ئه‌گه‌رێن سه‌ره‌كی یێن گیرۆبوونا عاده‌یا هه‌یڤانه‌ ل ده‌ڤ ژنان

ئه‌گه‌رێن سه‌ره‌كی یێن گیرۆبوونا عاده‌یا هه‌یڤانه‌ ل ده‌ڤ ژنان

14

ئه‌ڤرۆ، به‌رپه‌رێ‌ ساخله‌میێ‌:

ده‌مێ‌ عاده‌یا هه‌یڤانه‌ ل ده‌ڤ ژنان گیرۆ دبیت ره‌نگه‌ هزرا وێ‌ یا ئێكێ‌ ئه‌و بیت كو یا دوگیانه‌، به‌لێ‌ دوگیانی ئه‌گه‌رێ‌ ئێكێ‌ نینه‌ بۆ گیرۆبوونا عاده‌یا هه‌یڤانه‌، به‌لكو گه‌له‌ك فاكته‌رێن دیتر هه‌نه‌ كو رۆلێ‌ خوه‌ دڤێ‌ چه‌ندێ‌ دا دبینن، له‌ورا یا پێدڤیه‌ هه‌ر ژنه‌ك دووڤچوونا ئه‌كه‌رێن دیتر بكه‌ت به‌ری هزر ل دوگیانیێ‌ بكه‌ت.

ژوان ئه‌گه‌ران ژی گه‌له‌ك ڤه‌كولینێن زانستی ئه‌ڤ ئه‌گه‌رێن ل خوارێ‌ داناینه‌ بۆ گیرووبۆنا عاده‌یا هه‌یڤانه‌:

1-         ئالوزی: ئه‌وژی رۆله‌كێ‌ گرنگ دژیانا ژنان دا دبینیت و كارتێكرنه‌كا مه‌زن ل سه‌ر گه‌له‌ك ئالیان هه‌یه‌، عاده‌یا هه‌یڤانه‌ ئێك ژ وان كارۆبارانه‌ ئه‌وا ب كارتێكرن دكه‌ڤیت ب بلندبوونا ئالوزیێ‌ دژیانا رۆژانه‌ دا و دژواریا ئالوزیێ‌ هنده‌ك جاران دبیته‌ ئه‌گه‌رێ‌ زێده‌ده‌رهاڤێتنا هورمونێ‌ GNRH ئه‌وێ‌ دبیته‌ ئه‌گه‌رێ‌ نه‌په‌یدابوونا هێكان و نه‌په‌یدابوونا عاده‌یا هه‌یڤانه‌ ژی ل ده‌ڤ ژنان، ل وی ده‌می ژن دشێت شیره‌تكاریێ‌ ژ نوشداره‌كا تایبه‌تمه‌ند وه‌ربگریت ل دۆر چاوانیا كێمكرنا ئالوزیێ‌ داكو عاده‌یا هه‌یڤانه‌ ڤه‌گه‌ریته‌ڤه‌ بۆ سروشتێ‌ خوه‌.

2-         نه‌خۆشی: هنده‌ك جاران په‌یدابوونا نه‌خۆشیه‌كێ‌ ژ نشكه‌كیڤه‌ هه‌تا بۆ ده‌مه‌كێ‌ كورت یان درێژ  ژ بیت دبیته‌ ئه‌گه‌ر بۆ نه‌هاتنا عاده‌یا هه‌یڤانه‌ هه‌تا هه‌كه‌ ب شێوه‌یه‌كێ‌ به‌روه‌خت ژی بیت.

3-         خوارنا ده‌رمانان: هنده‌ك ده‌رمان پشكداریێ‌ د گیروكرنا ده‌مێ‌ عاده‌یا هه‌یڤانه‌ دا دكه‌ن و هه‌تا دبنه‌ ئه‌گه‌ر كو عاده‌ ب راوه‌ستیت، له‌ورا ئه‌و شیره‌تان دكه‌ین كو ناڤێ‌ هه‌ر ده‌رمانه‌كێ‌ نوو دهێته‌ ب كارئینان بێژیه‌ نوشدارێ‌ خوه‌ داكو ڤێ‌ كارتێكرنێ‌ ل ته‌ نه‌كه‌ن.

4-         زێده‌بوونا سه‌نگی: قه‌له‌ویا زێده‌ دبیته‌ ئه‌گه‌رێ‌ هنده‌ك گوهۆرینێن گرنگ د هنده‌ك هورمونان دا، ئه‌ڤه‌ژی دبیته‌ ئه‌گه‌رێ‌ گیرووبون و راوه‌ستاندنا عاده‌یا هه‌یڤانه‌ و كێم جاران دزڤره‌نه‌ڤه‌ بۆ سروشتێ‌ خوه‌ هه‌تا كو ژن هنده‌ك ژ كێشه‌یا له‌شێ‌ خوه‌ كێم دكه‌ت.

5-         شاشی د ژمارتنێ‌ دا: عاده‌یا هه‌یڤانه‌ ژ ژنه‌كێ‌ بۆ ئێكا دی جوداهه‌ هه‌یه‌، سه‌ره‌رای كو ژڤانێ‌ عاده‌یا هه‌یڤانه‌ 28 رۆژن، به‌لێ‌ ئه‌ڤ چه‌نده‌ ل نك هه‌موو ژنان وه‌كو ئێك نینه‌، ره‌نگه‌ ژن هزر بكه‌ت كو ژڤانێ‌ عاده‌یا وێ‌ گیرۆبوویه‌ به‌لێ‌ ئه‌و د ژمارتنا رۆژان دا یا شاش بیت، هه‌كه‌ ژڤانێ‌ عاده‌یا هه‌یڤانه‌ ل ده‌ڤ ته‌ یێ‌ رێكخستی نه‌بیت و تو ژڤانێ‌ هێلدانكێ‌ بزانی، دشیاندایه‌ تو ژڤانێ‌ عاده‌یا هه‌یڤانه‌ ب دو حه‌فتیان پشتی هاتنه‌ خوارا هێكا ب هژمێری، ب ڤێ‌ رێكێ‌ دێ‌ یا ب ساناهی بیت كو ژڤانێ‌ وێ‌ بزانی و ل هیڤیێ‌ بمینی.

6-         دوگیانی: دوگیانی چاره‌یا سروشتی یه‌ كو تو هزر تێدا بكه‌ی ده‌مێ‌ عاده‌یا هه‌یڤانه‌ رادوه‌ستیت، ئه‌وژی پشتی هه‌موو ئه‌گه‌رێن دیتر تو پشت راست دبی، به‌لێ‌ هه‌كه‌ هات و ته‌ پشكنین كر و تو یا دوگیان نه‌بووی دێ‌ باشتر خوه‌ بۆ ده‌مێ‌ حه‌فتیه‌كێ‌ بگری به‌ری تو پشكنینه‌كا دیتر بكه‌ی، هه‌كه‌ هات و ئه‌وژه‌ نه‌گه‌تیف بوو دێ‌ باشتر بیت شیره‌تان ژ نوشداره‌كا تایبه‌تمه‌ند وه‌ربگری و ره‌نگه‌ هنده‌ك جورێن چاره‌سه‌ریێ‌ بده‌ته‌ ته‌.

 

کۆمێنتا تە