تام و خۆشی یا دژیانا پێشمەرگایەتیێ دا من دیتی چو جاران وێ ژبیرناكـەم
دیدار، سالار محەمەد دۆسكی:
4-5
پێشمەرگێ شۆرەشا گولانێ، فەهیم عەبدوللا حەمو ئەو ژی گۆت: ل شەرێ ئیراق و ئیرانێ دەڤەرێن ئازادكری و كەفتینە بن دەستێ پێشمەرگەی گەلەك بەرفرەه بوون، ژیانا پێشمەرگاتیێ یا ب ساناهی نەبوو تو ژ ئەوی كەش و هەوایێ هاتی و كو هەمی گاڤا دایك و بابێن تە دەستە سەركرینە و تو لبن چاڤدێریا رەشەكێن دوژمنی دایی، دەمێ هاتیە دناڤا شۆرەشێ دا و تڤەنگا ب ملێتە ڤە و خودان بریار تو حاكمێ نەفسا خوەی، نینە تام ژ تاما ئازادیێ خوشتر پشتی تو ژبن دەستیێ رزگار بووی، شەرێ مە بۆ ئازادیێ دكر و ئازادی هەر دوو بتام بوون و هەر دو خوراگری بوون بەلێ بێژە كیش بزحمەت تربوو و كیش پتر ب قوربانی تربوو، كارێ رێكخستنێ دناڤا باژێری دا بزحمەتر بوو و ئەڤە گەلەك یا گرنگە بدیتنا من ژبلی شەهید بوونێ كو بلندترین قوربانی دانە مەزنترین قوربانی دان ئەو بوو رێكخستنێن نافڤویی بوو و شانا تە ئاشكرابیت تو توو هاتبیە دەستەسەركرن و تو د دەستەیا ئانكو(هەئا كەركووكێ) دا دەرباز بی و هاتبیە زیندانكرن، پێشمەرگێ هاتیە شەهیدكرن یان هاتیە سێدارەدان قوبانی دانا وی ناهێتە وەسفكرن و دووڤ دا ئەڤە بووینە و دووڤ دا رێكخستنا نافخوی یا نەهاتیە دەستەسەركرن، چونكە مرۆڤی نەزانی رۆژا مرۆڤی رۆژە و شەڤا مرۆڤی شەڤە و تو قوتابی بی و تو نەشیایی بخوینی و هەر دەم یێ پێشبینی كری بووی بهێ یە دەستەسەركرن و یێ شێواز و زیندان و ئەشكەنجدانا حزبا بەعس نەدیتی ئەو نوزانیت بەعسی چەوا بوون، لەوما دەمێ مە پەیوەندی ب شورەشێ كری من هزرەكا مەزن دكر و من قوناغەكا ب عەشق و خوشتر دیت و گوپیتا خوشیێ ئەو بوو دەمێ تو ل دەڤەرەكا ئازاد و تڤەگنا تە ب ملێ تەڤە و توویێ ئازادبی و كەسەك نە سەرتەرا و نە بن تەرا و نە رەشەكێن ئەمنێ و نە (مەئمون) دبینم ل زالگەهێن دهۆكێ و نە (مەندیلی) بینم ل كولانێن گرێ باصێ و كەسەكێ نەزانی كینە و بێ رەوشتی یا خوە دەست هەلاتكر، ئەڤە مەزنترین پالدەربوو.
ل دور رۆلێ ئێزگێ دەنگێ كوردستانێ ژی ل وی سەردەمی، فەهیم عەبدۆللا حەمو گۆت: ئێزگێ دەنگێ كوردستانێ رۆلەكێ گەلەك مەزن هەبوو ل سەر خەلكێ كوردستانێ و ژ ژلایێ هاندانا خەلكی و چ ژلایێ گەهاندنا پەیامێن سەركەفتێن پێشمەرگەی ب رێكا چالاكیێن قەهرمانانە دا و رسواكرنا كریارێن دوژمنی، وی دەمی ئێزگە گەلەك ب شیانێن نورمال دهاتە دەربازكرن و مە سەربورەك ژی هەبوو ل ئێزگەی و كارتێكرنەكا مەزن هەبوو، پشتی چوویمە پەیمانگەها پێگەهاندنا كادران ل سالا 1985ێ من عەشقەك ل گەل ئێزگەی هەبوو، (حەمید سوری) مامۆستایێ مەیێ خولێ بوو وەك سەرپەرشتەك و رۆژێن دەسپێكێ یێن دەورێ بوو و من گۆتێ ئەگەر مرۆڤ تشتەكی بۆ ئێزگەی بنفیست دێ بۆ مرۆڤی بەلافڤكەن؟ مخابن ب سفكاتی گۆت كا خوە تاقی بكە، من بابەتەك نڤێسی و رۆژا دووڤ دا ل ئێزگەی هاتە خواندن و بیرا من دهێت ل سەر قارەمانیەكا پێشمەرگەی بوو ل مانگێشكێ و ل كەربلێ هێزەكا دوژمنی دڤیا پێشرویێ بكەت و سەر گوندی دا بگریت و پێشمەرگەی لێدا و گەلەك زیان گەهاند بوونێ و هەمان مێژوو بوو و بەری سالەكێ ب شەرێ سالا 1984ێ یێ سەر لژنا دهۆك و زاخۆ بوو كو شەرەكێ بناڤ و دەنگ بوو و بیرا من دهێت ناڤ و نیشانێن گوتارا خوە من مرن كربوو (مەیلن هەر ئەو مەیلەنە و پێشمەرگە