ئافرەت د نها دا پتر تووشی توندوتیژیا دیجیتالی دبن
دلڤین رهشید:
چالاكڤانەکا ژنان بۆ ڕۆژنامەیا ئەڤرۆ دیار کر کو د قوناغا نوكه دا ئافرەت پتر تووشی توندوتیژیا دیجیتالی دبن و گۆت؛ داخوازێ ژ هەموو بكارهێنەرێن سوشیال میدیایێ دکەم ب تایبهت كچ و ژنان، باوهریا خۆ ب كهسێ نەئینن د تورێن جڤاکی دا.
زینا ههمون پارێزهرە و چالاكڤانە د بیاڤێ ژنان دا دیار كر، د قوناغا نوكه دا ئافرەت پتر تووشی توندوتیژیا دیجیتالی دبن و ئهڤ چەندە دبیته ئهگهر تووشی هندهك ئاستهنگان ببن و نهشێن داخوازا مافێ خۆ بكهن و گۆت؛ نەهشیاریا ئافرەتان ئهگهرهكه تووش ببن، ژبەرکو نزانن چ رێكار بگرنه بهر دەمێ تووش دبن.
زینایێ دیار کر کو د یاسایا عیراقێ دا یاسایهكا تایبهت ب پێشێلكاری و توندوتیژیا دیجیتالی نینه، بهلێ ل گورهی یاسایا سزایان ئافرەت دشێت داخوازا مافێ خۆ بكهت و ل دووڤ هندهك ماددان رۆلێ خۆ ببینت بۆ چارهسهركرنا ئهڤێ ئاریشێ.
پارێزەرێ گۆت؛ داخوازێ ژ هەموو بكارهێنەرێن سوشیال میدیایێ دکەم ب تایبهت كچ و ژنان، باوهریا خۆ ب كهسێ نەئینن د تورێن جڤاکی دا، ب تایبهت ئهو پەیچێن ب ناڤێ كومپانیان دهلیڤێن كاری بهلاڤ دكهن ب شێوازهكی وههمی.
چالاکڤانا ژنان د بەردەوامیا ئاخفتنێن خۆدا گۆت؛ هەروەسا باوەریا خۆ ب وان کەسان ژی نەئینن ئەوێن ب بەهانەیا پهیوهندیا دلداری خۆ نێزیكی هەوه دكهن، ژبەرکو هەردەمێ باوهریا هەوه ب دهستڤه خۆڤە ئینا دێ وێنه و پێزانین هەوه ژبۆ ب دهستڤهئینانا مهرهمێن خۆ یێن تایبهت ب شێوازێ گهڤ ل هەمبهری وه بكارئینن و دێ هەوە تووشی ئاریشەیێن مهزن كهن.
