ئاڤا سپی د هەموو عەمران دا پەیدادبیت

ئاڤا سپی د هەموو عەمران دا پەیدادبیت

4

د. نیوار ئەمین، تایبه‌تمه‌ندێ نه‌خۆشی و نشته‌رگه‌ریێن چاڤا دیاركر ئاڤا سپی ئانکو په‌یدابوونا شێلیاتیێ دناڤ عه‌ده‌سا چاڤی دا، و عه‌ده‌سا چاڤی دكه‌ڤیته‌ پشت بیبیلكا چاڤی، گه‌له‌ك كه‌س هه‌نه‌ هزردكه‌ن ده‌مێ عه‌ور ڕەشکا چاڤی دگریت دبێژنه‌ وی ئاڤا سپی، ئه‌ڤه‌ تێگه‌هشتنه‌كا خه‌له‌ته‌، ئاڤا سپی ئه‌وه‌ ل عه‌ده‌سا چاڤی په‌یدا دبیت، و گۆت: ئه‌م دشێین ئاڤا سپی دابەشكه‌ین ل دووف ده‌مێ په‌یدابوونێ، وه‌ك یا زكماکی و یا دی یا ل ده‌ف هه‌ركه‌سه‌كی و ل هه‌ر ته‌مه‌نه‌كی په‌یدا دبیت و ئه‌گه‌رێ ڤێ ژی ته‌مه‌نه‌ و دگه‌ل مه‌زنبوونا هه‌ر كه‌سه‌كی پتر یێ به‌رهه‌ڤه‌ چاڤێ وی تووشی ئاڤا سپی ببیت و هنده‌ك ئه‌گه‌رێن دی ژی هه‌نه‌، وه‌ك بكارئینانا هنده‌ك ده‌رمانان، هه‌وره‌سا هنده‌ك هه‌ودانێن دناڤا چاڤی دا یان هەکە چاڤ تووشی لێدانه‌كێ ببیت، چ لێدانه‌كا قه‌تعی بیت، یان ژی لێدان یا وه‌سا بیت بێ ببیته‌ ئه‌گه‌رێ برینداربوونا چاڤی، ئه‌ف حاله‌ته‌نه‌ دبنه‌ ئه‌گه‌ر چاڤ تووشی ئاڤا سپی ببیت، و گۆتژی: نیشانێن ژ هه‌میان دیارتر ئه‌وه‌ دیتنا وی كه‌سی ده‌ست ب لاوازبوون دکەت، د هنده‌ك حاله‌تان دا هه‌ردو چاڤن، و به‌هرا پتر ئێك چاڤه‌، ژنیشانێن دی ره‌نگه‌ تشت ل به‌ر چاڤێن وی ببنه‌ دو، یان گه‌له‌ك ئیزعاجا خو ژ روناهیێ دبینن.
د. نیوار ئەمین دیاركر ژی ژلایێ زانستی ڤە كێشانا جگارا دبیته‌ ئه‌گه‌رێ په‌یدابوونا ئاڤا سپی، به‌راوردی دگه‌ل وان كه‌سێن جگارا نه‌كێشن، هه‌ورهسا زێده‌بكارئینانا موبایلێ و ته‌ماشه‌كرنا زێده‌ یا ته‌له‌فزیونێ، چ كارتێكرن نینه‌ ل سه‌ر په‌یدابوونا ئاڤا سپی، وگۆت: چارسه‌ریا نه‌هێلانا ئاڤا سپی ب رێیا ئه‌نجامدانا نشته‌رگه‌ریێ یه‌، و جورێن نشته‌رگه‌ریان مه‌ هه‌یه‌ یا جیراحی ڤه‌كرنا چاڤی بو چه‌ند ملیمێتره‌كا و ده‌رئێخستنا ئاڤا سپی و دانانا عه‌ده‌سێ، رێیا دی ئه‌وه‌ ئه‌نجامدانا نشته‌رگه‌ریا ئاڤا سپی ب رێیا لێزه‌رێ، و ڤێ رێكی سه‌ركه‌فتنه‌كا باش ئینایه‌، كێشانا ئاڤا سپی ب رێیا ڤەکرنا دو سێ ملیمه‌ترێن بچووك دا، دهه‌مان جهدا عه‌ده‌سه‌ دهێته‌دانان و نه‌خۆش بزووترین ده‌م ئه‌نجامێن باش دبینیت و دیتنا وی ڤه‌دگه‌ریته‌ ڤه‌ و گۆتژی: پشتی نشته‌رگه‌ریی پتریا نه‌خۆشان بو نێزیك پێدڤی ب به‌رچافكا دبن، ره‌نگه‌ هنده‌ك جارا نه‌خۆش بو دیراتیێ ژی پێدڤی ببیت، و هنده‌ك جورێن عه‌ده‌سا هه‌نه‌، ره‌نگه‌ هاریكاریا وان كه‌سا بكه‌ت، دیتنا وان یا دویر و نێزیك یا سافی بیتن و پێدڤی ب به‌رچافكێ نه‌بیت.

کۆمێنتا تە