ئۆکـرانیا ئێرشـی ژێدەرێن وزێ یێن رۆسیا دکـەت
وەزارەتا بەرگریێ یا ئۆکرانیایێ راگەهاند، چەند رۆژن رۆسیا ب هەموو هێزا خوە ئێرشی وان دکەت و هەتا نها رۆسیا گەلەک ژێدەرێن وزێ یێن ئۆکرانیایێ ژناڤبرینە و ل هەمبەر دا دوهی هێزێن وان ژی ب فرۆکێن بێ فرۆکەڤان ئێرشی چەندین ژێدەرێن وزێ ل رۆسیا کرینە و ب تەمامی ژناڤبرینە و دێ ئێرشێن وان ل سەر ژێدەرێن وزێ ل رۆسیا بەردەوام بن.
وەزارەتا بەرگریێ یا ئۆکرانیایێ جارەکا دی دیار کریە، د رەوشا نها دا رۆسیا ب هەموو شیانێن خوە ئێرش دکەت و ل هەمبەر دا هێزێن وان بەرەڤانیێ دکەن و دەست ب ئێرشێن نوو دکەن، لێ ژ بۆ سەرکەفتنا وان ل سەر هێزێن رۆسیا پێدڤیا ئۆکرانیایێ ب چەکێ گران و مودێرن هەیە و دڤێت ئەمریکا و ناتۆ ب هەموو رەنگەکێ پشتەڤانیێ ل ئۆکرانیایێ بکەن، چونکی سەرکەفتنا رۆسیا د شەرێ نها دا دێ کاریگەریا خوە یا خراب بۆ ئەمریکا و ناتۆ ژی هەبیت.
