ئافرەتەكا دهۆكێ پشكداریێ د گوپیتكا جیهانی یا ژنان دا دكەت
دكتۆر دلین سەردار، رێڤەبەرا خواندنێن یەكسانی یا جێندەری ل زانكۆیا دهۆك بو رۆژناما ئەڤرۆ دیاركر، ئەو ئێكەم ئافرەتە ل سەر ئاستێ ئیراقێ و هەرێما كوردستانێ پشكداریێ د گوپیتكا جیهانی یا ژنان دا دكەت، ئەڤ لۆتكە یە ژ 25 ئافرەتان ل سەرانسەری جیهانێ پێك دهێت و هەرئێك ژ وان ژی ب ئەگەرەكێ جودا هاتیە هەلبژارتن ژ بۆ هندێ گەنگەشێ ل سەر پرسا ژنان بكەن.
دكتۆرە دلین سەردار گۆت: «مەرەما مە یا سەرەكی ئەوە د ڤێ گوپیتكا جیهانی دا، گەهاندنا دەنگ و هێز و ئیرادەیا ئافرەتا كوردە، مە دڤێت بۆ جڤاكێ نێڤدەولەتی دیار بكەین، سەرەرای وان كاودانێن مللەتێ كورد تێدا دەرباز بووی، ژنا كورد هەر خۆ راگر بوویە و هەردەم بزاڤ كرینە هەمبەری ئاستەنگان راوەستیت و بەردەوامیێ ب ژیانا خۆ بدەت».
گوتژی: «ئەڤ گوپیتكە دێ بۆ دەمێ شەش رۆژان ب شێوازێ ئونلاین بەردەوام بیت، دناڤداژنێن، ئەڤ گوپیتكە ژ لایێ جڤاكێ نێڤدەولەتی ڤە هاتیە رێكخستن و ل سەر ئاستێ روژهەلاتا ناڤین، ئەز ئێكەم كچا باژێرێ دهۆكێ مە پشكداریێ د ڤێ لۆتكەیا جیهانی دا دكەم».