بەری نشتەرگەریا زارۆبوونێ‌ پێدڤیە هژمارەك دەرمانان بهێنە راوەستاندن

بەری نشتەرگەریا زارۆبوونێ‌ پێدڤیە هژمارەك دەرمانان بهێنە راوەستاندن

7

بەرپەرێ‌ ساخلەمیێ‌:

د.ئیمان یونس ئەسوەد، تایبەتمەندا نەخۆشیێن ژنان و زارۆبوونێ‌ دیاركر نشتەرگەریا زاڕۆكبوونێ‌ حەفتیا 39 یا دوگیانیێ‌ دهێتە ئەنجامدان و پێدڤیە دەرزیا نەفەسا زاڕۆكی بەری دەمێ‌ نشتەرگەریێ‌ ب 24 دەمژمێرا بهێتەدان و گۆت: گەلەك ژن پسیاردكەن كیش جورێ‌ بەنجێ‌ یێ‌ باشە بو بهێتە بكارئینان، دو جۆرێن بەنجێ‌ بو ڤێ‌ نشتەرگەریێ‌ دهێنە ب كارئینان، جورێ ئێكێ‌ بەنجا گشتی، هەروەسا بەنجا خوجه (نصفی)، دەمێ‌ بەنجا گشتی دهێتە ب كارئینان هندەك ژ وێ‌ بەنجێ‌ بو زاڕۆكی دچیت و كاریگەریێ‌ ل سەر هەناسا زاڕۆكی دكەت پشتی زاڕۆك ژدایك دبیت، هەروەسا پشتی ئەنجامدانا نشتەرگەریێ‌ دایك هەست ب ئازارەكا زور دكەت بنێ‌ زكی، هەروەسا بەنجا خوجه ب رێكا دەرزیكەكا زراڤ دهێتە دانان و چ ئازار دگەل نینن و ژ باشیێن ڤێ‌ بەنجێ‌ بو زاڕۆكی ناچیت و دەمێ‌ نشتەرگەریێ‌ دا تە ئاگەه ژ هەموو تشتا هەیە دەمێ‌ ژدایكبوونا زارۆكی.
تایبەتمەندا نەخۆشیێن ژنان و زارۆكبوونێ‌ خویاكر بەری ئەنجامدانا نشتەرگەریێ‌ ئەگەر ژن حەبێن ئەسپڕین ب كار بینیت پێدڤیە بەری نشتەرگەریێ‌ سێ‌ روژان ب راوەستینیت، هەروەسا دەرمان دهێنە راوەستاندن ل دووڤ ئاموژگاریێن نوشداری.
د.ئیمانێ‌، ئەوژی دیاركر جهێ‌ برینا نشتەرگەریێ‌ دووڤ راوەستان و قەبارێ‌ زاڕۆكی دمینیت و پتریا جاران دوازدە هەتا پازدە سەنتیمان دهێتە ڤەكرن، هەروەسا دەمێ‌ نشتەرگەریا زاڕۆكبوونێ‌ جارا دوێ‌ یان پتر بیت ل سەر هەمان جهێ‌ دەستپێكێ‌ نشتەرگەری دهێتە ئەنجامدان .
ل دووماهیێ‌ د. ئیمان یونس، تایبەتمەندا نەخۆشیێن ژنان و زارۆكبوونێ‌ ئاماژە دا كو دەمێ‌ دایك دزڤریتە مال پشتی ئەنجامدانا نشتەرگەریا زارۆكبوونێ‌ ئەگەر جهێ‌ نشتەرگەریێ‌ ئاڤە خوین یان ئاڤا زەر ژێ‌ هات یان تا هاتنێ‌ پێدڤیە سەرەدانا نۆشدارا خوە بكەت داكو چ سەربارك بو دروست نەبن.

کۆمێنتا تە