Rojnameya Evro https://rojnameyaevro.com/ku Tue, 03 Nov 2026 22:15:12 +0000 ar hourly 1 https://wordpress.org/?v=4.0.38 جەنگێ ناخی https://rojnameyaevro.com/ku/%d8%ac%db%95%d9%86%da%af%db%8e-%d9%86%d8%a7%d8%ae%db%8c/273116/ https://rojnameyaevro.com/ku/%d8%ac%db%95%d9%86%da%af%db%8e-%d9%86%d8%a7%d8%ae%db%8c/273116/#comments Tue, 03 Nov 2026 22:15:12 +0000 https://rojnameyaevro.com/ku/?p=273116 شیان مەهدی كانیساركی

د هندەك شەڤان دا نە مرۆڤ ب تەمامی یێ ب خەمە نە ژی یێ كەیف خۆشە، هەستێ شكەستنا تشتەكی ژ ناخی دەردكەڤیت، چ جاران وێ هزرێ نەكەن كو كەسەك یێ ئارام و دل رحەتە دەمێ پەنجەرێن ژوورا خۆ دگریت و پەردان بەرددەت و ڕۆناهیان ڕەش دكەت و ب بێ دەنگێ خوە ل بەر تاریێ تەلاش دكەت.
ل ڤێرێ ژنوو مێشك هشیار دبیت بۆ دەستپێكرنا جەنگەكێ نوو و ساڕ! پەیڤ، ئاخفتن، دیتن و هەموو چركە دێ دوبارە هێنە بەرچاڤان و چاڤ د گرتی!. ژنوو دێ پەشێمانیا مەزن یا هندەك بابەتان ب سەرسەرێ خودانی دا هێتە خوار، ژ دەستدانا دەلیڤەیان، هەڤالان، خۆشتڤیان، یان خەریبیا ساڕ چ تشتی ناهێلیت ب ناڤێ ئارامی.
ژ نیشكەكێ ڤە دێ هزركەی سەرێ تە ژ هەموو لەشێ تە، نەخێر بەلكی ژ هەموو جیهانێ گرانترە و ئێدی تە شیانا ڕاكرنا وی نینن. ڕاستە دەمێ دبێژن هەر كەسەكێ تەماشەی ژ دەرڤە بكەت خەونان دبینیت و هەر ئێكێ تەماشەی ژوورڤە بكەت هشیار دبیت.
چونكی باهرا پترا مە ژیێ خۆ ب وێ چەندێ ڤە دەربازدكەن داكو ژ ژوورڤە ب ڕەڤن، هزر دكەین ئەگەر ئەم گه‌هەشتین ژ دەرڤە دێ بارێ مە سڤك بیت و هێتە گوهۆڕین (نەخێر) هندی تۆ پتر سەربكەڤی، پێشبكەڤی، هندی پتر هەڤال و خۆشتڤی ل دەوروبەرێن تە كوم ببن دێ ئەو بار گرانتر بیت! گەلەك ژ فەیلەسۆف و زانایان دبێژن: باهرا پترا خەلكی ئاریشە دگەل ژ دەرڤە نینە، لێ هەموو ژ وێ قەرەبالغ و ئاریشەیێن د ناخێ وان دا د نالن، بێی بزانن و ببینن.
لەورا خواندەڤانێ هێژا دێ بینی كەسەكی هەموو تشت یێ هەی و چ یێ ژێ كێم نینە، لێ هەست ب ئارامی و ئاشتیێ ناكەت. بەرامبەری وێ ژی كەسەكی چ نینە لێ هەر وەكی جیهان هەموو ددەستی دا، ئارام دنڤیت.

]]> https://rojnameyaevro.com/ku/%d8%ac%db%95%d9%86%da%af%db%8e-%d9%86%d8%a7%d8%ae%db%8c/273116/feed/ 0 لایك و ڤیۆیان پیڤەرێن رەوشتی یێن راگەهاندنێ‌ پشتگوهـ خستینە https://rojnameyaevro.com/ku/%d9%84%d8%a7%db%8c%d9%83-%d9%88-%da%a4%db%8c%db%86%db%8c%d8%a7%d9%86-%d9%be%db%8c%da%a4%db%95%d8%b1%db%8e%d9%86-%d8%b1%db%95%d9%88%d8%b4%d8%aa%db%8c-%db%8c%db%8e%d9%86-%d8%b1%d8%a7%da%af%db%95%d9%87/273113/ https://rojnameyaevro.com/ku/%d9%84%d8%a7%db%8c%d9%83-%d9%88-%da%a4%db%8c%db%86%db%8c%d8%a7%d9%86-%d9%be%db%8c%da%a4%db%95%d8%b1%db%8e%d9%86-%d8%b1%db%95%d9%88%d8%b4%d8%aa%db%8c-%db%8c%db%8e%d9%86-%d8%b1%d8%a7%da%af%db%95%d9%87/273113/#comments Tue, 03 Nov 2026 22:13:33 +0000 https://rojnameyaevro.com/ku/?p=273113 عایشە عەجیب

