدێل ٢٠٢٦ ژ 60 ملیۆن دینارێن ئیراقی ده‌ست پێ دكه‌ت و ل دووڤ تایبه‌تمه‌ندیان دهێته‌ گوهۆڕین.
جیتور G700 هایبێرد، نوونەراتیا پاشەڕۆژا ترۆمبێلان دکەت. ئەڤ ترۆمبێلە بۆ وان کەسانە یێن دڤێت هێزا هێزێ و خۆشیا لوکس و پاراستنا ژینگەهێ ب هەڤڕا د ئێک قالب دا هەبن. ب ڤان تایبەتمەندیان، پێشبینی دهێتە کرن کو ببیتە هەڤرکێ هەرە سەرەکی یێ ترۆمبێلێن جیهانی ل ئیراقێ.

]]> https://rojnameyaevro.com/ku/%d8%ac%db%8c%d8%aa%db%86%d8%b1-g700-%d9%87%d8%a7%db%8c%d8%a8%db%8e%d8%b1%d8%af-%d8%af%d8%b1%d9%86%d8%af%db%95%db%8c%db%8e-%d9%86%d9%88%d9%88-%db%8c%db%8e-%da%86%db%8c%d9%86%db%8c-%d8%ac%db%8c%d9%87/260155/feed/ 0 بێی چو ژ ده‌ست بده‌ی عه‌مبارا مۆبایلا خوه‌ ڤالا بكه‌ https://rojnameyaevro.com/ku/%d8%a8%db%8e%db%8c-%da%86%d9%88-%da%98-%d8%af%d9%87%e2%80%8c%d8%b3%d8%aa-%d8%a8%d8%af%d9%87%e2%80%8c%db%8c-%d8%b9%d9%87%e2%80%8c%d9%85%d8%a8%d8%a7%d8%b1%d8%a7-%d9%85%db%86%d8%a8%d8%a7%db%8c%d9%84/260152/ https://rojnameyaevro.com/ku/%d8%a8%db%8e%db%8c-%da%86%d9%88-%da%98-%d8%af%d9%87%e2%80%8c%d8%b3%d8%aa-%d8%a8%d8%af%d9%87%e2%80%8c%db%8c-%d8%b9%d9%87%e2%80%8c%d9%85%d8%a8%d8%a7%d8%b1%d8%a7-%d9%85%db%86%d8%a8%d8%a7%db%8c%d9%84/260152/#comments Tue, 17 Mar 2026 01:50:21 +0000 https://rojnameyaevro.com/ku/?p=260152 سندس سالح:

ڤێ تایبەتمەندیێ د مۆبایلا خۆ دا ژکار بێخە و ٧ گێگابایتێن جهێ کۆگایێ (Storage) ڤەگەرینە بێی کو چ تشتەکێ ژ دەست بدەی.
تو بەرنامە و یارییان دادگری و وێنەیان کۆپی دکەی ل سەر ئامرازێ خۆ یێ ئەندرۆید، هەتا کو نامەیا «جهێ کۆگایێ یێ کێمە» بۆ تە دهێت. ئەڤە ب ڕاستی ئێکە ژ بێزارکەرترین تشتان، چونکو کارتێکرنەکا خراب ل سەر کارکرنا مۆبایلا تە دکەت.
ل وی دەمی، تو دەست ب گەڕیانێ دکەی بۆ دۆزینەڤەیا ڕێکەکێ دا کو جهی د مۆبایلا خۆ دا فەراهەم بکەی. ب گشتی باشترین کار ئەوە تو فایلێن نەپێدڤی ژێ ببەی و (Cache) یێ بەرنامەیان پاقژ بکەی، زێدەباری ژێبرنا وان بەرنامەیێن تو بکار ناینی یان یێن کو بارەکێ گران دئێخنە سەر مۆبایلێ.
بەلێ خزمەتگۆزارییەک د مۆبایلێن نوی یێن (سامسۆنگ، شیاومی، گۆگڵ پێکسل) و براندێن دی دا هەیە، کو ب ناڤێ «AI Core» دهێتە نیاسین. ئەڤە ئامرازەکێ وەسا یە کو جهەکێ زۆر دگریت، و ئەگەر تو ژ کار بێخی دێ فشارێ ل سەر میمۆرییا مۆبایلا تە کێم کەت.

