ئه‌ڤرۆ زاخۆ بۆ پاراستنا رێزا سێیێ سەرکەڤتن دڤێت

ئه‌ڤرۆ زاخۆ بۆ پاراستنا رێزا سێیێ سەرکەڤتن دڤێت

4

عەلی حاجی :
چاڤه‌ڕێ دهێته‌ كرن ئه‌ڤرۆ ل ده‌مژمێر 9:30 شه‌ڤ تیما ته‌پا پێی یا یانه‌یا زاخۆ ل باژێرێ کەربەلا روو ب روو تیما یانه‌یا ئه‌لقاسم ببیت ژ چارچوڤێ یاریێن گه‌ڕا 20ێ یا خولا ستێرێن ئیراقێ.
تیما یانەیا زاخۆ ل باشۆرێ‌ ئیراقێ‌ دێ‌ بیتە مێڤانا یانەیا ئەلقاسم د یارییەكا گرنگ و دەلیڤە دا بۆ كوڕێن خابووری پێخەمەت پاراستنا رێزبەندیا خوە یا پێشیێ‌ ئەوا نوكە ب 32 خالان رێزا سێیێ‌ دهێت ژ هەشت سەركەفتن، هەشت وەكهەڤی و سێ‌ خوسارەتی هەنە، بەرانبەری وێ‌ یانەیا مێڤان ئەلقاسم ب12 خالان رێزا 19ێ‌ وبەری دووماهیێ‌ دهێت، ئانكو تیمەكا ب ئاستەنگ نابیت لێ‌ د تەپا پێی دا هەمی ئەنجام پێشبینیكرینە، جەماوەرێ‌ كوڕێن خابووری گەشبینن بەردەوامیێ‌ بدەنە سەركەفتنان و رێزبەندییا خوە پارێزین.
ل دور دووماهی به‌رهه‌ڤیێن كوڕێن خابوری هشیار شەهباز بۆ رۆژنامه‌یا ئەڤرۆ گۆت: بۆ ماوه‌یێ حه‌فت رۆژایە ئەو ل باژێرێ نەجەف ماینه‌ ژ بۆ دانانا کەمپەکێ ڕاهێنانێ، ئەو کەمپێ ڕاهێنانێ ژبەر ئەگەرێ ڕاوەستیانا خولێ و چوونا یاریزانێن وان بوو بۆ بهێنڤەدانێ و هەر دیسان ئەو کەش و هەوایێ زاخۆ تێدا دەرباز بوویی یێن له‌هیان،ژبەر هندێ مە ئەڤ کەمپێ ڕاهێنانێ دانا تێدا مە یارییەکا هەڤالینی ئه‌نجامدا پێخه‌مه‌ت لێکتێگەهشتنا دناڤبەرا یاریزانان دا بمینیت، بریاربوو یاریێ ل باژێرێ کوت بکەین لێ هاتیه‌ ڤه‌گۆهاستن بۆ باژێری کەربەلا، یانه‌یا ئه‌لقاسم یا ب زەحمەتە و هەتا نوکە مە نەشیایە سەرکەڤتنێ ل سەر وان توماربکەین لێ هاتنا مه‌ بۆ باژێرێ کەربەلا بۆ تومارکرنا سەرکەڤتنێ یە و ڤەکرنا گڕێیا سەرکەڤتنایە ل سەر وێ تیمێ و ژبلی سەرکەڤتنێ ب چ ئه‌نجامێن دیتر رازی نابین، هەمی یاریزانێن مە د ئامادەنە لێ بتنێ پیشه‌كارێ مه‌ کابوی ئامادە نینە ژ ئەگەرێ هنگاڤتنێ، ب شێوەیەکێ گشتی تیما مە یا ئامادەیە بۆ وێ یاریێ.
ناڤبری گۆت ژی: ڕاهێنەرێ تیمێ و هاریکارێ وی ب شێوەیەکێ گەلەک هویر ل سەر هه‌ڤڕكیا خوه‌ کار کرینە و کێماسیێن وان ژی دیار کرینە و تیم دێ ل سەر شێوازەکێ نوو یاریێ کەت.
ناڤبری گۆت ژی: ژ نێزیک ڤە ئەز ئاگەهداری ل سەر وی شێوازێ نوو یێ یاریێ مە ل وێ باوەرێ مە ئەو شێوازە دێ یێ سەرکەڤتی بیت بەرامبەر ئه‌لقاسم، د نوکە دا تیما مە د رەوشەکا باش دا دەرباز دبیت ئه‌ڤ سه‌ركه‌فتنه‌ دێ بیتە پالدەرەکێ ب هێز ل رێزێن پێشیێ د خولێ دا بمینن.

کۆمێنتا تە