بەرێ بنیاتی بۆ هەژمارەكا پڕۆژەیێن خزمەتگوزاری ل زاخۆ هاتە دانان
زاخۆ، دلۆڤان هالۆ:
ب گۆژمێ پتری دو ملیار دیناران دوهی 12/2/2024 بەرێ بنیاتی بۆ هەژمارەكا پڕۆژەیێن خزمەتگوزاری ل ئیدارەیا سەربخوە یا زاخۆ هاتە دانان.
شڤان عەبدی، بەرپڕسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو ل سەر ڕاسپاردێن مەسرور بارزانی، سەرۆكێ حوكمەتا هەرێما كوردستانێ، دوهی ب چاڤدێریا گۆهدار شێخۆ، سەرپەرشتێ ئیدارەیا سەربخوە یا زاخۆ، ب گۆژمێ دو ملیار و 489 ملیۆن و 513 هزار دیناران بەرێ بنیاتی بۆ هەژمارەكا پڕۆژەیێن خزمەتگوزاری ل ناوچەداریێن دەركار و ڕزگاری هاتە دانان.
بەرپڕسێ ڕاگەهاندنا ئیدارەیا سەربخوە یا زاخۆ ئاماژە ب وێ چەندێ ژی كر كو ئەو پڕۆژە پێك دهێن ژ چێكرن و بەرفرەهكرنا جاددەیا ١٥ مەتری و باخچەیەكی ل كۆمەلگەها بێرسڤێ، ل ناوچەداریا دەركارێ ژی چێكرن و سەخبێریكرنا ڕێكا گوندێن بۆسەلێ، مامیسا و نووردینا و گوت: «چێكرنا ڕێكێن ناڤخوە ل كۆمەلگەها هیزاوا و دەركار و گوندێن گرك سندی و گرك ئیسلام و دارهۆزان و تاوكێ ل ناوچەداریێن دەركار و ڕزگاری، ئەڤ پڕۆژە دێ هێنە بجهئینان و كەڤنە د خزمەتا خەلكێ دەڤەرێ دا».