AI Core چییە و بۆچی دڤێت ژ مۆبایلا خۆ یا ئەندرۆید ژ کار بێخی؟
نوکە پتریا مۆبایلێن نوی یێن بهایێ وان مامناڤەند یان گران، ژیرییا دەستکرد (AI) یا تێدا هەی، وەکو سامسۆنگ گالاکسی S25 و گۆگڵ پێکسل ١٠ و شیاومی ١٥. ژبەر ڤێ چەندێ ئامرازێ AICore پەیدا بوویە، کو د مۆبایلێن ئەندرۆید ١٤ و نویتر دا هەیە، یێن کو پرۆسێسەرێن بێهێز وەکو Tensor G3 یان G4، و Snapdragon 8 یێن نەوەیێ سێیێ و بەرەڤ سەر تێدا هەنە.
ئەرکێ ڤێ تایبەتمەندیێ ئەوە کو سیستەمێ Gemini Nano ب شێوەیەکێ ناڤخۆیی (Local) بڕێڤە ببەت. ب واتایەکا دی، ئەڤە ڕێ ددەتە مۆبایلێ کو تەکنەلۆژیایێن ژیرییا دەستکرد بکاربینیت بێی کو پێدڤی ب ئینتەرنێتێ هەبیت.
چاوان بزانی ئەڤ تایبەتمەندییە د مۆبایلا تە دا هەیە؟
هه‌ره‌ د ناڤ Settings > Apps > See all apps، پاشان ل پەیڤا «AICore» بگەڕیێ دا کو پشتڕاست ببی د لیستێ دا هەیە.
سەرباری مفا و شیانێن وێ یێن مەزن بۆ بهێزکرنا ژیرییا دەستکرد، بەلێ بۆ وان کەسێن کێشەیا کێمییا جهی هەین ئەڤە نە بژارەیەکی باشە، چونکو ل دویڤ جۆرێ مۆبایلێ جهەکێ مەزن دگریت. هەروەسا ژکارئێخستنا وێ دبیتە ئەگەرێ پاراستنا پتر یا نهێنییان، درێژکرنا تەمەنێ پاترییێ و فەراهەمکرنا جهەکێ زێدەتر.

چاوان جهی د مۆبایلا خۆ دا فەراهەم بکەی ب ڕێکا ژکارئێخستنا AICore؟
بەری دەست ب ڤی کاری بکەی، دڤێت بزانی کو تو دێ دەست ژ هندەک کارێن ژیرییا دەستکرد یێن ناڤخۆیی بەردەی دا کو نێزیکی ٧ گێگابایتێن جهی ب دەست بینی. ئەڤە تشتێن وەکو وەرگێڕان، کورتکرنا دەقەکان، دەستکارییا وێنەیان یان هەر کارەکێ دی یێ ژیرییا دەستکرد کو ب شێوەیەکێ ڕاستەوخۆ د مۆبایلێ دا دهێتە ئەنجامدان، ب خۆڤە دگریت.
بۆ ئەنجامدانا ڤێ چەندێ، ڤان پێنگاڤان بجهبینە: ١. بچۆ ناڤ Settings (ڕێکخستن). ٢. بچۆ بەشێ Apps (بەرنامە) و پاشان See all apps (هەمی بەرنامەیان ببینە). ٣. ل پەیڤا «AI Core» بگەڕیێ و ل سەر کلیک بکە. ٤. ل سەر دووگما Disable (ژکارئێخستن) کلیک بکە. ٥. پاشان ل سەر سێ خالێن ل گۆشەیا سەرێ ل دەستێ ڕاستێ کلیک بکە و Uninstall updates (ژێبرنا نووکرنان) هەلبژێرە.

]]> https://rojnameyaevro.com/ku/%d8%a8%db%8e%db%8c-%da%86%d9%88-%da%98-%d8%af%d9%87%e2%80%8c%d8%b3%d8%aa-%d8%a8%d8%af%d9%87%e2%80%8c%db%8c-%d8%b9%d9%87%e2%80%8c%d9%85%d8%a8%d8%a7%d8%b1%d8%a7-%d9%85%db%86%d8%a8%d8%a7%db%8c%d9%84/260152/feed/ 0 پێلاڤه‌كا سه‌رده‌میانه‌ رێگریێ ل كه‌فتنا مرۆڤێن ب ته‌مه‌ن دكه‌ت https://rojnameyaevro.com/ku/%d9%be%db%8e%d9%84%d8%a7%da%a4%d9%87%e2%80%8c%d9%83%d8%a7-%d8%b3%d9%87%e2%80%8c%d8%b1%d8%af%d9%87%e2%80%8c%d9%85%db%8c%d8%a7%d9%86%d9%87%e2%80%8c-%d8%b1%db%8e%da%af%d8%b1%db%8c%db%8e-%d9%84-%d9%83/260027/ https://rojnameyaevro.com/ku/%d9%be%db%8e%d9%84%d8%a7%da%a4%d9%87%e2%80%8c%d9%83%d8%a7-%d8%b3%d9%87%e2%80%8c%d8%b1%d8%af%d9%87%e2%80%8c%d9%85%db%8c%d8%a7%d9%86%d9%87%e2%80%8c-%d8%b1%db%8e%da%af%d8%b1%db%8c%db%8e-%d9%84-%d9%83/260027/#comments Mon, 09 Mar 2026 22:15:00 +0000 https://rojnameyaevro.com/ku/?p=260027 سندس سالح:

