ئەكتەرێن سێمێلێ بێ خودانن
شاكر ئەتروشی:
بۆ سالا دویێ ل دووف ئێك ئەكتەرەكێ خەلكێ سێمێلێ، ب شێوێ خۆیەخش پشكداریێ د زنجیرە دراما (خۆدیك) دا دكەت و ب گۆتنا وی هەتا نوكە كەسێ نەگۆتنیێ دەست خۆش ژی.
كاروان كۆچەر، كو ژ دایكبوویا سالا (1988) یە و ئاكنجیێ قەزا سێمێلێ یە، بۆ رۆژناما ئەڤرۆ گۆت: ل سالا بۆری ل گەل تیپا بزاڤ یا شانۆ و دراما و مۆزیكێ مە پشكداری د زنجیرە دراما (خۆدیك) دا كر، ئەڤ سالە ژی ب هەمان شێوە ئەم پشكداربووین و دێ د هەیڤا رەمەزانێ دا هێتە نیشادان و دیاربوو ل سالا بۆری وێ درامایێ دەنگڤەدانەكا باش هەبوو، ئەز ب باوەرم دێ ئەڤ سالە پتر دەنگڤەدەت، چنكو هونەرمەند (مەهدی مونیر) كو ئەو ب كارێ نڤیسینا درامایێ و دەرهێنانا وێ رابوویە گەلەك ژ سالا بۆری پتر خوە ماندی كریە و ئەم كۆمەكا ئەكتەران ژ هەموو باژێرێن كوردستانێ تێدا د پشكدارین، لێ ئەز دێ وەك كاروان بەحسی خوە كەم، چنكو هەتا نوكە كەسێ ل سێمێلێ ب تایبەت دامودەزگەهێن رەوشەنبیری و هونەری هەتا نەگۆتیە مە دەست خۆش ژی، لەورا دبێژم ئەكتەرێن سێمێلێ دبێ خودانن.