باسكێت بۆلا دهۆكێ چاڤ ل ده‌ربازبوونێ یه
پەروین سەلاح:
بڕیاره ئه‌ڤرۆ قۆناغا دویێ یا خولا باسكێت بۆلا ئیراقێ یا پلا ل هه‌ولێرا پایته‌خت ده‌ستپێبكه‌ت ده‌ربازبوون بۆ پلا ئێك، یانه‌یا دهۆك وه‌كو نوونه‌را پارێزگه‌هێ پشكداری و یاریێن خوه بڤی شێوه‌یی كه‌ت.
ئه‌ڤرۆ، دهۆك به‌رانبه‌ر شه‌قلاوه، سوبه‌هی به‌رانبه‌ر ئاسۆ و شه‌مبییا بهێت دێ یارییا سێیێ و ڤه‌بڕ دگه‌ل ئه‌حرار كه‌ت و هه‌موو یاری ل ده‌مژمێر دو یێ پشتی نیڤرۆ هێنه كرن.
لدۆر دووماهی به‌رهه‌ڤیێن ئه‌لهۆیێن چیا میقداد رەعەد راهێنەرێتێمێ بۆ رۆژناما ئەڤرۆ گوت: بەرهەڤیێن مە درێژە پێدانە ب وێ به‌رنامه‌یێ سالەکە بۆ هاتییه‌دانان، هه‌روه‌سان ئه‌م ل سه‌ر كێماسی و خه‌له‌تیێن تیمێ یێن قۆناغا ئێكێ دا ڕاوه‌ستیاینه، تا رادەکێ باش مە کۆنترۆل لسەر کریە و بشێوه‌كێ باش بەرهەڤین بۆ یاریێن قۆناغا دویێ.
راهێنه‌رێ دهۆكێ ئه‌وچه‌نده ژی گۆت: ئەو یانه‌یێن د قۆناغا دویێ دا یاریێن بەرانبەر وان بکەین جودانه دگەل یێن قۆناغا ئێكێ، ژبه‌ركو ئاست و شیان جودانه و دێ ئه‌ركێ مه بزه‌حمه‌تر بیت و دبیته جارا ئێكێ یاریێ به‌رانبه‌ری وان بكه‌ین،لێ گه‌شبینم دڤێ قۆناغێ ژی دا دێ سەرکەفتنێ تۆمارکەین.
لدووماهیێ میقداد رەعدی ئاماژە دا وێ چەندێ و گۆت: كۆما ئەم تێدا ژ چار تیمان پێك دهێت و ئارمانجا مە ئەوە ببینە سەرکێشێن ڤی كۆمێ بکەڤینە بەر تیما دویێ یا كۆما دی ژ بۆ وێ چەندێ دا بو مە ب ساناهی بکەڤیت و دەربازبینە یاریا دووماهیێ، ل یاریا دووماهیێ ژی هەردو تیم دێ دەرباز بنە پلە ئێکا ئیراقێ و ئه‌ڤه ئارمانجا مه یا سه‌ره‌كی یه.
