ئه‌ڤ ساله ب گێرانا كونسێرته‌كێ دێ رۆژا جیهانیا مۆزیكێ هێته ساخكرن
هەرهین
رێڤه‌به‌ریا گشتی یا ره‌وشه‌نبیری و هونه‌ری ل دهۆكێ و رێڤه‌به‌ریا هونه‌رێ موزیكێ ب پشته‌ڤانیا پارێزگارێ دهۆكێ (د. عه‌لی ته‌ته‌ر) و ب هه‌ڤكاری ل گه‌ل كوردستان تیڤی ب هه‌لكه‌فتا رۆژا جیهانیا مۆزیكێ ل به‌ره ل رۆژا سێ شه‌مبی رێكه‌فتی 1/10/2024 ل ده‌مژمێری پێنجی ئێڤاری ل هۆلا كۆنگرا كۆنسێرته‌كا مۆزیكێ سازبكه‌ن.
جێگر سه‌میر، رێڤه‌به‌رێ هونه‌رێ مۆزیكێ ل دهۆكێ گۆت: ب هه‌لكه‌فتا رۆژا جیهانیا مۆزیكێ ئه‌ڤێ رۆژێ ل هه‌موو مۆزیكژه‌نێن كوردستانێ بتایبه‌ت یێن دهۆكێ پیرۆز دكه‌م و ب ڤێ هه‌لكه‌فتێ وه‌كو هه‌ر سال ئه‌م رابووینه ب گێرانه‌كا كونسێرته‌كا مۆزیكێ و سالانه ئه‌م ئه‌ڤێ رۆژێ ساخ دكه‌ین بتنێ ئه‌و سال نه‌یبن یێن كو كاودانا وه‌سا خاستی ئه‌م چو چالاكین نه‌كه‌ین و بۆ ئه‌ڤ ساله ژی مه ئاماده‌كاریێن خوه كرینه و كومه‌كا گه‌نجێن مۆزیكژه‌ن دی مۆزیكێ ژه‌ننو ئه‌ڤ كونسێرته بتنێ دێ مۆزیك هێته ژه‌نین و هه‌رسال ب ره‌نگه‌كی ئه‌ڤ رۆژه دهێته ساخكرن و دسالا بوری دا مۆزیكژه‌نه‌كێ دهۆكێ سیدیی خوه یێ مۆزیكێ به‌لاڤكروو ئه‌ڤ ساله ژی ب كۆنسێرته‌كا مۆزیكێ دێ هێته ساخكرن.
