ئه‌یهه‌م جامی: چاڤەڕێ بجهـئینانا سۆزێن ئیدارا سه‌ربه‌خوه‌یا زاخۆنە

ئه‌یهه‌م جامی: چاڤەڕێ بجهـئینانا سۆزێن ئیدارا سه‌ربه‌خوه‌یا زاخۆنە

171

زاخۆ،عەلی حاجی :

د داخویانییەکێ دا سەرۆکێ یاه‌ینا باتیفا یا وەرزشی بۆ رۆژنامه‌یا ئەڤرۆ دیار کر ئەو چاڤەڕێ بجهئینانا سۆزێن ئیدارەیا سەربەخوه‌یا زاخۆنە و رێڤەبەریا وەرزشێ ل کوردستانێ ژی سۆزێن خوه‌ بجهـ نە ئینان.
زێدەتر ئەیهەم جامی گۆت: بڕیارە ل شۆبانا سالا بهێت یاریێن خولا پلە دو یا کوردستانێ بهێنە ئەنجامدان، بتنێ هەیڤەک مایە ئەم خوە بەرهەڤ بکەین لێ هەتا نوکە مە چو راهێنەر دەستنیشان نەکرینە و پارەیێ کرینا جلوبەرگان بۆ تیما خوە نینە، مە ب ڕێیا نڤێسارەکێ داخازا کوژمەیەکێ پارەی ژ ئیدارەیا سەربەخوه‌یا زاخۆ کریە و سۆز دایە مە هاریکاریێ دگەل یانه‌یا باتیفا بکەت لێ هەتا نوکە هاریکاری نەهاتینە کرن و بڤی شێوه‌یی نه‌شێن پشکداریێ د خولا پلە دو یا کوردستانێ دا بكه‌ین ژبەرکو چو داهاتەک ل بەر دەستێ مە دا نینە، راستە هەیڤانە سێ ملیون دینار ژلایێ ئیدارەیا سەربەخویا زاخۆ بۆ یانه‌یا مە دهێتە خەرچکرن لێ ئەو داهاتی گەلەکێ کێمە و تێرا مە ناکەت، پێدڤییە بهێتە زێدەکرن هەتا کو بشێن یانا خوە پێ ب رێڤە ببەین،مە نوکە دا پارچەیەکا ئەردی بۆ یاریگەها خوە دیتیە و ئەم چاڤەرێنە ئەو ئەردە بۆ مە بهێتە کرین هەتا کو ببیتە ئەردێ یاریگەها مە.
ل دووماهیێ گۆت ژی: رێڤەبەرێ پێشتر یێ رێڤەبەریا گشتی یا وەرزشێ ل کوردستانێ سۆزا خوە دگەل مە بجهـ نەئینایە و سۆزا هاریکاریان دگەل دا مە کربوو لێ ئەو چەندە ژی نەکر.

کۆمێنتا تە