مەدیاكار (عەلی نعمەت) كو ل سالا (1994) چوویە دناڤ بۆارێ‌ راگەهاندنێ‌ دا و هەتا نوكە یێ‌ بەردەوامە، د دیدارەكێ‌ دا گۆت: راگەهاندنا دجیتالی دەرگەهەك ڤەكر بۆ كەسان دا پەیاما خۆ بڤەگۆهێزن، بەلێ‌ ڕكابەرییا ل سەر بینەر و لایكان، كو د گەلەك كاودانان دا پیڤەرێن ڕەوشتی یێن راگەهاندنێ‌ پشتگوه خستینە كو د راگەهاندنا بەرێ‌ دا داكۆكی ل سەر كارێ‌ تیمێ‌ و گەهاندنا بێلایەنە یا ڕاستی و ئازارێن خەلكی بوو.
هەروەسا گۆت: پێدڤیە راگەهاندكار خۆ ب خزمەتكارێ‌ خەلكی بزانیت و ب زمانەكێ‌ پاقژ و ڕێسایین توند و پیشەی كاربكەت، نە ب دووفچوونا بتنێ‌ یا روودانان، د راگەهاندنا نوكە دا هۆكارێن تۆرێن جڤاكی پەیڤا (ئەز) بوویە سەنتەر و راگەهاندكار ب خۆ دبنە بابەتێ‌ سەرەكی و ئارمانجا سەرەكی ب دەستخستنا لایك و بینەرانە ب رێكا خۆ دیاركرن و زێدەگۆتاریێ‌، كو تێدا پیڤەرێن پیشەی هاتینە پشتگوخستن و زمانێ‌ سۆزداری و شكاندنا كەسایەتیان بوویە دیاردە و بازرگانیكرن ب ئازارێن خەلكێ‌ هەژار بۆ ناڤۆدەنگیێ‌، دیاردەیەكا نە ئەخلاقی و نە دروستە و پاراستنا پیرۆزیا راگەهاندنێ‌ پێدڤی ب پەیرەوكرنا ڕژد یا ئەتەتێكتان دكەت و دوور كەفتن ژ گەندەلیا پیشەی و ڕەفتارێن نەدروست باوەریا جەماوەری د پارێزیت.

]]> https://rojnameyaevro.com/ku/%d9%84%d8%a7%db%8c%d9%83-%d9%88-%da%a4%db%8c%db%86%db%8c%d8%a7%d9%86-%d9%be%db%8c%da%a4%db%95%d8%b1%db%8e%d9%86-%d8%b1%db%95%d9%88%d8%b4%d8%aa%db%8c-%db%8c%db%8e%d9%86-%d8%b1%d8%a7%da%af%db%95%d9%87/273113/feed/ 0 عەیدا شنگالی كلیپەكا نوو بەلاڤكر https://rojnameyaevro.com/ku/%d8%b9%db%95%db%8c%d8%af%d8%a7-%d8%b4%d9%86%da%af%d8%a7%d9%84%db%8c-%d9%83%d9%84%db%8c%d9%be%db%95%d9%83%d8%a7-%d9%86%d9%88%d9%88-%d8%a8%db%95%d9%84%d8%a7%da%a4%d9%83%d8%b1/273110/ https://rojnameyaevro.com/ku/%d8%b9%db%95%db%8c%d8%af%d8%a7-%d8%b4%d9%86%da%af%d8%a7%d9%84%db%8c-%d9%83%d9%84%db%8c%d9%be%db%95%d9%83%d8%a7-%d9%86%d9%88%d9%88-%d8%a8%db%95%d9%84%d8%a7%da%a4%d9%83%d8%b1/273110/#comments Tue, 03 Nov 2026 22:11:09 +0000 https://rojnameyaevro.com/ku/?p=273110 دلڤین رەشید

سترانبێژا گەنج (عەیدا شنگالی) نووترین كلیپا خۆ ب ناڤێ‌ (برینێن من) بەلاڤكر و پشتی ڤێ‌ كلیپێ‌ چەند سترانێن دی دڕێ‌ دا هەنە.
ناڤهاتیێ‌ گۆت: ئەڤ سترانا منا نوو كو ژ پەیڤێن (مەژدەل چیچۆ) و ئاوازا (سیپان برۆ شەقی) یە، ب هەستەكێ‌ پر پەیام هاتیە چێكرن و كارێ‌ وێنەگریێ‌ و دەرهێنانێ‌ ژلایێ‌ (غازی كەندال) ڤە هاتیە ئەنجامدان، ئەڤ كلیپە ب پشتەڤانی و سپۆنسەریا (لوقمان خالتی) ڤە هاتیە ئەنجام دان و ب خۆشحالی ڤە ل تۆرێن جڤاكی پێشوازیەكا گەلەك باش لێ‌ هاتە كرن.

]]> https://rojnameyaevro.com/ku/%d8%b9%db%95%db%8c%d8%af%d8%a7-%d8%b4%d9%86%da%af%d8%a7%d9%84%db%8c-%d9%83%d9%84%db%8c%d9%be%db%95%d9%83%d8%a7-%d9%86%d9%88%d9%88-%d8%a8%db%95%d9%84%d8%a7%da%a4%d9%83%d8%b1/273110/feed/ 0 خواست ل سەر تریێ‌ (مكیاج) زێدە بوویە https://rojnameyaevro.com/ku/%d8%ae%d9%88%d8%a7%d8%b3%d8%aa-%d9%84-%d8%b3%db%95%d8%b1-%d8%aa%d8%b1%db%8c%db%8e%e2%80%8c-%d9%85%d9%83%db%8c%d8%a7%d8%ac-%d8%b2%db%8e%d8%af%db%95-%d8%a8%d9%88%d9%88%db%8c%db%95/273107/ https://rojnameyaevro.com/ku/%d8%ae%d9%88%d8%a7%d8%b3%d8%aa-%d9%84-%d8%b3%db%95%d8%b1-%d8%aa%d8%b1%db%8c%db%8e%e2%80%8c-%d9%85%d9%83%db%8c%d8%a7%d8%ac-%d8%b2%db%8e%d8%af%db%95-%d8%a8%d9%88%d9%88%db%8c%db%95/273107/#comments Tue, 03 Nov 2026 22:08:36 +0000 https://rojnameyaevro.com/ku/?p=273107 سندس سالح سلێڤانەیی

