ئەمریکا ل دۆر ئسرائیلێ هۆشداریێ ددەتە ئیرانێ
رۆژناما واشنتۆن پۆست یا ئەمریکی د راپۆرتەکێ دا دیار کریە، بەرپرسێن ئەمریکا ب توندی هۆشداری داینە ئیرانێ کو هەکە ئیران بڤێت ڤێجارێ ئێرشی ئسرائیلێ بکەت دێ بەرسڤا ئسرائیلێ گەلەک یا توند بیت و وی دەمی ئەمریکا ژی نەشێت ئێدی ئسرائیلێ بدەتە راگرتن، چونکی ئسرائیلێ بەرهەڤیێن خوە کرینە و هەکە ڤێجارێ ئیران ئێرشی ئسرائیلێ بکەت دێ ئسرائیل ئێرشی بنگەهێن ئەتۆمی و یێن وزێ ل ئیرانێ کەت و ئەو یەک ژی دێ بیتە ئەگەرێ روودانا شەڕەکێ نوو ل دەڤەرێ.
بەرپرسێن ئەمریکا هۆشداریا ڤێ یەکێ ژی داینە ئیرانێ هەکە ئیران ڤێجارێ ئێرشی ئسرائیلێ بکەت وەکو ئەمریکا ئەو نەچارن ل گەل ئسرائیلێ جه بگرن و دێ ب توندی بەرسڤا ئیرانێ دەن، ژ بەر ڤێ یەکێ ژی باشترە ئیران ب چو رەنگەکێ ئێرشی ئسرائیلێ نەکەت دا رەوشا نها یا ل دەڤەرێ ئالۆزتر لێ نەهێت، چونکی هەر ئێرشەکا نوو یا ئیرانێ ل سەر ئسرائیلێ دێ بیتە ئەگەرەکێ روودانا شەڕەکێ نوو و ئەو یەک د بەرژەوەندیا ئیرانێ دا نینە.
ئەو هۆشداریا بەرپرسێن ئەمریکا د دەمەکێ دایە کو بەری چەند رۆژان عەلی خامنەیی رێبەرێ شۆرەشا ئیسلامی یا ئیرانێ دیار کربوو ئەو دێ ب توندی بەرسڤا ئەمریکا و ئسرائیلێ دەن، دڤێت هەم ئەمریکا و هەم ژی ئسرائیل هێزا ئیرانێ بزانن، دڤێت ئێدی ئەمریکا و ئسرائیل چو ئاریشان بۆ ئیرانێ دروست نەکەن، ئیران دێ ب توندی بەرسڤا دەستێوەردانێن ئەمریکا و ئسرائیلێ دەت.