کەفتن دهێتە هەژمارتن ئەگەرێ سەرەکی یێ دویێ یێ مرنێ ژ بەر برینداربوونێن بێ مەبەست ل سەر ئاستێ جیهانێ، ئێکە ژی ژ ئەگەرێن سەرەکی یێن چوونا نەخۆشخانێ بۆ وان کەسێن تەمەنێ وان ژ 65 سالان پترە.
ئەڤ کێشە ب تنێ یا گرێدای ب لایەنێ پزیشکی ڤە نینە، چونکی رەنگە کەفتنەک ببیته ئەگەرێ ب دووماهی هاتنا ژیانەکا سەربەخوه‌ بۆ کەسەکێ کو هەتا وی دەمی پشت ب خوه‌ دبەست.
ڤەکۆلەرەک ل زانکۆیا برێستول، ب ناڤێ دکتۆر جیاینانگ لی، کو مامۆستایێ ئەندازیاریا کارەبێ یە، نموونەیەکا دەستپێکی (Prototype) بۆ چارەسەرکرنا ڤێ کێشێ گەشەپێدایە.
پڕۆژێ وی پشتی هندێ دەستپێکر دەمێ وی دیت مامۆستایێ وی، پیتەر لانگلوا یێ تەمەن 89 سال، ڕۆژەکێ هاوسەنگیا خوه‌ ژ دەست دا.
ئەڤ هەلوەستە بەس بوو کو جیاینانگ لی ژ خوه‌ بپرسیت کا ئەرێ تەکنەلۆژیایێ «نیڤ-گهۆڕەک» (Semiconductors) کو چەندین سال بوون کار ل سەر دکر، دشێت ب شێوەیەکێ راستەوخوه‌ د ژیانا کەسێن وەک وی دا بهێتە بکارئینان.
ئەو ئامیرێ دکتۆر جیاینانگ لی دروستکری وەک پێلاڤەکا ئاسایی دیارە، بەلێ بنیاتێ وێ (سۆلا وێ) 253 هەستەوەرێن (sensors) بچووک تێدانە کو ب پارچەکا ئەلیکترۆنی (Chip) ڤە گرێداینە و ب تایبەت بۆ ڤی پڕۆژەی هاتینە گەشەپێدان.
یا فەرە بێژین کو چارەسەرکەر (Processor) دشێت هەموو پێزانینێن هەستەوەران د ئێک دەم دا بخوینیت، د هەمان دەم دا لایەنێ تەکنیکی یێ پێزانینان لێک بدەت، ئەڤە ژی وێنەیێن هوور یێن پێی دروست دکەت کو خالێن فشارێ دیار دکەن، هەلسەنگاندنێ دکەن کا ئەرێ رێڤەچوونا مروڤی نیشانێن نەجێگریێ تێدا هەنە یان نە.
پێزانین ب شێوەیەکێ بێ تەل (Wireless) بۆ ئامیرەکێ موبایلێ دهێنە فرێکرن، کو ل وێ دەرێ مرۆڤ دشێت پێزانینان ببینیت بێی پێدڤی ب ئامیرێن گران یێن پزیشکی هەبیت. زێدەباری ڤێ چەندێ، مەزاختنا وزەیێ بۆ وێ پارچا ئەلکترۆنی گەلەکا کێمە (تنێ 100 میکرۆواتە)، ئەڤە ژی رێ ددەت بۆ دەمێ سێ هەیڤان ب بەردەوامی بهێتە بکارئینان بێی پێدڤی ب شەحنکرنێ هەبیت.
ڤی زانای بەری نوکە کار ل سەر هەستەوەرێن هاوشێوە کربوو بۆ خواندنا کارێ سیهان، ب هەماهنگی د گەل زانکۆیا «کۆلێج لەندەن». ئەو لۆژیکە بۆ بوارێن دی ژی دگونجی: ئەگەر مرۆڤ بشێت نەخشەیەکێ هوور بۆ شێوازێ هەناسەدانا کەسەکێ بکێشیت، ب هەمان شێوە دشێت نەخشەیێ رێڤەچوونا وی ژی بکێشیت.
یا گرنگە ئاماژێ ب وێ چەندێ بدەین کو شیکارکرنا پێشکەفتی یا رێڤەچوونێ بۆ دیتنا مەترسیێن کەفتنێ تەکنەلۆژیایەکا نوو نینە، بەلێ هەتا نوکە پێدڤی ب ئامیرێن مەزن یێن پزیشکی هەبوو. د راستی دا، دەستکەفتێ مەزن یێ ڤێ نموونەیا دەستپێکی ئەوە کو ئەڤ تەکنەلۆژیایە ل ناڤ بنیاتێ پێلاڤەکێ دا هاتیە کۆمکرن کو مرۆڤ دشێت ل هەر دەم و جهەکێ بکەتە پێ خوه‌.