بشار فەیزوللا، كو ئێك ژ پشكدارێن فێستیڤالا تری و هننگڤینی بوو، د دیدارەكێ‌ دا گۆت: سالانە ئەز پشكداریێ‌ دڤان جۆرە فێستیڤالان دا دكەم و ئەڤ سالە ژی چەندین جۆرێن تری من نیشاداینە، ژوانا جۆرەكێ‌ نوو یە كو ئەم دبێژینێ‌ (مكیاج) چنكو ڕەنگێ‌ وی سوڕێ‌ تارییە وەكو مكیاژێ‌ (خانمان) هەروەسا تاما وی ژی گەلەكا شرینە، لەورا خواست ل سەر ڤی جۆرێ‌ تری هەیە، لێ‌ كچ و ژن پتری زەلامان دكڕن.
هەروەسا گۆت: گرنگە حكومەت چارەیەكی ل فرۆتنا تری بكەت و هەكە كارگەهێن چێكرنا شەربەتێ‌ بهێنە دانان، یان ڕێ‌ بهێتە دان تری بچیتە ژ دەرڤەی وەلاتی ل وی دەمی دێ‌ جۆتیار ژی یێ‌ مفا دار بیت، هەروەسا دێ‌ بیتە پالدەرەك كو خەلكەك پتر دەست ب كارێ‌ چاندنێ‌ بكەن.

]]> https://rojnameyaevro.com/ku/%d8%ae%d9%88%d8%a7%d8%b3%d8%aa-%d9%84-%d8%b3%db%95%d8%b1-%d8%aa%d8%b1%db%8c%db%8e%e2%80%8c-%d9%85%d9%83%db%8c%d8%a7%d8%ac-%d8%b2%db%8e%d8%af%db%95-%d8%a8%d9%88%d9%88%db%8c%db%95/273107/feed/ 0 داربەڕوی https://rojnameyaevro.com/ku/%d8%af%d8%a7%d8%b1%d8%a8%db%95%da%95%d9%88%db%8c/273104/ https://rojnameyaevro.com/ku/%d8%af%d8%a7%d8%b1%d8%a8%db%95%da%95%d9%88%db%8c/273104/#comments Tue, 03 Nov 2026 22:00:43 +0000 https://rojnameyaevro.com/ku/?p=273104 سەیفوللا محەمەد

ڕاستە خەملا
وەلاتێ من چیاكن و
خەملا چیا
داربەڕوینە
ئەو هێمایێ
هەیین و هەبوونا مەنە
ناسنامەنە
لەو وەكو مە
ل بەر لێمشتێن
قڕكرنێ.. ژناڤبرنێ
ئەو كەتینە..
هەچی هات و
بڤرێ خوە سەقا كر
لێ تاقی كر
ئەو ژ قورمی بڕینە..
لێ مخابن .. ل هەمی دەمان
دەستكێ بڤری
هەر ژ چەقێن داربەڕوییێ
مە ب دەستێن خوە
چێكرینە.

]]> https://rojnameyaevro.com/ku/%d8%af%d8%a7%d8%b1%d8%a8%db%95%da%95%d9%88%db%8c/273104/feed/ 0 ئاخ و دل https://rojnameyaevro.com/ku/%d8%a6%d8%a7%d8%ae-%d9%88-%d8%af%d9%84/273100/ https://rojnameyaevro.com/ku/%d8%a6%d8%a7%d8%ae-%d9%88-%d8%af%d9%84/273100/#comments Tue, 03 Nov 2026 21:14:13 +0000 https://rojnameyaevro.com/ku/?p=273100 ناز نادر

بێهنا ئاخێ، دلێ من سۆت
یان ژی مرن، جانێ من دخۆت
بێهنا ئاخێ، خۆزیان دکوژیت
یان ژی ترسه، دلی دسۆژیت
***
ئەڤرۆ مرن بوویە یاری
کەسێ نینە چ سۆزداری
ژیان، بێژە: مرن کییە؟
ل کیڤه یه بۆچی هەیە؟

بێهنا ئاخێ، تو یا بری
دگەل خۆلیێ تێکهەل کری
تیشکا ڕۆژێ تو یا سۆتی
ڤان ڕووباران تو یا شووشتی

بەلێ هێشتا تو یا گەشی
ژ بۆ مرنێ نە یا رەشی
بۆچی جانێ منێ ژارە؟

ئاخ ژ بۆ ڤێ تاریستانێ
ئەڤرۆ مرن بوویه مێهڤان

تو بێدەنگی ئه رێ ژیان
وەکی بەفرێ ل سەر ئەردی
تو یا بوهژی ل ناڤ ئاخێ

]]> https://rojnameyaevro.com/ku/%d8%a6%d8%a7%d8%ae-%d9%88-%d8%af%d9%84/273100/feed/ 0 چکچکا بێدەنگییێ https://rojnameyaevro.com/ku/%da%86%da%a9%da%86%da%a9%d8%a7-%d8%a8%db%8e%d8%af%db%95%d9%86%da%af%db%8c%db%8c%db%8e/273097/ https://rojnameyaevro.com/ku/%da%86%da%a9%da%86%da%a9%d8%a7-%d8%a8%db%8e%d8%af%db%95%d9%86%da%af%db%8c%db%8c%db%8e/273097/#comments Tue, 03 Nov 2026 21:11:56 +0000 https://rojnameyaevro.com/ku/?p=273097 سنۆر عصمەت ئیبراهیم

