ب رێیا مۆبایلێ دێ چاوا زانی تو یێ تووشی جەلتا مەژی بووی؟

ب رێیا مۆبایلێ دێ چاوا زانی تو یێ تووشی جەلتا مەژی بووی؟

7

پرۆگرامەکێ نوی یێ مۆبایلان دێ هاریکاربیت بۆ دڵنیابوون ل وێ چەندێ ئەرێ نەخۆشەک ب ڕاستی تووشی جەڵتەیا مەژی بوویە یان نە.
پرۆگرام ژلایێ تیمەکێ زانایێن زانکۆیا RMIT یا ئوسترالیا هاتیە پێشڤەبرن و تایبەتمەندیێن زیرەکیا دەستکرد ب کاردئینیت بۆ شرۆڤەکرنا گرتەیەکا ڤیدیۆییا دێمێ نەخۆشی ل دەمەکی پشتی پێکەنینێ، هەکە دەرکەفت کو لڤینا ماسولکێن دێمی گەلەکا نەهەڤسەنگ بیت، ئەو پرۆگرامێ ب کارئینەر دێ وی ئاگەهدارکەت کو نەخۆش ل ڤێ دووماهیێ یێ تووشی جەڵتەیا مەژی بووی.
زانا و ڤەکۆلەر گویلهێرمی کامارگۆ دی ئۆلیڤێرا دبێژیت: “ئێک ژوان پیڤەرێن سەرەکی یێن کو کاریگەری ل سەر ئەوا کەسان هەی کو جەڵتەیا مەژی هەی، ماسولکێن دێمی نە، کو ب زۆری دبنە ئێک لایەن، لەورا لایەکێ دێدی ب شێوەیەکێ جودا ژلایێ دیتر هەڵسوکەوتێ دکەت”.
پرۆگرام دەمێ ل سەر ڤیدیۆیا دێمێ کەسانێن تووشبوویێن جەڵتا مەژی و خۆبەخشێن ساخلەمیێ تاقیکری، ئەو چەند سەلماند کو ب رێژا ٨٢% پرۆگرام یێ ووردبین بوو ل نیاسینا نەخۆشێن جەڵتا مەژی، بەلێ هێشتا کار دهێتەکرن بۆ باشترکرنا رێژا وردبینیێ و پشتڕاستکرنا ئەوێ تاقیکرنێ.

کۆمێنتا تە