ئەز یا بەر ب هونەرێ دیجیتال ڤە دچم
هەرهین محەمەد:
هونەرمەندا شێوەكار (مهابات سەفەر محەمەد) د دیدارەكێ دا بۆ رۆژناما ئەڤرۆ گۆت: شێوەكاری حەزا من یا زارۆكینیێ بوو، هەتا كو چوویمە كولیژا هونەرێن جوان پشكا وێنەكێشانێ ب دووماهی ئینایە، ل دەستپێكا كارێ من ل دووڤ رێبازا هونەرمەندێن كلاسیكی وەكو (مایكل ئەنجلو) كاردكر و من مفا ژ كوالتیا كارێ ئەوی وەردگرت، بەلێ نوكە من ژی ستایلەك هەیە و ل سەر وی ستایلی دچم و گەلەك حەز ژ رەنگێ پرتەقالی دكەم و پتر ئەوی رەنگی دكەڤالێن خوە دا ب كاردئینم و دبەرنامێ من دایە ئەوا دهزرا من دا بكەمە كەڤال و بینمە هەبوونێ.
ناڤهاتیێ گۆت: كەڤالێ خۆمالی گرنگیا خوە ل دەڤ خەلكێ مە نینە و هەتا نوكە ئەو رەوشەنبیری بۆ خەلكێ مە چێ نەبوویە كەڤالێ هونەرمەندەكێ كورد دمالا خوە ڤە ب هەلاویست و پتر پەنایێ دبەنە بەركەڤالێن بازرگانی و گرنگیێ پێ ددەن و چەند یێ گران بیت ژی دشێن بكرن و د بەرنامێ من دایە بەر ب هونەرێ مودرێن یێ دجیتال ڤە ببەم و ئەڤە بۆ دەمێ سالەكێ یە هەڤژینێ من (هونەرحسێن) كو ئەو ژی هونەرمەندە وەكو ماموستا و رێنیشاندەرێ منە.