من لاپەرێ ئێکێ ب ڤالا هێلا… ئەز نزانم بۆچی! نە ژ بەر کو من نەدزانی دێ چ نڤیسم و نە ژ بەر کو من وەسا حەز دکر، ب تنێ ژبەرکو ژبەرکو… ئەز ب خوە ژی نزانم ژ بەر چ! هەست پێ دکەم تشتەکێ د ناڤ مێشکێ من دا من ل هندەک تشتێن دی قەدەغە دکەت.
هەمی تشت ڕەش و تاری نە، ب تنێ ڕۆناهییا کێم یا هەیڤێ و ڕۆناهییا زەر یا گلۆپا خراببوو یا ل سەر جادەیێ یێ ل ژۆرا من ددەن. ل گەل هەر هلبوون و ڤەمراندنەکێ، سیبەرێن ژۆرێ ل سەر دیواران دزڤڕین و درێژ دبوون، وەک بێژم ژۆر یا د ناڤبەرا ژیان و مرنێ دا دلەرزیت.
د بن وێ ڕۆناهییا لەرزۆک ڤە، پێنووسێ من ل سەر شێوازێ هندەک خیچان وێنەیێ سەرەکێ مەزن دکێشا، چەندین سەرێن بچووکتر و شێلی ژ ناڤ مێشکێ وی دهاتنە دەر. ل گەل هەر جارەکا هلبوون و ڤەمراندنا وان ڕۆناهییێن ب ژۆرا من دکەڤن ڕۆخسارەکێ تێکچوویی یێ نوو بەرێ خوە ددا من. ئەوی سەرێ مەزن… چاڤەکێ خوە گرتبوو، یێ دی یێ زیق و ڤەکری بوو و هەردەم ب لێنێڕینەکا گران و بترس بەرێ خوە ددا من. ئەو یێ بێ گوھ بوو، بەلێ من دزانی ئەوی ها ژ هەر لێدانەکا دلێ من هەیە. دەڤێ وی یێ مەزن بوو، بەلێ هەردو لێڤێن وی ب سیمەکێ ئاسنی یێ توند و تیژ پێکڤە هاتبوونە گرێدان، بەلێ ئەو دشێت د ناڤ تێکچوونا مێشکێ من دا باخڤیت! ئەو بەرسڤا هەر پرسیارەکا من یا دینانە ددەت!
تەق تەق دەنگێ لێدانا دەرگەهی هات! پێنووس ژ دەستێن من یێن لەرزۆک و سار کەفت و ل سەر مێزەیا تژی تۆز گلۆل بوو. کەفتنا پێنووسی وەک تەقینا بۆمبەکێ بوو د ناڤ سەرێ من دا! دەرگەھ ڤەبوو… دایکا من بوو. سێنییەکا خوارنێ د دەستێن وێ دا بوو، گەرمییا خوارنێ ژ دوور ڤە ل گەل سەرمایا لەشێ من شەڕ دکر. ب چاڤێن تژی ڕۆندک و بێهیڤی ڤە بەرێ خوە دا من، خوارن دانا و بێی چ پەیڤان بێژیت ژ ژۆرێ دەرکەفت، ب تنێ ئەو دەمێ دایکا من دهێتە ژۆر، هەست پێ دکەم کو ئەڤە بێدەنگترین خۆلەکێن دنیایێ نە. ئەز و ئەو هەمی کەسێن د ژۆرا من ڤە ژ بەر گرانییا چاڤێن وێ بێدەنگ دبین، وەک بێژی ل سەر تاوانەکێ هاتبینە گرتن.
هەر شەڤ، دەمێ ئەز دچمە سەر جهێ خوە یێ خەوێ، کەسەک هەردو دەستێن خوە دهاڤێتە پەنجەرەیێ و سەرێ خوە نێزیک دکەت و بەرێ خوە ددەتە من. ژۆرا من یا ل نهۆمێ دویێ! بەلێ ئەز نزانم ئەو چاوا ب سەر دیواران دکەڤیت و دهێتە وێرێ؟!
وان شەڤان دووماهیک نەبوون، ئەز ل سەر جهێ خوە بووم و من نەدڤیا بنڤم، چونکی من دزانی ئێکێ دی یێ ب ڕەخ من ڤە درێژکری یە! ئەوی دو چاڤێن ڕەش و گروڤر یێن هەین، دفن نینە! دەڤێ وی هەردەم یێ ڤەکری یە، ددانێن وی یێن تیژ و مەزن د بن تیشکا هەیڤێ و وێ ڕۆناهییا کێم دا دبرسقین، ئەو چ جاران بەرێ خوە نادەتە من، هەردەم بەرێ وی ل بانێ ژۆرێ بوو. من چاڤێن خوە دگرتن دا خوە ژ ڤێ کابووسێ خلاس بکەم، بەلێ هینگێ چرپەچرپا وان دەست پێ دکر… وان هەمییان د ناڤ تارییاتییێ دا شەڕ ل گەل ئێکودو دکر و بەحسێ من دکر! بەلێ ئەز ب دروستی د زمانێ وان یێ سەیر نەدگەهشتم.
دیسان تەق تەق ب دەنگێ دەرگەهی ژ خەوا تژی خەون هشیار بووم. دایکا من بوو، وەکی هەر جار سێنییەک د دەستان دا بوو. من بەرێ خوە دا دەمژمێرێ هەشت و نیڤێ سپێدێ بوو. ل گەل پێنگاڤێن وێ، بێدەنگییەکا گران خوە ب سەر ژۆرێ دا گرت. ل وێ گاڤێ سیبەرەکا خودان ڕەخەکێ سەری و دو لنگێن زراڤ و درێژ ب لەز بەرەف من ڤە هات!
ل وێ چرکەیێ مێشکێ من ڕاوستیا، من دیت سیبەرەکا دی یا ددانتیژ ل سەر بانێ ژۆرێ یە، سەرێ خوە شۆڕ کرە خوارێ و خوە هاڤێتە سەر ستۆیێ دایکا من دا وێ بخوت! ترسا وێ پڕ بوو د ناڤ دەمارێن من دا. من ب دەنگەکێ بلند هەوار کر: «وە نەکە! ژ وێ دوور بکەڤە! من ب لەز پێنووسێ خوە یێ تیژ ژ سەر مێزەیا تۆزگرتی ئینا و د دەستێ خوە دا توند کر و من وەک خەنجەرەکێ ئاراستەیی وێ سیبەرێ کر دا کو دایکا خوە ڕزگار بکەم.
بەلێ من پێنووس د چەرمێ دەستێ دایکا خوە دا چکاند! سێنی ژ دەستێن وێ کەفت و پارچەشووشە ل سەر ئەردی بەلاڤ بوون. وێ گاڤێ ئەز تێ گەهشتم کانێ ئەز چەند یێ مەترسیدارم… ئەو بوونەوەر ب تنێ د ناڤ عەقلێ من یێ لایێ شەیتانی دا دژین و من برین پێ گەهاندە تاکەکەسا من خوەش دڤێت! وێ ب لێڤێن لەرزۆک و دلشکەستی، ب دەستێ خوە یێ بریندار دەرگەھ ڤەکر و ڕەڤی.
ئەز ل بەرپەڕێن ژیانا خوە و خەیالێن خوە یێن شێلی دگەڕیام، ئەز ل بەرپەڕێ چارێ یێ ڤێ تارییاتییێ مە؟ یان ل بەرپەڕێ پێنجێ دنڤیسم؟ ئانکو مەرەما من… ئەز ب خوە ژی نزانم ئەڤە بەرپەڕێ چەندێ یێ مێژوویا من یا تێکچوویی یە! د ناڤ ڤان لاپەڕان دا، کەسەک دەرکەفت کو سەرێ وی ل نک پێیێن وی بوو، بەلێ چاڤ، دەڤ، دفن و گوهێن وی هەمی ل سەر ملان و ل هنداڤی ستۆیێ وی بوون. کەسەکا دی ژی یا ل پشت وی، پشتا وێ یا ل من و پرچەکا ڕەش و درێژ یا شۆڕبوویی یا هەیی، من هەست پێ دکر ئەوان ژی ئەو دیمەنە دیت و زانی ئەز چەند یێ دڕندە مە. وێ گاڤێ دەرگەهێ ژۆرێ ب توندی ڤەبوو، لێ ئەڤ جارە هندەک کەسێن دی ژی ل گەل دایکا من بوون (پەرتووکا من… پێنووسێ من) من چەند جاران ئەڤ پەیڤە دوبارە دکرن.
د گاڤەکێ دا، من چاڤێن خوە ڤەکرن، ژ بلی ڕەنگێ سپی من چ ڕەنگێن دی نەدیتن. دیوار، تەخت، هەتا جلوبەرگێن من ژی سپی بوون! وێ گاڤێ ئەز د چ تشتان نەگەهشتم، هەر چەندە ئەز چ جاران د چ تشتان نەگەهشتیمە. ئەز نزانم نوکە ئەز ل کیژ جیهانێ مە، بەس تاکە تشتێ دلێ من ڕازی دکەت، دوبارە دیتنا پەرتووکا من و پێنووسێ منە ل سەر وێ مێزەیا ب ڕەخ تەختی ڤە… ل گەل هەبوونا وان هەمی هەڤالێن من یێن بەری نوکە کو هێشتا ژی ئەز نزانم ئەو ب تنێ خەیالەکن د مێشکێ من یێ ئالۆز دا یان ژی ب ڕاستی هندەک هەڤالێن ب وەفا نە د ڤێ بتنێبوونا من دا.

