بەرپرسەکێ ناتۆ: دڤێت خوە بۆ شەڕی بەرهەڤ بکەین
فەرماندارەکێ ناتۆ کو ناڤێ وی نەهاتیە ئاشکرا کرن بۆ رۆژنامەیا واشنتۆن پۆست دیار کریە، رۆسیا ب هەموو رەنگەکێ بزاڤا ڤێ یەکێ دکەت ل ئۆکرانیایێ سەرکەڤیت و سەرکەفتنا رۆسیا ل ئۆکرانیایێ ژی دهێتە رامانا قۆناغەکا نوو یا شەڕی، چونکی رۆسیا بەرهەڤیان دکەت پشتی ئۆکرانیایێ ئێرشی هندەک وەلاتێن دی یێن ئێکەتیا ئۆرۆپا بکەت، ژ بەر ڤێ یەکێ ژی وەکو ناتۆ دڤێت ئەم خوە بۆ شەڕەکێ دژوار ل دژی رۆسیا بەرهەڤ بکەین.
هەمان فەرمانداری ئەو یەک ژی دیار کریە، ب فەرمانا پۆتینی نها کار بۆ وەرگرتنا هزار ١٥٠ گەنجێن دی بۆ ناڤ رێزێن لەشکرێ رۆسیا دهێتە کرن، ئەو یەک ژی نیشا ددەت رۆسیا نەڤێت بابەتێ شەرێ نها ل ئۆکرانیایێ ب رێیێن ئاشتیانە چارەسەر بکەت، بەلکو رۆسیا دڤێت د شەڕی دا سەرکەڤیت و پاشی ژی دەست ب ئێرشێن نوو ل سەر هندەک وەلاتێن دی یێن ئەندامێن ناتۆ بکەت، وی دەمی دڤێت ناتۆ ژی خوە بۆ شەڕەکێ دژوار ل دژی رۆسیا بەرهەڤ بکەت.
