ئاوازێن بارانێ

ئاوازێن بارانێ

43

نوژدار ئەیوب

‎ئاوریێن تە
‎تاڤە هەیڤن
‎بەژنا شەڤا من
‎دبرسقینیت
‎كەنیا تە
‎عەورێن شەڤبێریا
‎ل هنداڤ دیدارێن مە
‎ب ئاوازێن مەست
‎د قیرینیت
‎سەمایا تە بارانەكە
‎دلۆپ دلۆپ
‎سەمفۆنیا
‎دەمی دژەنیت
‎كڕاسێ تە
‎ل بەر وان سیلاڤێن
‎ب داڤێن پرچا تە دا
‎دهێنە خوار
‎یێ د مەلقیت
‎د لەیزینێ دا
‎دەمانێن تە یێ
‎ل بەژنا من د ئالن
‎ئەو سڕكا ب ئەرزنكا تە دا
‎دهێتە خوار
‎ببیتە شەلال
‎گەهێن تێهناتیا من
‎ژ بوو تە تژی ناكەت
‎دناڤ بەرا تە و سەمایێ دا
‎نە من دڤێت دەم
‎ب داوی بهێت
‎نەژی شەڤ و باران

کۆمێنتا تە