ئەگەرێن خرابییا ئاستێ مپابی دیار بوون
پشتی بۆرینا حەفت گەڕان ژ وەرزێ نوو یا خولا پلا ئێكا ئسپانیا یا فوتبۆلێ جەماوەرێ وەرزشی ب گشتی ل جیهانێ و تایبەتی یێ ریال مەدرید سەرسۆرمان ماینە بەرانبەرئاست خرابییا ستێرێ فرەنسی و یانەیا ریال مەدرید كێلیان مپابی سەرباری ژ حەفت یارییان پێنج گۆل تۆماركرینە ژ وانا سێ گۆل ب لێدانێن پەنەلتیێ بووینە.
ل دووڤ راپۆرتا رۆژنامەیا ئاس یا ئسپانی كێلیان مپابی د ماوەیێ بەرهەڤیێن تیما ریالێ بۆ وەرزێ نوو هەست ب ئازارێن ئێشانا ڕانێ خوە یێ چەپێ بوو، لێ نۆژدارێن یانەیێ ڕاگەهاند هاتبوو چارەسەركرن، دووڤدا د سێ یاریێن ڤێ دووماهیێ ژی گازندە ژ ئێشانا ڕانێ خوە هەبوون، تایبەت یارییا شەڤا سێ شەمبییا بۆری بەرانبەر ئالاڤیس بوو ئەگەر داخوازا گوهۆڕینێ بكەت، نۆژدارێن ریالێ ئەو ئێشانە ب مەترسی نابینن، بتنێ پێدڤی بهێنڤەدانەكێ یە و دووڤدا پشكنین بۆ بهێنە كرن ژبۆ زانینا دووماهیێ یا ئێشانا ڕانی مپابی.