]]> https://rojnameyaevro.com/ku/%da%86%da%a9%da%86%da%a9%d8%a7-%d8%a8%db%8e%d8%af%db%95%d9%86%da%af%db%8c%db%8c%db%8e/273097/feed/ 0 خوینا ئەدۆنیسی ژ نشکەکێڤە ڤینۆس https://rojnameyaevro.com/ku/%d8%ae%d9%88%db%8c%d9%86%d8%a7-%d8%a6%db%95%d8%af%db%86%d9%86%db%8c%d8%b3%db%8c-%da%98-%d9%86%d8%b4%da%a9%db%95%da%a9%db%8e%da%a4%db%95-%da%a4%db%8c%d9%86%db%86%d8%b3/273094/ https://rojnameyaevro.com/ku/%d8%ae%d9%88%db%8c%d9%86%d8%a7-%d8%a6%db%95%d8%af%db%86%d9%86%db%8c%d8%b3%db%8c-%da%98-%d9%86%d8%b4%da%a9%db%95%da%a9%db%8e%da%a4%db%95-%da%a4%db%8c%d9%86%db%86%d8%b3/273094/#comments Tue, 03 Nov 2026 21:09:37 +0000 https://rojnameyaevro.com/ku/?p=273094 مستەفا مەلا سەلیم ئاکرەیی

ل کولندێ زەر دەرکەفت
نە نیڤشکێ دەریایێ دیت
نەژی دلۆپەکا ئاڤێ کو ئەدۆنیس
تێهنا خۆ پێ بشکێنیت و
لێڤێن خۆ پێ تەڕ بکەت
زانی ئەو نە خوداڤەندێ ئەڤینیێ و
جوانیێ یە…
چونکە ئەو ژی تێهنا خوینا ئەدۆنیسی بوو
داکو ب وەریسێ حەفکا لەیلایێ
بهێن کەتە گۆلەگا بێهنخۆشا
دەریایێ..
مرۆڤ و گول و دەریا و چیا
پەنابەر و چەتەیێن کنارێن
ئاڤێ نە..
بێهنا خوینێ دھەلکێشن و دڕندەیێن
شكەفتێ نە..
ئافرەت و ئەفرۆدێت ئێک ستوینن
ئەسمانەکێ بەر دڕیای دبینن
ب خوینا ئەدۆنیسی پرچێن خۆ خەنا دکەن
کەیفێ دکەن.. سەمایێ دکەن
ب نۆتێن سەمفۆنیا گەردوونێ
پەردێن پەنجەرا لاددەن
شەڤبێریێن خۆ..
ب دزیکی ڤە ل پشت دیوارێن کولیخانکا
نڤێژێن بێ دەستنڤێژ دکەن
ژ دەھمەنێن وان بالندەیێن ڕەش دپەشن
ل نشیڤییا نێچیرا مرۆڤان دکەن
ل سەر بەلگێن دارەکا چەمیایی و
خوناڤ گرتی دوعایا دکەن.

