ئاكرێ و زاخۆ مێڤانێن چوارقورنه و شه‌قلاوه نه
ئه‌ڤرۆ، قه‌یس وه‌یس
دهێته چاڤه‌ڕێ كرن ئه‌ڤرۆ سێ یاری ژ گه‌ڕا چارێ یا قۆناغا ئێكێ ژ چارچووڤێ خولا پلا نایابا كوردستانێ یا ته‌پا پێی بهێته ئه‌نجامدان و هه‌ردو یانه‌یێن زاخۆ و ئاگرێ ژ ده‌رڤه‌یی یاریگه‌ها خوه دێ چاڤ ل سه‌ركه‌فتنا دویێ بن.
د یاریا ئێكێ دا كوڕێن خابووری دێ ل هه‌ولێرا پایته‌خت بنه مێڤانێن یانا شه‌قلاوه، تیما زاخۆ ئه‌وا نوكه ب پێنچ خالان ژ سه‌ركه‌فتنه‌ك، دو وه‌كهه‌ڤی و خوساره‌تیه‌كێ ل رێزا هه‌شتێ دهێت دێ هه‌مبه‌ری خودانێن ئه‌ردی بن ئه‌وێن خرابترین ئاست و ئه‌نجام د چار یاریێن بوری دا نیشان دایی كو سێ خوساره‌تی و وه‌كهه‌ڤیه‌ك ئینایی دێ لبن گڤاشتنێن جه‌ماوه‌رێ خوه هێته د ناڤ یاریێ دا ژبۆ سه‌ركه‌فتنا ئێكێ، لێ یانا زاخۆ ژی هاتیه سێ خالێن یاریێ و سه‌ركه‌فتنا دویێ، ب پلانێن ده‌ستڤه ئینانا ئه‌نجامه‌مه‌َ باش راهێنه‌رێ وێ حسێن عه‌بدوللا دێ بزاڤێ كه‌ت بێ خال ژ یاریگه‌ها شه‌قلاوه نه ده‌ركه‌ڤیت.
د یاریا دویێ دا یانا ئاكرێ ل باژێرێ سلێمانیێ هه‌مبه‌ری خودانێن ئه‌ردی یانا چوارقورنه بیت ئێك ژ یانێن نوو بۆ جارا ئێكێ یه هاتیه پلا نایاب، تیما پایته‌ختێ نه‌وروزێ ب چار خالان رێزا 11ێ دهێت و دێ بزاڤێ بۆ سه‌ركه‌فتنا دویێ كه‌ت پشتی ده‌ستپێكه‌كا خراب ب دو خوساره‌تیێن ل دووڤ ئێك ئیناین، لێ چوارقورنه ئه‌وا ب پێنچ خالان رێزا پێنجێ دهێت وه‌كو ئێك ژ تیمێن رێكخستی هیڤیێن مه‌زن هه‌نه به‌رده‌وامیێ بده‌ته سه‌ركه‌فتنا و ب پشته‌ڤانیا جه‌ماوه‌رێ بگه‌هیته ئارمانجا خوه.
ژ یاریێن دی یێن ئه‌ڤرۆ پێشمه‌رگه‌یێ هه‌ولێر- شێروانه، بۆ زانین هه‌موو یاری ل ده‌مژمێر 2:30 پشتی نیڤرۆ هێنه كرن.
