ئوپه‌رێتا ئه‌ز یێ‌ ل گه‌ل په‌لاتینكان هاته‌ نیشادان

ئوپه‌رێتا ئه‌ز یێ‌ ل گه‌ل په‌لاتینكان هاته‌ نیشادان

3

ئه‌ڤرۆ، سالار محه‌مه‌د دۆسكی:

ل ژێر چاڤدێریا به‌رێز د.عه‌لی ته‌ته‌ر پارێزگه‌رێ‌ دهۆكێ‌ حه‌فتیا بوری ل هولا محه‌مه‌د عارفێ‌ جزیری ئوپه‌رێتا (ئه‌ز یێ‌ دگه‌ل په‌لاتینكان) كو ژ به‌رهه‌مێ‌ وه‌زاره‌تا په‌روه‌ردێ‌ رێڤه‌به‌ریا گشتی یا په‌روه‌ردا پارێزگه‌ها دهۆكێ‌ بوو هاته‌ پێشكێشكرن.
دڤی بیاڤی دا مامۆستا (بێوار عه‌لی بداغ) هزرڤان و ده‌رهێنه‌رێ‌ ئوپه‌رێتا(ئه‌ز یێ‌ ل گه‌ل په‌لاتینكان) بۆ رۆژناما ئه‌ڤرۆ گۆت: په‌یاما مه‌ یا نه‌ته‌وه‌یی بوو و زێده‌تر مه‌ دڤیا ب رێكا ئه‌ڤێ‌ ئوپه‌رێتێ‌ دیار بكه‌ین و ب رێكا چالاكیێن هونه‌ری ئانكو چالاكیێن قوتابخانا ده‌ستێ‌ خوه‌ دانینه‌ سه‌ر ڤی شه‌ری و كاودانێن ب سه‌رێ‌ ملله‌تێ‌ مه‌ داهاتین ب چه‌ند بزاڤێن هونه‌ری و خه‌باتا به‌رده‌وام یا ملله‌تێ‌ خوه‌ نیشابده‌ین.
ده‌رهێنه‌ری ئه‌و ژی دیاركر كو كو ده‌مێ‌ جارا ئێكێ‌ ئوپه‌رێت هاتیه‌ نیشادان ب به‌رهه‌ڤبوونا خێزانا ڤی زارۆكی بوویه‌ و گه‌له‌ك ژێ‌ درازی بوون و ل نیشادانا دهۆكێ‌ ژی دو برایێن وی زارۆكی د به‌رهه‌ڤبوون و داخازكر ل هه‌ر جهه‌كی ئوپه‌رێت بهێته‌ نیشادان دئاماده‌نه‌ به‌رهه‌ڤ ببن.
ل دور چیرۆكا ئوپه‌رێتێ‌ ژی، ده‌رهێنه‌ری گۆت: بارزان قوتابیه‌ك بوو ل گونده‌كێ‌ سه‌ر ب ده‌ڤه‌را مه‌خمور ڤه‌ دژیا و د هێرشه‌كا داعش دا بۆ سه‌ر گوندێ‌ وان ل گه‌ل دو برایێن خوه‌ دهێته‌ شه‌هیدكرن ب ده‌ستێ‌ ئه‌ڤان تیرۆرستان و ئه‌ڤه‌ ژ ئه‌نجامێ‌ به‌ره‌ڤانیكرنێ‌ بوویه‌ ژ خوه‌ و خێزانا خوه‌ و د ده‌رئه‌نجام دا ل گه‌ل دو برایێن خوه‌ دهێته‌ شه‌هیدكرن.
جهێ‌ ئاماژه‌كرنێ‌ یه‌ كو ئوپه‌رێتا ناڤبری، به‌رهه‌مێ‌ وه‌زاره‌تا په‌روه‌ردێ‌، رێڤه‌به‌ریا گشتی یا په‌روه‌ردا پارێزگه‌ها دهۆكێ‌، رێڤه‌به‌ریا چالاكیێن قوتابخانا بوویه‌ ب ئه‌نجامدانا ڤی كاری و بۆ جارا ئێكێ‌ ل هه‌ولێرا پایته‌خت هاتیه‌ نیشادان بۆ جارا دووێ‌ به‌رهه‌ڤبوونا بینه‌ره‌كێ‌ ئێكجار زور رێكه‌فتی 15/6/2022 ل هولا محه‌مه‌د عارفێ‌ جزیری هاته‌ نیشادان.
هه‌ڤده‌م دناڤا ئوپه‌رێتێ‌ دا چه‌ندین هونه‌رمه‌ندان دبیاڤێ‌ ئه‌كته‌ری و موزیك و دیكور و لڤینان كار تێدا كریه‌، ئه‌كته‌رێن ئوپه‌رێتێ‌ پێك هاتبوون ژ (موئمن سه‌دیق، روكه‌ن به‌رهاد، مه‌نه‌سه‌ بێوار، زیلان رزگار، هاری شێرزاد، ساهی محیه‌دین، ریدان تاهر، سیلاڤ له‌زگین، رۆژهات نژیار، دوعا مه‌هدی، یه‌زن عومه‌ر، گول شلێر سه‌باح، سیدرا سه‌باح، سیپان سه‌گڤان، ئالان جومعه‌، لێزان جومعه‌، ره‌مه‌زان ره‌مزی، ئادار ئه‌یوب، ئه‌نه‌س ئه‌حمه‌د، ئه‌حمه‌د وه‌لید، شێرزاد ره‌مه‌زان)موزیك (محه‌مه‌د زه‌كی) ئاواز (شه‌عبان سلێمان) نڤێسین( عادل عه‌بدالمجید) دیكور(شێراز عه‌زیز) جل و به‌رگ و مكیاج( ئالا رفت) پوسته‌ و ده‌لیل (ره‌هوان پیرۆمه‌ری، هشیار فه‌یسه‌ل) رێڤه‌به‌رێ‌ شانوویێ‌( هادی شێرزاد، ره‌مه‌زان ره‌مزی) راهێنه‌ر و هاریكارێ‌ ده‌رهێنه‌ری (ئاوار حه‌سه‌ن) ب مێهڤانداریا هونه‌رمه‌ند (قه‌دری شێرو) هاته‌ نیشادان.

کۆمێنتا تە