ئەوێ رەخنێ ل كاساسی دگریت نەساخێ دەرۆنی یە
دهێتە چاڤەڕێ كرن ئەڤرۆ ل دەمژمێر نەهی شەڤ هەلبژارتیێ ئیراقێ یارییا خوە یا شەشێ و دووماهیێ ژ كۆما شەشێ ل یاریگەها بەسرا یا نێڤدەولەتی مێڤاندارییا هەلبژارتیێ فێتنام كەت ژ چارچووڤەیێ ڤاڤارتنێن مۆندیالا جیهانی2026ی و كۆپا ئاسیا 2027ێ .
هەلبژارتیێ ئیراقێ ئەوا شیایی دەربازبوونا خوە بۆ كۆپا ئاسیا 2027ێ مسۆگەر بكەت پشتی د كۆما خوە دا یا ئێكێ هاتی ب15 خالان بێ خوسارەتی و دەربازبوونا خوە بۆ قۆناغا دویێ یا مۆندیالا جیهانی ژی مسۆگەر كر.
راهێنەرێ بەرنیاس حەسەن ئەحمەد بۆ دەزگەهێن راگەهاندنێ گۆت: ئەركێ ئیراقێ د یارییا ئەڤرۆ دا ب سانەهی یە بەرانبەر فیتنامێ تایبەت پشتی مسۆگەركرنا دەربازبوونێ بۆ كۆپا ئاسیا وو مۆندیالا جیهانی، یاریزانێن مە جهێ باوەریێ نە و گەشبینی پەیداركرینە، لێ ئەوا حێبەتێ سەرباری ئەڤان ئەنجامان و دەبازبوونێ هێشتا هندەك رەخنەیێن زێدە دگرن، ئەوێن بەردەوام رەخنا ل راهێنەر كاساسی دگرن ئەو نەساخێن دەرۆنی نە، ژبەركو ئەم یێ ئاست و ئەنجامان دبینن و گوهۆڕینێن باش پەیدا كرینە.
