ئەڤ شەڤە چامپیۆنزە و دو یاری ب تاما فینالێ نە
جەماوەر و پشتەڤانێن وەرزشی یێن یارییا فوتبۆلێ ب ژڤانن ئەڤرۆ بۆ دیتنا نەهـ یارییان ژ هەڤڕكیێن گەڕا چارێ ژ قارەمانییا یانەیێن ئۆرۆپا قارەمانێن خولا چامپیۆنز لیگ د یاریێن ئەڤ شەڤە دا دو یاریێن ئاگرین ب تاما یارییا فینالێ یە، هەموو یاری بڤی شێوەیی دێ هێنە كرن.
دو یاری ل دەمژمێر 8:45 شەڤ هێنە ئەنجامدان.
سلاڤیا براج یا چیكی- ئارسنال یا ئنگلتەرایێ.
ناپۆلی یا ئیتالی- ئانتراخت فرانكفۆرت یا ئەلمانی.
حەفت یاریێن مایی ل دەمژمێر 11ێ شەڤ بڤی شێوەیێ خارێ نە.
لیڤەرپۆل یا ئنگلتەرایێ- ریال مەدرید یا ئسپانی.
یانەیا لیڤەرپۆل دێ ل یاریگەها خوە ئانفێلد یانەیا ریال مەدرید یا ئسپانی د یارییەكا ئاگرین دا مێڤان كەت كو دهێتە هژمارتن ئێك ژ یاریێن گۆپیتكا ڤێ گەڕێ، هەرچەندە دیدارێن پێشتر یێن هەردو یانەیان د چامپیۆنزێ دا 11 جارن بوویە، ریالێ حەفت سەركەڤتن، لیڤەرپۆل سێ سەركەڤتن و یارییەك وەكهەڤی هاتییە، لێ یا ئەڤ شەڤە جودایە تایبەت لیڤەرپۆل د خولا ئنگلتەرایێ دا ڕێزا سێیێ دهێت و یا چامپیۆنزێ 10ێ یە، د بەرانبەردا ریال مەدرید د خولا ئسپانیا دا سەرێ لیستێ دهێت و یا چامپیۆنزێ ڕێزا پێنجێ دهێت.
پاریس سانجێرمان یا فرەنسی- بایرن میۆنخ یا ئەلمانی.
ئێك ژ یاریێن دی یێن ئاگری و گۆپیتكا ڤێ گەرێ یانەیا پاریس سانجێرمان ل یاریگەها خوە دێ بایرن میۆنخێ مێڤان كەت، هەردو یانە هەڤڕكێن سەرەكی نە بۆ دەستڤەئینانا ناسناڤێ ئەڤ سالە ئەوێن ڕێزێن ئێكێ و دویێ ب هەڤپشكییا نەهـ خالان دهێن، دیرۆكا یاریێن هەردو یانەیان د بەرژوەندییا بایرنێ دایە ئەوا شەش سەركەڤتن هەین و پاریسێ سێ سەركەڤتن هەنە، هیچ یارییەكا وان ب وەكهەڤی ب دووماهی نە هاتییە.
ژ یاریێن دی یێن ئەڤرۆ دەمژمێر 11 شەڤ هێنە كرن.
یۆڤانتۆس یا ئیتالی- سپۆرتینگ لەشبۆنە یا پۆرتۆگالی.
ئەتلەتیكۆ مەدرید یا ئسپانی- یۆنیۆن سانت جیلۆان یا بەلجیكی.
تۆتنهام هوتسپێر یا ئنگلتەرایێ- كۆبنهاگن یا هۆلەندی.
ئۆلمپیاكۆس یا یۆنانستانی- ئایندهۆڤن یا هۆلەندی.
بۆدۆ گلێمێت یا نەرویجی- مۆناكۆ یا فرەنسی.