]]> https://rojnameyaevro.com/ku/%d8%ae%d9%88%db%8c%d9%86%d8%a7-%d8%a6%db%95%d8%af%db%86%d9%86%db%8c%d8%b3%db%8c-%da%98-%d9%86%d8%b4%da%a9%db%95%da%a9%db%8e%da%a4%db%95-%da%a4%db%8c%d9%86%db%86%d8%b3/273094/feed/ 0 ل هەردو شۆڕەشان بامەڕنێ ١١٥ شەهیدێن سەنگـەری هەنـە https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%da%95%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273092/ https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%da%95%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273092/#comments Tue, 03 Nov 2026 21:07:21 +0000 https://rojnameyaevro.com/ku/?p=273092 سالار محەمەد دۆسكی:

2-6

گاڤا ب جلكێن كوردی و بەرگز و دو دەرسۆك گرێددان بڤی رەنگی دهاتە پولێ‌ ڤە، مامۆستایێ‌ بیركاریێ‌ بوو، دیسا مامۆستا (سەعید محەمەد رەجب) بەرپرسێ‌ رێكخراوا حزبی بوو ل بامەرنێ‌، مامۆستا (محەمەد حسێن رەشید) جێگرێ‌ وی یێ‌ رێكخراوێ‌ بوو، مامۆستا (ئەحمەد عەبدلباقی) مامۆستایێ‌ شۆڕشێ‌ بوو، و پشتی رێككەفتا 11 ئادارێ‌ ببوو مامۆستا ل قوتابخانا بامەرنێ‌ بگشتی هەمی و مامۆستایێن مە كوردپەروەر بوون، نسكۆیا سالا 1975 كاودانێن خەلكی گەلەك نەخوش بوون و ژیان نەخوش بوو ئەڤە تشتەك بوو هاتیەكرن ب دەستێ‌ خەلكی نەبوو بەلكو ئەڤە رێكەفتنەكا دولی بوو دژی مللەتێ‌ كورد هاتیەكرن وی دەمی هەمی پێشمەرگەی چەكێ‌ خوە رادەستی حوكمەتێ‌ كر و هندەك ژی بەرەف وەلاتێ‌ ئیرانێ‌ چوون، وەكی وێنەی پێش چاڤێن منن ئەو رۆژ دەمێ‌ بڕیار هاتیەدان هەر كەسەكێ‌ دڤێت خوە رادەستی حوكمەتێ‌ بكەت، و هەر كەسەكێ‌ ژ خوە بترسیت و نەڤێت دشێت بچیتە ئیرانێ‌، و بیرا من دهێت هزاران پێشمەرگان كرە گری و نەبتنێ‌ پێشمەرگا بەلكو خەلكی بگشتی دكرنە گری و دیمەنەكێ‌ نەخوش بوو، و ئەم مەزن بووین ویا نەخوش بوو و خەلكی هەست ب بێ‌ ئومێدیێ‌ دكر، و ئەڤ شۆڕشا هوسایا مەزن هەما ب جارەكێ‌ نەمینت و خیانەت ل مللەتی بهێتەكرن، ب راستی بۆ خەلكی یا نەخوش بوو.
هەمان پێشمەرگەیێ‌ شۆڕشا گولانێ‌ ئەو ژی دیاركر كو ل دەسپێكا دروستبوونا شەری د ناڤبەرا سەركردایەتی یا شۆرشێ‌ و حوكمەتا ئیراقێ‌ دا ل سالا 1974 چەندین جاران بزاڤكرینە ببیتە پێشمەرگە و بابێ‌ وی ڕازی نەبوو، چونكە یێ‌ بتنێ‌ بوو و هەمی گاڤا دلێ‌ بابێ‌ وی ل گەل بوو، مستەفا بامەرنی گۆت: جارەكێ‌ چوومە بارەگایێ‌ فەرماندە (ئەسعەد خوشەڤی) ل بامەرنێ‌ وی دەمی ژ بەر فڕوكان بارەگا چووبوو گوندێ‌ (زێوا شێخ پیرامیس) چوومە وێرێ‌ ب مەرەما ببمە پێشمەرگە ل گەل شەهید (شەعبان غەفار)، چونكە كورمەتێ‌ من بوو و بابێ‌ من هاتە وێرێ‌ و گۆت من نەڤێت كورێ‌ من ببیتە پێشمەرگە، چونكە ئەزێ‌ بتنێ‌ مە و ئەو هاریكاریا من دكەت، و خودێ‌ ژێ‌ ڕازی (ئەسعەد خوشەڤی) گۆتە من هەرە هاری مالا خوە و بابێ‌ خوە بكە و ئەو بوومە ژ سەنگەرێن شەری فەرترە، وی دەمی من گەلەك حەز پێشمەرگەی دكر، چونكە گەلەك دپەیت بوون وەك سەركردێن لەشكری (ئەسعەد خوشەڤی) نموونە بوون، و گەلەكێ‌ پێ‌ داخباربووم وسەركردێ‌ لەشكریێ‌ دەڤەرا بەهدینان بگشتی بوو و مرۆڤەكێ‌ نموونە بوو، و خودان بڕیار بوو، چ بریارێن وی ل بیرا من نینن چونكە نەكەسەكێ‌ نێزیكی وی بووم بەلێ‌ دەمێ‌ ژێ‌ دبێژن هەر تشتەكێ‌ هاتبا پێش جەنابێ‌ وی بڕیاردا و مرۆڤەكێ‌ دادپەروەر بوو بۆ پێشمەرگەی و خەلكی بگشتی گەلەكێ‌ باش بوو، و هەر تشتەكێ‌ پێ‌ چێ‌ ببا تەخسیری نەدكر، و ئەگەر زانیاری هەبان ئێكێ‌ غەدرێ‌ ل كەسەكی دكەت گەلەك توڕە دبوو.
