بۆ وەرگرتنا گەنمێ جۆتیاران ئەم چاڤەڕێ رازیبوونا وەزارەتا بازرگانیا ئیراقێینە

بۆ وەرگرتنا گەنمێ جۆتیاران ئەم چاڤەڕێ رازیبوونا وەزارەتا بازرگانیا ئیراقێینە

3

دهۆك، پەروین سەلاح

رێڤەبەرێ دەخل و دانی ل پارێزگەها دهۆكێ راگەهاند، دوو ملیۆن و 955 هزار دونەمێن گەنمی ل هەرێما كوردستانێ هاتینە بەرهەمئینان و سیستەمێ بەغدا ژی بۆ وەرگرتنا گەنمی جوتیاران ل سەر پارێزگەها دهۆكی 189 هزار تەنن و گۆت: پلان هاتە دانان كو دوو ملیۆن و 955 هزار دونەمێن گەنمی ل هەرێما كوردستانێ هەنە و ل سلێمانیێ ملیۆنەك 200 و ل هەولێرێ‌ ژی 900 هزار دونەم و ل پارێزگەها دهۆكێ ژی 798 هزار دونەمن.

نازم محەمەد، رێڤەبەرێ دەخل و دانی ل پارێزگەها دهۆكێ بو رۆژناما ئەڤرۆ دیاركر: هەولێن حوكمەتا هەرێما كوردستانێ ب تایبەتی شاندێ وەزارەتا چاندنێ و وەزارەتا پلان دانانێ یا حوكمەتا هەرێما كوردستانێ دگەل نوونەراتیا حوكمەتا هەرێما كوردستانێ ل بەغدا ئەم دشێین بێژین ژ هەیڤا سێ دەست پێكربوو، چەندین شاندێن وان گەهشتبوونە وەزارەتا چاندنێ، هەر سێ پارێزگەهان سەرەدان كربوو، ل دووڤ وێ یاداشتێ ئەوا هاتیە ئیمزاكرن ل سالا ٢٠٢٣ێ، ب هەماهەنگی ل گەل وەزارەتا چاندنێ هەبیت، تایبەت بۆ ئەردێن چاندنا گەنمی مەسحەكا جەوی بهێتە كرن.
زێدەتر گۆت ژی: سەرەدانا ڤان شاندێن وەزارەتا جۆرا و جۆر بۆ پارێزگەها هەڤلێر و دهۆك و سلێمانیێ و گەریانا وان دناڤ زەڤیێن گەنمی و درینا گەنمی و دەستنیشانكرنا چەندیا ڤەرێژا هەردووكا نەڤەكر، پشتی 13ی هەیڤا پێنچ ئەم هاتینە ئاگەهداركرن ژلایێ لێژنا ڤە 57 ڤە كومبوون دێ هێتە كرن، ژ بۆ دەست نیشانكرنا رێژا گەنمی ل هەرێما كوردستانێ و 13/5 ئەم گەهشتینە وێرێ وەك شاندێ حكومەتا هەرێما كوردستانێ ب شەڤ پشتی ئەم گەهشتین هاتینە ئاگەهداركرن كو ئەڤ كۆمبوونە هاتە پاشێخستن بۆ پشتی هەیڤا پێنج، ژبەر نە ئامادە بوونا شیرەتكاریێن ئەنجومەنێن وەزیرن ئیراقێ.
ناڤبری گۆتژی: پشتی هەیڤا پێنج ژی هاتینە ئاگەهداركرن و مە گەنگەشە دگەل لێژنا وان یا ژمارە 57 كری، ئێكسەر پلان هاتە دانان دوو ملیۆن و 955 هزار دونەمێن گەنمی ل هەرێما كوردستانێ هەنە و ل سلێمانیێ ملیۆنەك 200 و ل هەولێرێ‌ ژی 900 هزار دونەم و ل پارێزگەها دهۆكێ ژی 798 هزار دونەمن.
نازم موحەمەد گۆت ژی: سەرجەمێ‌ گشتی ل دووڤ هژمارا دهێتە كرن رێژا 30% ژ ڤێ پلانێ دهێتە وەرگرتن و دێ بیتە 887 هزار دونەم و رێژا گەنمی ژ 900 كیلۆیا بۆ هەر دونەمەكێ كرە 650، وەك معادەلە دامە كو 576 هزار ب تنێ دهێنە وەرگرتن ل هەرێمێ، ئاماژە ب وێ چەندێ ژی دا پلانا مە یا وەزارەتا چاندنێ بۆ سەر دوو ملیۆنان دا، پشتی گەنگەشەكا دی ژی هاتیە كرن، بۆ نەهـ پارێزگەهێن ناڤەراستا ژێریا ئیراقێ ئەم شێین بێژین رێژا 21% كو رێژە پترا وەرگرتی ژ سالا دی ئەو ژی بۆ مە هاتە هژمارتن بوو 630 هزارن.
زێدەتر ئاشكەرا ژی كر: دانوستاندنێن مە د بەردەوامن دگەل وان هەتا نێزیكی 700 هزاران، هەروەسا ئەو بوو شاندێ حوكمەتا هەرێما كۆردستانێ پشتی جهێن پەیوەندیدار ئاگەداركرین كو غەدرە یا ل هەرێما كوردستانێ هاتیە كرن، پشتی پەیوەندی دگەل سەرۆك ئەنجومەنێ وەزیرێن هەرێما كوردستانێ كری كو بوویە بابەت و ئەڤ رێژا هاتیە دەست نیشانكرن گەلەك یا كێمە.
رێڤەبەرێ دەخل و دانی ل پارێزگەها دهۆكێ گۆت ژی: ژ بۆ ڤێ رێژا كێم ژی یا گەنمی پشتی پەیوەندی ژی دگەل د. فوئاد حسێن وەزیرێ دەرڤە یێ ئیراقێ و سەرۆكێ بالا ئەنجومەنێ ئابووریە كو یاداشتەك مە ب رێكا وەزیرا چاندنێ دای و داخوازا 975 هزاران كر و ئەڤ یاداشتە گەهاندنە سەرۆك وەزیرانێن ئیراقێ.
ل دووماهیێ نازم موحەمەد گوت: هەر زوو مە رێك دایە هەر جوتیارەكێ گەنمێ خۆ دبەتە پارێزگەها مووسلێ یێ ئازادە و ڤێ زێدە نەهێتە وەرگرتن و ڤی دەمێ نوكە ژی دا و 189 هزار تەن دهێنە وەرگرتن و هەر بەردەوامن ژ حوكمەتا هەرێما كوردستانێ و وەزارەتا بازرگانی و وەزارەتا چاندنێ بەس بارا پتر وەك سیستەمێ بەغدا بۆ وەرگرتنا گەنمی هەتا نوكە ل سەر پارێزگەها دهۆكێ 189 هزار تەنن، ئەم داخواز ژ ئەنجومەنێ وەزیران دكەین و دگەل وەزیرا چاندنێ چارەیەكێ بۆ ڤی گەنمی ببینن ئەڤێ زێدە یێ نەهێتە وەرگرتن، دا كو وەك سالا دیتر ژی غەدرەە ل ڤی جوتیاری نە هێتە كرن.

کۆمێنتا تە