ئیران: دێ ب توندی بەرسڤا ئسرائیلێ دەین

ئیران: دێ ب توندی بەرسڤا ئسرائیلێ دەین

9

ب، سه‌رجان مەحمود:

عەلی خامنەیی رێبەرێ شورەشا ئیسلامی یا ئیرانێ راگەهاند، ئێرشا ئسرائیلێ ل سەر بالیۆزخانا ئیرانێ ل شامێ ئیرشەکا تیرۆرستی یە و مخابن د ئەنجاما ئێرشا ئسرائیلێ دا چەندین فەرماندارێن مە جانێ خوە ژ دەست داینە، لێ ئەو یەک بێ بەرسڤ نامینیت و دێ ب توندی بەرسڤا ئسرائیلێ دەین و دەم یێ هاتی ئیران و هەڤپەیمانێن خوە پێکڤە ئسرائیلێ سزا بدەن.
ل ئالیێ دی ئیبراهیم رەئیسی سەرۆک کۆمارێ ئیرانێ ژی راگەهاند، دڤێت هەموو وەلاتێن جیهانێ ئێرشا ئسرائیلێ یا ل سەر بالیۆزخانا ئیرانێ ل شامێ شەرمزار بکەن، چونکی ئێرشا هاتیە کرن ئێرشەکا تیرۆرستیە و ئیران دێ ب توندی بەرسڤا ئسرائیلێ دەت.
دەزگەهێن راگەهاندنا ئیرانێ ژی دیار دکەن د ئەنجاما ئێرشا ئسرائیلێ دا یا ل سەر بالیۆزخانا ئیرانێ ل شامێ دا دو جەنەرال و پێنچ کەسێن دی جانێ خوە ژ دەست داینە و چەندین کەس ژی بریندار بووینە.

کۆمێنتا تە