ئەنجامێن دهۆك، زاخۆ و هەولێر پاشڤەچوون د رێزبەندیێ‌ دا پەیدا كر

ئەنجامێن دهۆك، زاخۆ و هەولێر پاشڤەچوون د رێزبەندیێ‌ دا پەیدا كر

10

پشتی ب دووماهی هاتنا یاریێن گەڕا هەشتێ‌ ژ هەڤڕكیێن خولا ستێرێن ئیراقێ‌ یا تەپا پێی، هەرچار یانەیێن كوردستانێ‌، دهۆك، زاخۆ، هەولێر و نەورۆز نەشیان سەركەفتنێ‌ بینن و پاشڤەچوونەكا بەرچاڤ د رێزبەندیا خولێ‌ دا هاتنە دیتن دگەل چەند ئەنجام و ئامارێن دی بڤی شێوەیی بوون.
ب خوسارەتیەكا نە چاڤەڕێ‌ كری دگەل زەورا ب سێ‌ گۆلان بێ‌ بەرانبەر تیما دهۆكێ‌ ب كۆمكرنا 11 خالان پاشڤەچوو رێزا هەشتێ‌، ژلایێ‌ خوەڤە زاخۆ پشتی دگەل شورتە ب دو گۆلان بێ‌ بەرانبەر خوسارەت بوویی ژ نەهـ خالان رێزا 13ێ‌ دهێت، ژلایەكێ‌ دووڤە ب خوسارەتیەكا گرنگ دگەل جەوییە ب چار گۆلان بەرانبەر گۆلەكێ‌ یانەیا هەولێر ب حەفت خالان پاشڤەچوو رێزا 16ێ‌، یانەیا چارێ‌ تیما نەورۆز سەرباری وەكهەڤییا وێ‌ دگەل كارەبا ب گۆلەكێ‌ لێ‌ ب11 خالان رێزا نەهێ‌ دهێت.
جەوییە ڤەگەڕیا سەرێ‌ لیستێ‌
تیما یانەیا جەوییە ل سەر كیستێ‌ یانەیا هەولێرێ‌ ڤەگەڕیا سەرێ‌ لیستا خولێ‌ ب كۆمكرنا 16خالان و كێمتری دو یارییان، ژلایێ‌ خوەڤە شورتە ب هەمان خال رێزا دویێ‌ دهێت، نەفت میسان ب15 خال، زەورا14 خال و كێمتری ئێك یاری، تەلەبە ب13 خال، حدوود12 خال، نەفت12خال رێزێن سێیێ‌ هەتا حەفتێ‌ دهێت، دهۆك ب11خال، نەورۆز11 خال، مینا 10 خال، ئەلقاسم10 خال، هەر ئێك ژ كەربەلا، زاخۆ و كەرخ نەهـ خال رێزێن هەشتێ‌ هەتا 14ێ‌ دهێن، نەفت ئەلبەسرا ب هەشت خال و هەر ئێك ژ هەولێر، نەجەف، ئەمانەت بەغدا و كارەبا ب حەفت خالان رێزێن 15ێ‌ هەتا 19ێ‌ دهێن، نەفت ئەلوەسەت ب سێ‌ خالان رێزا سێیێ‌ دهێت.
باشترین راهێنەر
د ڤێ‌ گەڕێ‌ دا حەسەن ئەحمەد راهێنەرێ‌ یانەیا مینا هاتە هژمارتن باشترین راهێنەر ئەڤچەندە ژی ژبەر دو سەركەفتنێن ل دووڤ ئێك د خولێ‌ دا تۆماركرین بەرانبەر یانەیێن نەجەف و تەلەبە، ژبەركو تیما وی پشتی هاتییە سزادان چو یاریزانێن باش نینن ژبلی یاریزانێن گەنج، دیسان پشتی تیم وەرگرتی ب سێ‌ سەركەفتنا ژ دووماهیێ‌ ئینا رێزا دەهێ‌.

کۆمێنتا تە