ئاوازێن شەڤان
وەرگێران ژ فارسی:
سەلوا محەمەد نهێلی
بناغەیێ ژیانێ ل سەر وێرانكرنێ ئاڤاكر، ئەو ژی دەمێ خواندنا خۆ یا بسپورییا ئەندازیاری، كو ل نیڤا رێ ب جه هێلا و داهاتێ خۆ یێ ئەزموونا، هەشت سالان ژ كارێ فەرمی یێ حكومی وەردگرت، جهێ دلخۆشیێ بوو كۆمپانیا تایبەت ل سەر رادەستكردنێ رازی بوو، وی سێ كارمەندێن ل گەل وی كار دكر؛ ب جه هێلان، دەمێ (هێلا) بەرهەمئینانێ ساخ كرییەڤە و قازانج كری، ژبۆ هندێ، كو ببیتە سترانبێژ، ئەو و هەڤژینا خۆ ل گەل دو زاڕۆكان د رەوشەكا خراب و خەمگین دا د ژییان، ژبەركو مەزاختییێن دراڤی نە ما بوون، هەڤژینا وی ل گەل زاڕۆكێن خۆ بەرەڤ مالا بابێ خۆ ڤە چوو، ب تنێ عەلی ما و گەڕا ئاڤێ، تا وێ رۆژا داهاتێ كونسێرتا ئێكێ ل سەر قستێ مەهرا هەڤژینا خۆ مەزاختی.
ژ بۆ خواندنا خۆ ل دەرڤەیی وەلاتی، ب شانازی ڤە سكۆلەرشیپ وەرگرت بوو، لێ نەچوو تا كو جارەكا دی بەلاڤ دكەن و دەست پێ بكەنەڤە، د ڤی دەمی دا دو جاران چوویە جهێ ئۆركێسترایا موزیكا كەڤنەشۆپ ساز دكر و ئەو هەرسێك ژ هەڤ ڤەقەتییا بوون. ئەو بوو جێگرێ سەرۆكێ كۆمەلەیا موزیكێ و وی سۆز دا مافێ سەندیكا هەڤكارێن خۆ ل گوپیتكا سەركەفتنێ دا بپارێزیت، د چاڤپێكەفتنەكا بێ ڕامان ل گەل گۆڤارەكا بێ بەها دیاركر ب هێلانا كەسانێن كاریگەر، سەندیكا كرێكاران ژناڤچوو، لەورا بەری دەست ل كار كیشانێ.. ب رێزگرتنڤە ئەندامیەتا خۆ هەلوەشاند… هەر چاوا بیت و ب هەر ئەگەرەكی هەبیت، شەڤێ یان ژی ب نیڤ شەڤ ترومبێلا گەشتیاران گرت و ل نیڤا رێدا شۆفێرێ كر و دەست ب سترانێن (ئەبو عەتا)ی كر، مەندەهۆش نەبە… بەلكو دێ تە های ژ سترانەكێ بیت، كو كەسەكێ شارەزایە د بیاڤێ ئەندازیاری و رێكخستن و زەوقەكا باش د موزیكێ دا هەبوو، مە دڤێت د رێ دا بمینیت و نەگەهیتە جهێ مەبەست و ج چاران نەگەهشتێ.
ژێدەر: ناصح كامگاری، سقف این خانە كوتاە است، مجموعە داستان كوتاە، (تهران: 1398).
