بۆچی ئهمریكا پازده پارێزگهه ب رۆژان ئازادكرن و مووسل كێشا سالا؟
پشتی ئازادكرنا عێراقێ و چوونا كوردان بۆ بهغدا گهلهك چاڤدێرێن سیاسی چوونا كوردان بۆ بهغدا ب شاشی ل قهلهم ددا، دیاردكرن كو دهرفهت بوو كوردان داخازا دهولهت بوونێ كربا و دهولهت راگههاند با و ئهو مژوولی و خهمراكرنا عێراقێ و كاركرن بۆ ههلبژارتنان و كومبوون بۆ نێزیكبوونا ئالیێن سیاسی، شاشیهك بوو ل خوه كری و بتنێ زیان گههانده خوه چونكه چو وهلات وی دهمی نهمابوون ب ناڤێ عێراق، جهێ وێ ماندیبوونێ ههكه كاركربا بۆ دهولهت بوونێ دبیت ب ساناهی تربا و شیابا رۆلهكێ ههره كاریگهر بگێریت ببا خودان دهولهت، لێ بۆچوونێن ههڤدژ ژی ههبوون كو دهولهتهك ئاڤا بیت كو ههر چار كنارێن وێ ئاگر و دوژمن بن ژین و ژیارا وێ مانا وێ دێ گهلهك یا بزحمهت بیت و كومارا مهاباد باشترین نموونهیه، ههر چهوا بیت ئهڤ بۆچوونا دهسپێكێ گهلهك ب گرنگی هاته وهرگرتن و گهلهكا هزر دكر دهرفهتا دهولهت بوونێ هاتبوو و ژ مهچوو و مه ژ خوه كر، مه هزر نهدكر دهولهت بوون و سهربهخۆیی نه ب تنێ راگههانده و بهلكو گهلهك ستوون و سالوخهت ههنه و مه پرسیار ژ خوه نهدكر كو پشتی سهرهلدانێ و ههتا پشتی ئازادكرنا عێراقێ ژی مه چ كاركریه بۆ دهولهت بوونێ ههتا وی دهمی مه لهشكهرهكێ رێكخستی و نشتیمانی نهبوو و ههتا وی دهمی ههستا نهتهوهیی د نزمترین ئاست دا بوو و بهرۆڤاژی حزبایهتی یا زال بوو، چوونا دكتاتوَرهكی و لادان ل سهر كورسیكا دهست ههلاتێ ب تنێ نه پێدڤی بوو كار بۆ بهێتهكرن و بهردهوام كومبوون و رونشتن ل سهر بهێنهكرن چونكه لادان و چوون یا ب ساناهی بوو و ئهمریكا ل گهل ههڤپهیمانێن خوه كو كورد ژی ژ ههڤپهیمانێن سهرهكی بوون شیان ب رۆژان ئانكو (19) رۆژان عێراقێ زهلال كرن و ناڤهك نهما ب ناڤێ سهدام حسێن و دهستههلاتێ بكهت و ههتا نوكه ئهڤه جهێ پرسیارێ یه ئهو ئهمریكا ب رۆژان عێراق خودانا (15) پارێزگهها ژبلی ههرێمێ ب (19) رۆژان رزگاركری؛ بۆچی نهشێت (مووسل) رزگار بكهت، ئهڤه ل گهل چهندین دهولهتان و رۆژانه یا ب فرۆكان (قصف) دكهت و نێزیكی دو سالانه فرۆكه یێ ل سهر ئاسمانێ عێراقێ دگهرن و نهشێن رزگاربكهن، پرسیار ئا ل ڤێره یه ئهو هزرا مه دكر كو ب تنێ سهدام بچیت دێ دونیا بیته شاما شهریف وهكی مه نهدهركهفت، چونكه مه هند كارنهكر بۆ پشتی سهدامی ئایا دێ چ پهیدا بیت و دێ كی بیت؟ و كا دێ باش بیت یان خراپتر بیت؟ ئهو بوومه نهگرنگ بوو، ئا نوكه ژی ههموو خهون و هیڤی یێن مه بووینه كهنگی دێ مووسل ئازاد بیت ژ دهستێ داعش؟ چونكه مووسل گهلهك گرنگیا خوه ههیه، كهفتنا وێ بوویه مهترسی بۆ سهر ههرێمێ، كهفتنا وێ بوویه ئهگهر نێزیكی دوو ملیۆن ئاورا بهرێخوهدانه ههرێمێ دێ بارگرانیهكا مهزن كهفتیه سهر كوردستانێ ژ روویێ ئابووری و سیاسی و مرۆڤایهتی ڤه، كهفتنا وێ بوویه ئهگهر پێشمهرگه كهفتیه دشهرهكێ دژوار دا و رۆژانه شههید و بریندار ههنه، لێ دبینم پێدڤیه ئهم شاشیا پَشتر دووباره نهكهڤینێ ڤه و ئهم هزر ل پشتی ئازادكرنێ بكهین چونكه ئازادكرنا مووسل وهكی ئاڤ ڤهخوارنێ یه بۆ ئهمریكا و بتنێ كاغهزهك پێ ل گهل وهلاتێن دهردور ئاخڤیت و ههر دهما ڤیا ب دهمژمێران وهك شنگال دێ ئازادیا وێ راگههینت و نه تشتهكێ ب زحمهته، چونكه ئهوێن شیاین ب دهمژمێران پێشوازیێ لێ بكهن، شێن ب دهمژمێران دهربێخن ژی، لێ یا بوَ مه ب زحمهت دێ ئهو بیت پشتی ئازادكرنێ چونكه ههتا نوكه مه كێشه ل گهل چهندین دهڤهران ههیه كو دكهڤنه ناڤبهرا ههرێم و مووسل دا و دیسا بوومه دیار بوو، بتنێ چوونا سهدام نه چارهسهری بوو بهلكو یێن دووڤ دا هاتین گهلهك ژ وی زالمتر دهركهفتن.
