بڕیارا دوورئێخستنا لیاوی هاتە دان
كارگێرییا یانەیا ئەی سی میلان یا ئیتالی رازیبوویە ل سەر دوورئێخستنا ستێرێ پۆرتۆگالی و تیما خوە رافائێل لیاوی، پشتی نە شیایی د ماوەیێ بۆری دا ژ خولا پلا ئێكا ئیتالیا ئەو ئاستێ پێدڤی ب نیشان بدەت بوو ئەگەر نەرازیبوون ژلایێ راهێنەری و پشتەڤانێن یانەیێ دژی وی پەیدابوویە.
رۆژنامەیا لاكازیتا دیلۆ سپۆرت یا ئیتالی دیار كر ژ بەر ئاستێ وی یێ نە باش راهێنەرێ میلان فۆنیسكا نەچاربوو رافائێل لیاوی د هەردو یاریێن بەرانبەر ناپۆلی و ئۆدێنێزی ژ خولا ئیتالیا بكەتە یاریزانێ یەدەك و پشت گەرمیێ پێ نەكەت ئەڤچەندە هات پشتی پێنج سالێن بۆری ئەڤ یاریزانە سەرەكی بوو.
هەروەسان دیار كر كارگێرییا یانەیا ئیتالی رازیبوویە ل سەر دوورئێخستنا لیاوێ 25 سالی و هەرزوو هزر دئینانا هێرشبەرێ لیڤەرپۆل یێ ئیتالی فێدێرێكۆ كیێزا دا كرییە، سەرباری د زانن ئەڤ بڕیارە دێ دڕبەك بیت ل هێلا هێرشبەریێ كەڤیت ژبەركو دێ چاڤەڕێ بن هەتا ڤەگۆهاستنێن زڤستانێ ڤەدبن یان ژی بۆ ڤەگۆهاستنێن هاڤینێ خوە بگرن.
