ئۆکرانیا: رۆسیا خوە بۆ شەڕەکێ دژوار بەرهەڤ دکەت

ئۆکرانیا: رۆسیا خوە بۆ شەڕەکێ دژوار بەرهەڤ دکەت

5

وەزارەتا دەرڤە یا ئۆکرانیا راگەهاند، سەرۆکێ رۆسیا داخواز کریە ١٥٠ هزار کەسێن نوو بهێنە وەرگرتن بۆ ناڤ رێزێن لەشکری، ئەو یەک ژی نیشا ددەت رۆسیا دڤێت دەست ب شەڕەکێ نوو و دژوارتر ل دژی ئۆکرانیایێ بکەت و ژ بەر ڤێ یەکێ ژی دڤێت هەم ئەمریکا و هەم ژی وەلاتێن دی یێن ئەندامێن ناتۆ دەست ب قۆناغەکا نوو بکەن و پتر هاریکاریا ئۆکرانیایێ بکەن.
وەزارەتا دەرڤە یا ئۆکرانیایێ ئەو یەک ژی دیار کریە، هەتا نها ب هزاران سەربازێن رۆسیا د شەڕی دا هاتینە کوشتن و رۆسیا نەشیایە د شەڕی دا سەرکەڤیت، لێ هەکە ئەمریکا و وەلاتێن دی یێن ئەندامێن ناتۆ وەکو پێدڤی هاریکاریا وان نەکەن ئەو یەک دێ بیتە ئەگەر رۆسیا دەست ب ئێرشێن دژوارتر ژ جاران بکەت دا بشێت هەڤسەنگیا شەڕی د بەرژەوەندیا خوە دا بگوهۆڕیت، ژ بەر ڤێ یەکێ ژی گەلەک یا گرنگە هەم ئەمریکا و هەم ژی وەلاتێن ئێکەتیا ئۆرۆپا چەکێ گران و مۆدێرن بدەنە ئۆکرانیایێ.
ئەو یەک د دەمەکێ دایە کو بەری نها وەزیرێ بەرگریێ یێ ئەمریکا ژی دیار کربوو، هەکە وەلاتێن ئێکەتیا ئۆرۆپا هاریکاریا ئۆکرانیایێ نەکەن رۆسیا دێ د شەڕی دا سەرکەڤیت و سەرکەفتنا رۆسیا ل ئۆکرانیایێ دێ بیتە مەترسیەکا گەلەک مەزن بۆ وەلاتێن ئێکەتیا ئۆرۆپا، چونکی رۆسیا دڤێت پشتی ئۆکرانیایێ ئێرشی هندەک وەلاتێن دی یێن ئێکەتیا ئۆرۆپا ژی بکەت.

کۆمێنتا تە