بۆ پشتەڤانیكرنا لیستا (275) یا پارتی دیمۆكراتی كوردستان كەنالێ دهۆك تیڤی ئاهەنگەك گێڕا
وەك پشتەڤانی بۆ لیستا (275) یا پارتی دیمۆكراتی كوردستان و بەربژارێن وێ ل سنۆرێ پارێزگەها دهۆكێ، و ب بەرهەڤبوونا رێزدار(سەربەست لەزگین) ئەندامێ مەكتەبا سیاسی یا پارتی دیمۆكراتی كوردستان و بەرپرسێ مەكتەبا رێكخستنا پارتی ل دهۆكێ و (ئیحسان ئامێدی) بەرپرسێ ناڤەندا خانی یا رەوشەنبیری و راگەهاندنێ و رێڤەبەر و بەرپرسێن سازیێن سەر ب ناڤەندێ ڤە و پتریا كارمەندێن ناڤەندنێ، دوهی ئێڤاری 3/11/2025 كارگێڕیا كەنالێ دهۆك، ئاهەنگەكا هونەری ل باغچەیێ كەنالی ل ناڤەندا خانی یا رەوشەنبیری و راگەهاندنێ گێڕا و هژمارەكا بڕگەیان هاتنە پێشكێشكرن.
ل بەراهیێ بەرێز(هەلكەفت عەبدولواحد) رێڤەبەرێ كەنالێ دهۆك تیڤی پەیڤەكا بخێرهاتنێ پێشكێشكر و دیاركر كو وان وەكو كەنالێ دهۆك بەرهەڤیەكا باش بۆ بانگەشەیا هەلبژارتنان و پشتەڤانیكرنا لیستا (275) یا پارتی دیمۆكراتی كوردستان كریە و ل چەند رۆژێن بهێن ژی دێ ب گەرم و گوڕەكا بهێزتر پشتەڤانیا سەرخستنا لیستا پارتی یا هژمارە (275) كەن.
د دووڤدا بەرێز (ئیحسان ئامێدی) بەرپرسێ ناڤەندا خانی یا رەوشەنبیری و راگەهاندنێ د پەیڤەكێ دا ئاماژە ب رۆلێ گرنگێ دەزگەهێن راگەهاندنێ و هەموو مەدیاكاران دا بۆ سەرخستنا لیستا (275) یا پارتی دیمۆكراتی كوردستان و دیاكر كو ل پێش دەم وان وەكو ناڤەندا خانی یا رەوشەنبیری و راگەهاندنێ ب هەموو سازیێن خوە ڤە بەرنامەیەكێ باش بۆ بانگەشەیا هەلبژارتنان ب شێوەیەكێ مەدەنی و دیمۆكراسی داڕشتیە و ب هەموو بزاڤان وان ژبۆ وێ چەندێ نە داكو لیستا (275) یا پارتی دیمۆكراتی كوردستان د هەلبژارتنێن بهێن یێن پەرلەمانێ عیراقێ دا رێژەیەكا زۆرا دەنگان ب دەستڤە بینیت و یا ئێكێ بیت.
د دووڤدا رێزدار(سەربەست لەزگین) ئەندامێ مەكتەبا سیاسی یا پارتی دیمۆكراتی كوردستان و بەرپرسێ مەكتەبا رێكخستنا پارتی ل دهۆكێ، پەیڤەك پێشكێشكر و تێدا دەستخۆشی ل ناڤەندا خانی و مەدیاكارێن سەرب ناڤەندێ كر ژبۆ گێڕانا رۆلێ وان د سەرخستنا لیستا (275) یا پارتی دیمۆكراتی كوردستان و گۆت: ئەم وە پارتی هەلبژارتن بۆ هەلبژارتنێ خوە باشتر دبینین، چنكو ئەم ب (واقعبینانە) كاردكەین و ل دووف راسپاردەیێن سەرۆك (مەسعود بارزانی) مە باوەریەكا بهێز ب هەلبژارتنان و دیمۆكراسیەتێ هەیە، چنكو هەر سەرۆك بارزانی بوو پشتی سەهلدانا پیرۆز داخوازا ئەنجامدانا هەلبژارتنان كری، سەبارەت هەلبژارتنێن عیراقێ ژی یێن كو بڕیارە ل (11) ڤێ هەیڤێ بهێنە كرن بۆمە وەكو پارتی گەلەك دگرنگن، چنكو هەتا نوكە هندەك كێشەیێن هەلاویستی دناڤبەرا هەرێما كوردستانێ و عیراقا فیدڕال دا هەنە و مە باوەریا هەی هەكە نوونەرێن مە بچنە بەغدا دێ كاری بۆ نەهێلانا وان كێشەیان و ب دەستڤەئینانا مافێن رەوایێن كوردان ل دووف دستۆرێ عیراقێ كەن و هەموو خەلك دزانن بەس پارتی دشێت ل بەغدا بەڕەڤانیێ ژ مافێن كوردان بكەت.