]]> https://rojnameyaevro.com/ku/%d9%be%db%8e%d9%84%d8%a7%da%a4%d9%87%e2%80%8c%d9%83%d8%a7-%d8%b3%d9%87%e2%80%8c%d8%b1%d8%af%d9%87%e2%80%8c%d9%85%db%8c%d8%a7%d9%86%d9%87%e2%80%8c-%d8%b1%db%8e%da%af%d8%b1%db%8c%db%8e-%d9%84-%d9%83/260027/feed/ 0 پێنج مۆبایلێن چاڤەڕێکری د مەها ئادارێ دا دێ بەریکانەیێ گەرم کەن https://rojnameyaevro.com/ku/%d9%be%db%8e%d9%86%d8%ac-%d9%85%db%86%d8%a8%d8%a7%db%8c%d9%84%db%8e%d9%86-%da%86%d8%a7%da%a4%db%95%da%95%db%8e%da%a9%d8%b1%db%8c-%d8%af-%d9%85%db%95%d9%87%d8%a7-%d8%a6%d8%a7%d8%af%d8%a7%d8%b1%db%8e/260024/ https://rojnameyaevro.com/ku/%d9%be%db%8e%d9%86%d8%ac-%d9%85%db%86%d8%a8%d8%a7%db%8c%d9%84%db%8e%d9%86-%da%86%d8%a7%da%a4%db%95%da%95%db%8e%da%a9%d8%b1%db%8c-%d8%af-%d9%85%db%95%d9%87%d8%a7-%d8%a6%d8%a7%d8%af%d8%a7%d8%b1%db%8e/260024/#comments Mon, 09 Mar 2026 22:13:58 +0000 https://rojnameyaevro.com/ku/?p=260024 پەروین سەلاح:

پشتی مەها دو (شوباتێ) ب بێدەنگی ده‌رباز بووی، رێژەیی – هەر چەندە زنجیرا گالاکسی S26 و مۆبایلا پیکسل 10a هاتنە بەلاڤکرن – دیارە مەها سێ یا 2026ێ دێ راگەهاندنێن بهێز ژ کۆمپانیایێن وەک «ئۆنۆر» و «ناسینگ» و «ئەپل» و «مۆتۆرۆلا» و «پۆکۆ».
ل خوارێ گرنگترین پێنج مۆبایلێن چاڤەرێکری یێن ئادارێ یا 2026ێ، ل گۆر راپۆرتەکا مالپەرێ «گیزۆمۆچاینا» بەلاڤکری.

١- ‏Honor Magic
مۆبایلێن ئۆنەر یێن دهێنە ڤه‌شكاندن، گرنگیێ ددەتە لاوازیێ و ب هێزبوونێ و قەبارێ پاتریەکا مەزنتر.
زانیاریێن دزەپێکری ئاماژێ ب ڤان تشتان ددەن:
– کامیرایەکا سەرەکی ب 200 مێگاپیکسەل.
– پاتریەکا 7150 میلی ئەمپێر د گەل شەحنکرنا ب لەز 120 وات.

