بەرێ بنیاتی بۆ چەندین پڕۆژەیێن خزمەتگوزاری ل دەڤەرداریا باتیفا هاتە دانان
زاخۆ، دلۆڤان هالۆ:
شڤان عەبدی، بەرپرسێ ڕاگەهاندنا ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو ل سەر ڕاسپاردێن مەسرور بارزانی، سەرۆكێ حوكمەتا هەرێما كوردستانێ و ب چاڤدێریا گوهدار شێخۆ، سەرپەرشتێ ئیدارا سەربخوە یا زاخۆ، ب گوژمێ ملیارەك و 838 ملیۆن و 204 هزار دیناران بەرێ بنیاتی بۆ چەندین پڕۆژەیێن خزمەتگوزاری ل دەڤەرداریا باتیفا هاتە دانان.
بەرپڕسێ ڕاگەهاندنا ئیدارەیا سەربخوە یا زاخۆ، ئاماژە ب وێ چەندێ ژی كر كو ئەڤ پڕۆژە پێك دهێن ژ چێكرنا رێكا گوندێن لێڤۆ و كەرپت عەلی و مەلا عەرەب و كەرپت تەیموور و ئاڤگەنی و گرێ بییێ ل دەڤەرداریا باتیفا، دیسا گەهاندنا تۆڕا ئاڤێ بۆ سەنتەرێ دەڤەرداریا باتیفا و گوندێن دەورووبەرێن ناحیا بێگۆڤا و ئاڤاكرنا قوتابخانەكا ١٢ ڕێزی ل ناحیا بێگۆڤا.
شڤان عەبدی گوت: «د پەیڤا خوە دا شێخۆی دیار كر ب سەرۆكاتیا مەسرور بارزانی، سەرۆكێ حوكمەتا هەرێما كوردستانێ، ئاڤەدانی ل هەموو سنوورێ ئیدارەیا سەربخوە یا زاخۆ بەردەوامە، پێشكێشكرنا خزمەتگوزاریان گەهشتیە هەموو ئالیەكی بێ جوداهی».