هەمان پێشمەرگەیێ‌ شۆڕشا گولانێ‌ بەحسێ‌ دەسپێكا خوە بۆ ناڤ رێزێن شۆڕشا گولانێ‌ دكەت و دبێژیت: ل سالا 1980 بوویمە پێشمەرگە ل شۆڕشا گولانا پێشكەفتنخواز 3/10/1980 بوویمە پێشمەرگە، ل سالا 1976 ئەم چووینە لەشكرییا ئیراقێ‌ و پشتی دو سالێن لەشكریێ‌ ئەم هاتینە تەسریحكرن ب بریارا (عائدون) دگۆتنە ئەوان كەسان ئەوێن بەری رێككەفتنا 11 ئادارێ‌ یا سالا 1970 ل دەڤەرێن ئازادكری بوون، لبن كونترۆلا پێشمەرگەی، دوڤدا دهاتن خوە رادەستی حوكمەتێ‌ دكر و دگۆتە ئەڤان كەسان (عائدون) و پشتی شەرێ‌ ئیراق و ئیرانێ‌ دەستپێكری دووبارە ئەم هاتینە گازیكرن بۆ چوونا لەشكریێ‌ و ئەم نەچووین و ئێكسەر ئەم چووین بووینە پێشمەرگە و هژمارا ئەوان كەسێن چووین بووینە پێشمەرگە، ئەم نەه كەس بووین، و ئەم هەر هەمی بامەرنی بوون و ئەم ل دەسپێكێ‌ چووینە باژێرێ‌ (نەجەف) ب مەرەما چوونا لەشكریێ‌ و چوونا مە بۆ ئەڤی باژێری ب مەرەما پاراستنا خێزانێن مە بوون، دا حوكمەت ئیزعاجا وان نەكەت، و دوڤدا مە بڕیار دا بچینە ناڤ رێزێن شۆڕشێ‌ و دەمژمێر شەشی ئێڤاری ئەم ژ بارەگایێ‌ لەشكری ل (نەجەف) دەركەفتین هاتینە بەغدا، و دوڤدا هاتینە دهۆكێ‌ و ئەم ل ترۆمبێلەكێ‌ سواربووین رەف بوو خودانێ‌ وێ‌ خودێ‌ ژێ‌ رازی بیت دگۆتنێ‌ (عەبو تلیلی) دەمێ‌ ئەم گەهشتینە دهۆكێ‌ ئەم چووینە خوارنگەهەكێ‌ مە تێشت خوار و ئەو ژی هاتە وێرێ‌ و من گۆتێ‌ مام (عەبدوللا) گۆت: بەلێ‌، مە گۆتێ‌ مەنابەیە ئامێدیێ‌؟، گۆت: بەلێ‌، من گۆتێ‌: ئەم دێ‌ چینە تەجنیدێ‌، گۆت: دێ‌ هەوە بەم، ئەم چووین و بەری ئەم بگەهینە ئامێدیێ‌ ئەم ل (بێبادێ‌) هاتینە خوار ژ ترۆمبێلێ‌ و شوفێری گۆت بۆ تەجنیدێ‌ هێشتا یامای، من گۆتێ‌: تەجنیدەك ل بەرێ‌ ڤە ژی یا هەیە و شنی زانی ئەم دێ‌ چینە ناڤ رێزێن شۆڕشێ‌ وی دەمی باوەری نەبوو، و ئەم نەدشیاین یا دلێ‌ خوە بۆ كەسێ‌ بێژین و هێشتا ل دهۆكێ‌ لەوما مە خوە ڤەشارت بوو، ل دەسپێكێ‌ ئەم چووینە گوندێ‌ (شەریفا) ل پشتا (بێبادێ‌) و مالا خویشكا من ل وی گوندی بوو و ئەم چووینە وێرێ‌ و مە فراڤین خوار و ئەم چووین ئەڤە 3/10/1980 ئەم سەر كەفتین چووینە ناڤ بەروارییا ل گوندێ‌ (خرابەی) كانیەك ل پشتا گوندی هەیە، بناڤێ‌ كانیا (بەستێ‌) مە ل سەر وێ‌ كانیێ‌ پێشمەرگە دیتن و مەفرەزا شەهید (سەعید سپینداری) خودێ‌ ژێ‌ رازی بیت ل وێرێ‌ بوو، و گەلەك مرۆڤێن نیاس ل گەل هەبوون و گەلەك كەیفا مە هات و پێشوازی ل مەهاتەكرن، و ئەم ماین ل گەل وێ‌ شەڤێ‌ و ئەم هەمی ب جلكێن ئەفندی بووین و رۆژا پاشتر مە مەفرەزەكا بامەرنی یا دیت یا (فەوزی عەلی تەیب بامەرنی)، ئەم چووینە ل گەل دا بخوە ب هنێرینە هندەك جلكان ژ بامەرنێ‌ و ئەم ل گەل هاتینە گوندێ‌(گیلكا) مە كەسەك هنارتە بامەرنێ‌ ب مەرەما ئینانا جلكێن كوردی بوومە.