٢- نۆسنگ فۆن (4a)
ئەڤ تەلەفۆنە ب دیزاینەکا نووکری یا سیستەمێ رووناهییا گلیف بار دهێت، د گەل زێدەکرنا نیشانەکا LED یا سۆر بۆ روونکرنا رەوشا تۆمارکرنێ.
تایبەتمەندییێن چاڤەرێکری:
– شاشەیەکا AMOLED ب قەبارێ 6.78 ئینج و ب فرێکوانسا 120Hz.
– پرۆسێسەرێ سناپدراگۆن 7s جێن 4.
– کامیرایەکا سەرەکی 50 مێگاپیکسەل.
– کامیرایەکا پێشی 32 مێگاپیکسل.
– بژاردەیێن 8 یان 12 گێگابایت رام.
ئەڤ تەلەفۆنە ئارمانجا وێ پۆلا ناڤینە د گەل دیزاینەکا جودا.

٣- ئایفۆن 17e
«ئەپل» خۆ ئامادە دکەت بۆ ئاشکراکرنا وەشانا «e» یا نوو، یا کو چاڤەرێ دهێت کرن ب چیپێ A19 یێ هەڤدەم د گەل ئایفۆن 17 کار بکەت، لێ ب کێمکرنەکا بچووک د فرێکوانسا پرۆسێسەر و گرافیکان دا.
گرنگترین نووکرنێن چاڤەرێکری:
– باشترکرنا مەکینەیا نمایشکرنێ و ISP بۆ زێدەکرنا کارکرنا زیرەکیا دەستکرد ل سەر ئامێرێ.
– نووکرنا ماگسەیف ب لەزاتییا نە کێمتر ژ 15 وات.
– مۆدێمێ C1X یێ نووکری.
– دیزاین و کامیرایێن وەک وەشانا 16e.

٤- مۆتۆرۆلا ئێدج 70 فیوژن
«مۆتۆرۆلا» مەرجێ خوه‌ دانایە سەر شاشەیەکا ڤه‌شكاندی ب فرێکوانیسا 144Hz و رووناهییا وێ دگەهیتە 5200 ، د گەل پاترییەکا مەزن ب قەبارێ 7000 میلی ئەمپێر و بارکرنا 68 وات.
پرۆسێسەر: سناپدراگۆن 7s جێن 4.
کامیرایێن:
– 50 مێگاپیکسەل سۆنی LYT-710.
– 13 مێگاپیکسەل یا پان.
– لێنسەکا ماکرۆ.
– کامیرایەکا پێشی 32 مێگاپیکسەل.

٥- زنجیرا پۆکۆ X8 پرۆ
پۆکۆ X8 پرۆ
– شاشەیەکا OLED ب قەبارێ 6.59 ئینج.
– پرۆسێسەرێ دایمێنسیتی 8350 ئۆلترا.
– پاترییەکا 6500 میلی ئەمپێر د گەل بارکرنا 100 وات.
– پلەیێن بەرگرییا IP68 و IP69 و IP69K.
پۆکۆ X8 پرۆ ماکس
– شاشەیەکا مەزنتر 6.83 ئینج.
– پرۆسێسەرێ دایمێنسیتی 9500s.
– پاترییەکا مەزن 8500 میلی ئەمپێر.
– بارکرنا پێچەوانە 27 وات.
– سێنسەرێ تبلێ یێ سێ رەهەندی ب شەپۆلێن سەروو دەنگی.

ئادارا 2026 وەک هەیڤەکا گەرم د بازارێ تەلەفۆنێن زیرەک دا دیارە، د گەل جۆراوجۆرییەکا ئاشکرا د ناڤبەرا تەلەفۆنێن قاتی، و یێن «رۆبۆتی»، و ئامێرێن پۆلا ناڤین ب پاترییێن مەزن، هەتا نووکرنێن نوو ژ «ئەپل».

پێشبڕکێ نە بتنێ ل سەر کامیرایان یان کارکرنێ مایە، بەلکو ل سەر زیرەکیا دەستکرد و قەبارێ پاترییێ ژی. ئەڤ شەڕە چاڤەرێ دهێته‌ کرن کو پتر گەرم ببیت د گەل نێزیکبوونا نیڤا ئێکێ ژ سالێ.

]]> https://rojnameyaevro.com/ku/%d9%be%db%8e%d9%86%d8%ac-%d9%85%db%86%d8%a8%d8%a7%db%8c%d9%84%db%8e%d9%86-%da%86%d8%a7%da%a4%db%95%da%95%db%8e%da%a9%d8%b1%db%8c-%d8%af-%d9%85%db%95%d9%87%d8%a7-%d8%a6%d8%a7%d8%af%d8%a7%d8%b1%db%8e/260024/feed/ 0