بەرپرسێ مەكتەبا رێكخستنا پارتی ل دهۆكێ‌ ل گەل ریهسپی و كەسایەتیێن ئێزدیان...

بەرپرسێ مەكتەبا رێكخستنا پارتی ل دهۆكێ‌ ل گەل ریهسپی و كەسایەتیێن ئێزدیان كۆمبوو

9

دكتۆر پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی دیموكراتی كوردستان ل پارێزگەها دهۆكێ ل گەل ریهسپی و كەسایەتیێن ئێزدیان كۆمبوو.
ل دووڤ بەرنامەكێ دارێژتی بۆ دیتن و كۆمبوونان ل گەل هەمی تەخ و ئایین و نەتەوێن جڤاكی دكتۆر پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ دوهی رۆژا ئێكشەمبی 10/12/2023 ل بنگەهێ لالش یێ رەوشەنبیری و جڤاكی ل گەل ریهسپی و كەسایەتیێن ئێزدیان كۆمبوو.
د كۆمبوونێ دا بەرپرسێ مەكتەبا رێكخستنا پارتی ل پارێزگەها دهۆكێ‌ بەحسێ وان ئێش و ئازاران كر، ئەوێن ل دەمێ چوویی ب سەرێ‌ ئێزدیان هاتین و گۆت: “نوكە ژی 300 هزار ئاوارەیێن ئێزدی د ناڤ كەمپان دا دژین، هەروەسا بەحسێ وێ پێكڤەژیانێ كر، ئەوا ل كوردستانێ هەی و نوونەرێن هەموو ئاینان ل وەزارەتا ئەوقاف و كاروبارێن ئاینی هەنە”.
پاشی دەرگەهێ دانوستاندنێ هاتە ڤەكرن و بەرهەڤبوویان تێبینی و بۆچوون و داخوازی و پێشنیار بەحسكرن و ب سینگەكێ بەرفرەه ژ لایێ‌ بەرپرسێ مەكتەبا رێكخستنا پارتی ل پارێزگەها دهۆكێ‌ ڤە هاتنە وەرگرتن و بەرسڤ ل سەر هاتەدان و گۆت: “ئەوا د شیان دا بیت دێ هێتە كرن”.

کۆمێنتا تە