ب گوهۆڕینێن باش زاخۆ بەرهەڤیان بۆ وەرزێ نوو دکەت

ب گوهۆڕینێن باش زاخۆ بەرهەڤیان بۆ وەرزێ نوو دکەت

6

عەلی حاجی :

د داخویانیەکێ دا سکرتێرێ یانەیا زاخۆ یا وەرزشی بۆ رۆژنامەیا ئەڤرۆ دیار کر د پلان دایە ئەو هەڤبەستا چەند یاریزانێن ئەڤ سالە بۆ وەرزێ داهاتی یێ خولا ستێرێن ئیراقێ یا تەپاپێی نوو بکەن و وان تیمەکا ب هێز دڤێت.
زێدەتر هشیار شەهباز گۆت: وەکو وەرزێ بوری مە لژنەیەکا تایبەت دروستکریە ژ بۆ ئینان و چاڤدێریکرنا یاریزانان ژ بۆ تیما زاخۆ د وەرزێ نوو یێ خولا ستێرێن ئیراقێ یا تەپاپێی دا،هەر زوو مە دەست ب ئێکەم پێنگاڤ کر کو ئەو یاریزانێن راهێنەری دڤێن یێن کو وەرزێ ئەڤ سالە دا دگەل تیما مە، دانوستاندن دگەل وان کریە و هەمی یاریزانان بەرهەڤیا خوە دیار کرینە بۆ مانا خوە د ناڤ رێزێن تیما مە دا بتنێ گولپارێزێ مە عەلی کازمی داخازا پارەیەکێ زێده‌ کریە و هەتا نوکە نەگەهشتینە چ رێکەڤتنێن دووماهیێ، مە دگەل یاریزانێن تیما خوە یێن کورد و کورێن زاخۆ ژی ئاخڤتیە بۆ مانا وان دگەل تیمێ ئەوژی رازی بوینە بمینن، هەتا نوکە کار ب دروستی یێ ب رێڤە دچیت و ئەم ب هێڤینە بشێن کارێن خوە ب رێک و پێکی ب رێڤە ببەین ژ بۆ دروستکرنا تیمەکا باشتر ژ وەرزێ ئەڤ سالە.
ناڤبری گۆت ژی: مە دۆفچوونا چەندین یاریزانێن پێشەکار کریە و ب هووربینی ژی ئەم یێ دۆفچوونێ بۆ دکەین و هەر یاریزانەکێ رەزامەندیا راهێنەری ل سەر هەبت دێ هەڤبەستا وی گرێدەین.
ل دوماهیێ گۆت ژی: نێزیکی ٨٠٪ ئەم دێ هێلا بەرەڤانیا خوە پارێزین ژبەرکو باشترین هێلا بەرەڤانیێ د ئەڤ سالە دا مە هەبوو ژبەر هندێ ژی دێ پرانیا یاریزانان دگەل تیما خوە دا هێلین و دێ هندەک گوهورین هەر د وێ هێلێ ژی دا هەبن.

کۆمێنتا تە