باسكێت بۆلا كوردستانێ‌ دێ‌ ده‌ست ب چالاكیێن خوه‌ كه‌ت

باسكێت بۆلا كوردستانێ‌ دێ‌ ده‌ست ب چالاكیێن خوه‌ كه‌ت

5

ئه‌ڤرۆ،

پشتی ڤه‌قه‌تیانه‌كا درێژ و ده‌ست بكاربوونا ده‌سته‌كا نوو یا ئێكه‌تیا باسكێت بۆلا كوردستانێ‌ ب فه‌رمی هاته‌ راگه‌هاندن ژبۆ كاراكرنا چالاكیێن خوه‌ یێن وه‌رزێ‌ نوو بۆ خول و قاره‌مانیان ل سه‌ر ئاستێ‌ یانێن پلا نایابا كوردستانێ‌ دێ‌ هێنه‌ ئه‌نجامدان

هشیار دوبانكی جێگرێ‌ سه‌رۆكێ‌ ئێكه‌تیا باسكێت بۆلا كوردستانێ‌ دیاركر ئێكه‌م كۆمبوونا ده‌سته‌كا نوو یا وان كاراكرنا چالاكیان و ڤه‌گه‌ڕاندنا خول و قاره‌مانیا نه‌ پشتی ڤه‌قه‌تیانه‌كا درێژ كو دگه‌هیته‌ 2016ێ‌ بڕیارا ئێكێ‌ خولا پلا نایابا كوردستانێ‌ ل سه‌ر ئاستێ‌ پێشكه‌فتیان بۆ وه‌رزێ‌ 2022- 2023 ب پشكداریا هه‌شت یانا  ل چڕیا ئێكێ‌ یا بهێت ده‌ستپێبكه‌ت لێ‌ دێ‌ چاڤه‌ڕێ‌ رازیبوونا لژنا ئۆلمپیا كوردستانێ‌ بین، یانێن دێ‌ پشكداربن ژ پارێزگه‌ها دهۆك ئه‌وژی، زاخۆ، سه‌نحاریب و دهۆك كو شێوازێ‌ خولێ‌ دو قۆناغ هێنه‌ كرن.

هه‌روه‌سان ناڤهاتی دیاركر چالاكی دێ‌ به‌رده‌وامبن و ل دووڤ به‌رنامێ‌ وان دێ‌ قاره‌مانی ل سه‌ر ئاستێ‌ كچان و دووڤ دا ل سه‌ر ئاستێن لاوان و تازه‌پێگه‌هشتیان هێنه‌ ئه‌نجامدان و گۆت: پشتی ئه‌م رازیبوونێ‌ ژ لژنا ئۆلمپی وه‌ربگرین دێ‌ ب نڤێسارێن فه‌رمی هه‌موو یانا ئاگه‌هداركه‌ین و پێشبینی دكه‌م ئه‌ڤ چالاكیه‌ سالانه‌ د هه‌مان ژڤان دا به‌رده‌وامبیت هه‌كه‌ر پشته‌ڤانی هه‌بیت و هه‌موو یانا پشت راست دكه‌ین هه‌ر ده‌مێ‌ د شیانێن مه‌ دا نه‌بوو ئه‌م چو چالاكیان ئه‌نجامبده‌ین وه‌كو ئێكه‌تیا باسكێت بۆلێ‌ دێ‌ ده‌ست ژ كارێ‌ خوه‌ به‌رده‌ن لێ‌ مه‌ باوه‌ری ب خوه‌ هه‌یه‌.

کۆمێنتا تە