ئه‌ردۆغان: ئۆپه‌راسیۆنێن مه‌ تنێ ئه‌سمانی نابن

ئه‌ردۆغان: ئۆپه‌راسیۆنێن مه‌ تنێ ئه‌سمانی نابن

1

 

ئه‌ڤرۆ:

ره‌جه‌ب ته‌یب ئه‌ردۆغانێ سه‌رۆك كۆمارێ توركیا بۆ ده‌زگه‌هێن راگه‌هاندنا وی وه‌لاتی دیار كر كو ئۆپه‌راسیۆنێن وان ل دژی په‌كه‌كێ ل رۆژئاڤایێ كوردستانێ و ده‌ڤه‌رێن سنۆری یێن هه‌رێما كوردستانێ دێ به‌رده‌وام بن و گۆت: (مه‌رج نینه‌ كو ئۆپه‌راسیۆن تنێ ئه‌سمانی بن، ئۆپه‌راسیۆن نها به‌رده‌وام دكه‌ن و هێزێن مه‌ د ئاماده‌باشیه‌كا ته‌مام دانه‌ و هه‌ر ده‌مێ مه‌ترسی ل سه‌ر توركیا هه‌بیت دێ هێزێن مه‌ ب توندی به‌رسڤا هه‌ر ئێرشه‌كێ ده‌ن).

ئه‌ردۆغانی ئه‌و یه‌ك ژی دیار كر كو توركیا به‌رهه‌ڤیان بۆ ئۆپه‌راسیۆنێن به‌رفره‌هتر ژی دكه‌ت و ئۆپه‌راسیۆن تنێ ئه‌سمانی نابن و گۆت: (مخابن ئه‌مریكا و وه‌لاتێن دی وه‌كو پێدڤی د شه‌رێ ل دژی تیرۆرێ دا هاریكاریا توركیا ناكه‌ن، ژ به‌ر هندێ ژی توركیا یا نه‌چاره‌ یا پێدڤی بكه‌ت و ده‌ستوریێ ژی ژ كه‌سێ وه‌رناگرین).

کۆمێنتا تە