ئەرێ‌ خوارنا هێكان ل تێشتێ‌ رەفتارەکا ساخلەمە؟

ئەرێ‌ خوارنا هێكان ل تێشتێ‌ رەفتارەکا ساخلەمە؟

36

بەرپەرێ‌ ساخلەمیێ‌:

تێشت ئێك ژ دانێن سەرەكی یێن خوارنێ‌ یە و هاریكارە ل كۆنترۆلكرنا كێشێ‌ و دابەزاندنا وێ‌، لەورا یا گرنگە بزانی ل وی دانی دێ‌ چ خۆی، ل دووڤ تایبەتمەندێن ساخلەمیێ‌ خوارنا هێكا ل دانێ‌ سپێدێ‌ هاركار دبیت ل كێمكرنا كێشێ‌.
ماڵپەڕێ‌ هێلسی لاین یێ‌ ئەمریكی بەلاڤكریە، دانێ‌ سپێدێ‌ یێ‌ گرنگە و پێدڤیە خوارنا ساخلەم بهێتە خوارن، هەر خوارنەكا نەساخلەم ل سپێدەهیان دێ‌ هۆكار بیت بۆ زیان گەهاندنێ‌ ب كێشا لەشی.
گۆڤارا كۆلیژا ئەمریكی بۆ خۆراك و گۆڤارا نێڤدەولەتی بۆ قەلەویێ‌ ل ئەمریكا ئاماژە داینە ڤەكۆلینەكا زانایێن ئەمریكی و تێدا هاتیە، ئەو كەسێن ل تێشتێ‌ هێكا دخۆن د دەمێ‌ هەشت حەفتێان دا دشێن ب ڕێژا ٪٦٥ كۆنترۆلا كێشا لەشێ‌ خوە بكەن ب بەراورد ب وان كەسێن هێكا نەخۆن.
ژلایەكێ‌ دی گۆڤارا ڤەكۆلینێن خوارنێ‌ ل ئەمریكا پشتڕاستكریە، هێك هاریكاریا هەڤسەنگكرتنا رێژا شەكرێ‌ دناڤ خوینێ‌ ددەت و هەستا برساتیێ‌ بۆ دەمەكێ‌ درێژ ناهێلیت.
ئەلیسا بایك، رێڤەبەرا پشكا پەیوەندیێن خوارنێ‌ ل دەستەیا نێڤدەولەتی بۆ زانیاریێن خوارنێ‌ راگەهاندیە، دانەكێ‌ خوارنێ‌ دڤێت دەولەمەند بیت ب پڕۆتین و رووشالان كو دێ‌ د هاریكاربن ل پێدانا هەستێ‌ تێربوونێ‌ بۆ دەمەكێ‌ درێژ، باشترین دانێ‌ سپێدێ‌ ژی خوارنا هێكایە دگەل ئەڤۆگادۆ یان هێك دگەل نانێ‌ گەنمی، ب وی جۆری دی رێگریێ‌ كەت ل زێدەبوونا كێشا لەشی.

کۆمێنتا تە