]]> https://rojnameyaevro.com/ku/%d9%84-%d9%87%db%95%d8%b1%d8%af%d9%88-%d8%b4%db%86%da%95%db%95%d8%b4%d8%a7%d9%86-%d8%a8%d8%a7%d9%85%db%95%da%95%d9%86%db%8e-%d9%a1%d9%a1%d9%a5-%d8%b4%db%95%d9%87%db%8c%d8%af%db%8e%d9%86-%d8%b3%db%95/273092/feed/ 0 ژڤانێ‌ خولا نایابا كوردستانێ‌ دیار نینە https://rojnameyaevro.com/ku/%da%98%da%a4%d8%a7%d9%86%db%8e%e2%80%8c-%d8%ae%d9%88%d9%84%d8%a7-%d9%86%d8%a7%db%8c%d8%a7%d8%a8%d8%a7-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e%e2%80%8c-%d8%af%db%8c%d8%a7%d8%b1-%d9%86/273088/ https://rojnameyaevro.com/ku/%da%98%da%a4%d8%a7%d9%86%db%8e%e2%80%8c-%d8%ae%d9%88%d9%84%d8%a7-%d9%86%d8%a7%db%8c%d8%a7%d8%a8%d8%a7-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e%e2%80%8c-%d8%af%db%8c%d8%a7%d8%b1-%d9%86/273088/#comments Tue, 03 Nov 2026 21:04:28 +0000 https://rojnameyaevro.com/ku/?p=273088 قەیس وەیس:

بۆ ماوەیێ دو مەهە پشتەڤان و یانەیێن وەرزشی ل كوردستانێ‌ چاڤەڕێ‌ دەستپێكرنا وەرزێ‌ نوو یا خولا فوتبۆلا نایابا كوردستانێ‌ نە و سەرۆكێ‌ فدراسیۆنێ‌ ژی چاڤەڕێ‌ پشتەڤانییا دارایی یە ژبۆ دانانا ژڤانێ‌ وەرزێ‌ نوو، ژلایەكێ‌ دووڤە دەنگۆیێ ڤەگەڕیانا خولێ‌ هەیە و دبیت ل حەفتییا بهێت كۆمبوونا فدراسیۆنێ‌ بابەتێ‌ خولێ‌ دیاربكەت.
د داخویانیەكا رۆژنامەڤانی دا سەلاحەدین سیابەند سەرۆكێ‌ فدراسیۆنا فوتبۆلا كوردستانێ‌ گۆت: هەتا نوكە ئەم نەشێن ژڤانێ‌ دروست یێ وەرزێ‌ نوو ڕابگەهینن ژبەركو هێشتا مە چو پشتەڤانییا دارایی وەرنەگرتییە، سەرباری پلان و بەرنامە بۆ ڕێكخستنا خولا نایاب هاتینە دانان، ژلایێ شێوازێ‌ خولێ‌، هژمارا یانەیان، دادڤان، سەرپەرشتێن یاریان و كارێن هونەری، ئەڤ سالە ب هیڤی بووین ب شێوازەكێ‌ باشتر و ڕێكخستی خول بڕێڤە بچیت كو مە ژ لۆكالێ‌ بەر ب ئاستێ بلند و نێڤدەولەتی.
ژلایەكێ‌ دووڤە ناڤهاتی گۆت: لدووڤ تەخمینا مە مەزاختییێ وەرزێ‌ نوو یا خولا نایاب دێ‌ گەهیتە 300 ملیۆن دینارا كو بۆ وەرزێ‌ خولێ‌ هەمیێ هێتە بڕێڤەبرن، مە پێنگاڤەكا دی ژی هاڤێژتییە ئەو ژی لایەنێ‌ سپۆنسەریێ و پرۆپۆزەلێ‌ فدراسیۆنێ‌ پێشكێشی كۆمپانییێن زەبەلحە كریە، لێ‌ هیش بەرسڤە نینە و هندەك ژی دەستپێكێ‌ ڕازیبوون لێ‌ دووماهیێ خوە ڤەكێشان.
ژلایێ خوەڤە محەمەد یوسف ڕاهێنەرێ‌ بەرنیاس یێ یانەیا سێمێل گۆت: مخابن هەتا نوكە ژڤانێ‌ خولێ‌ نە هاتیە دیاركرن ئەڤە ددەمەكی دایە كو هێدی وەرزشا فوتبۆلێ‌ بەر ب پێشڤە دچیت و وەلاتێن جیهانێ‌ پتر گرنگییێ پێ ددەن، خولا كوردستانێ‌ ب سەدەهان یاریزانێن گەنج و خەلكێ‌ باژێرێن جودا یێن كوردستانی نە و هەموو چاڤەرێ‌ نە بۆ یاریكرنێ‌، هەكە نە هێتە كرن دڕبەكێ‌ مەزن ب وەرزشا كوردستانێ‌ كەڤیت، ژبەركو ڕێژەیا مەزن یا یاریزانێن فوتبۆلێ‌ و جەماوەرێ‌ كوردستانی بڤێ‌ یاریێ ڤە گرێداینە و هەنە وەكو داهات بۆ خێزانا خوە یاریێ دكەن، هیڤییا مە ئەوە دەنگۆباسێ‌ خێرێ‌ ل ڤان رۆژا ببینن.

]]> https://rojnameyaevro.com/ku/%da%98%da%a4%d8%a7%d9%86%db%8e%e2%80%8c-%d8%ae%d9%88%d9%84%d8%a7-%d9%86%d8%a7%db%8c%d8%a7%d8%a8%d8%a7-%d9%83%d9%88%d8%b1%d8%af%d8%b3%d8%aa%d8%a7%d9%86%db%8e%e2%80%8c-%d8%af%db%8c%d8%a7%d8%b1-%d9%86/273088/feed/ 0