ژی هەر ئەو قاهرمانن) بەلاڤ بوو و حەفتیەكێ ڤبی رەنگی گوتارێن مە ل ئێزگێ دەنگێ كوردستانێ هاتە بەلاڤەكرن و پشتی بورینا حەفتیەكێ كاك (هشیار زێباری) گازی من كر و گۆت: كاك (سەباح بەتوللا) یێ وەستەیای و یێ بتنێ یە وی دەمی كاك (مەسعود سەرنی) ژی نەمابوو وێرێ و گۆت هاریكاریا وی بكە و گۆت دڤێت ژ دورێن ئێزگەی نەچی و ژیانا راگەهاندنێ گەلەك یا خوش نینە و مرۆڤ گەلەك یێ گرێدایی و بتنێ تو دشێی چەند دەمژمێرا دور بكەی و تو نەشێی ب رۆژا ژێ دیركەڤی، وی دەمی ئێزگە ل گوندێ (هەلجی) بوو دكەفتە بەرامبەر (زێوە) بنارا چیایێ زاگروس و سپێدێ ترۆمبێل هاتە دیف من را و چوومە ئێزگەی دا دەنگ و باسا بخوین و خوشیا ئێزگەی خواندنا چالاكیێن پێشمەرگێ قەهرەمانن ئەو رۆژا ئەز چوویم بۆ خواندنا دەنگ و باسا وێ رۆژێ تشتەكێ خوش نەبوو وەك چالاكی بخوینم و تشتێ خوش و باش گوتارا سیاسی من نڤێسی و ئەگەر مرۆڤ تشتەكی بنفیست دێ خوش خوینت و دەنگ و باسا گەرماتی و خوشی تێدایە وێ رۆژێ دەنگ و باس نەخوش بووم و هەمی دهاتە تۆماركرن كاك (عصمەت، تالب، ئەندزیار محەمەد حەسەن زاویتەی) ئەڤە دەرهێنەرێن ئێزگەی بوون و پیچەكێ ماندیبوون ب من ڤە دیت چونكە جارا ئێكێ بوو و دەمێ ئێڤاری من گوهداری كری من تێبینی ل سەر خواندنا خوە هندەك جها هەبوو و ئێزگە گەلەكێ گرنگ بوو ومەزانی جەنابێ سەرۆكی گوهداریێ و چاڤدێریێ ل سەر ئێزگەی دكەت و تێبینی خوە دان و ئێزگە گەلەكێ شدیایی بوو و هەر بابەتەكێ چووبایە و دڤێت ئیمزا سكرتێرێ پارتی دیموكراتی كوردستان ل سەربا هەتا دهاتە بەلاڤەكرن، ل سالا 1986ێ بیرا من دهێت سپێدە بوو كاك (جەمال بەرواری) بەرنامەك ل رادیۆیا كوردی یا بەغدا هەبوو و خەلكی پەیوەندی پێ دكر و یێ بەحسێ وەغەركرنا هونەرمەند (ئەیاز زاخۆیی) دكەت ئەم گەلەك عاجزبووین و مە نەزانی كوشتنە یان وەغەركرنەكا سرۆشتی یە یان روودانە ب ترۆمبێلەكێ و مە چ نەزانین و ئێزگە ژی نابیت ئەم بێ دەنگ بین، رابووم من بابەتەك ل سەر كەسایەتی و بەرهەمێ وی نڤێسی و ناڤ نیشانێن بابەتی من كرە (رژیانا ستێرەكا گەش ل ئەسمانێ هونەرێ كوردی) چووم بابەت من خواند و من ئێك كاسێتا هونەرمەند (ئەیاز زاخویی) ل ئێزگەی نەدیت، من گۆتێ كانێ كاسێت ئەگەر من خواند دڤێت سترانەكا وی بهێتە بەلاڤەكرن، گۆت كاك (فازل میرانی) حەژ دەنگێ وی دكەت و كاسێتا وی بریە و ئەوا گۆت بخوە سترانەكا دی هەلبژێرە و سترانبێژەكێ كەركووكی هەیە بناڤێ(كامیران) خودان دەنگەكێ خوشە و سترانەك هەبوو دگۆت( دورێم لەیاران) و ئەو ژی دژیەكێ بچوویك دا وەغەركربوو ب روودانەكا ترۆمبێلێ و سترانەكا وی مە پشتی گوتارا ل سەر (ئەیاز زاخویی) مە بەلاڤەكر و ماوێ مایە وێرێ مە هاریكاریەكا باش كر و كاك (صەباح بەیتولا) دەستردان وەرگرت و هەتا خولا مە یا شەش هەیڤی كو مە ل هەیڤا 11 سالا 1985ێ دەست پێكربوو و ل هەیڤا 5 یا سالا 1986ێ بدووماهی هاتی و ژ سەركەفتیێ، ئێكێ بووم و گەلەك مانە ب من ڤە كو بمینە ل ئێزگەی بم و هەلبەت خوشتر بوو و مەترسی نەبوو و هاتن و چوون هەبوو لێ من نەڤیا بەردەوام بم ل ئێزگەی، پێشتر ژی من ئاماژە پێكر نینە ژ وێ ژیانا پێشمەرگاتیێ خوشتر یا مرۆڤ ب ئازادی بژیت و ئەگەر من ل زالگەهەكێ (پاصدارەك ) دیت بیرا (مەئمونی) دهاتە بیرا من ئانكو تونەیێ ئازادی ئەو خوشیا دئەوان كاودانێن نەخوش دا ل ژیانا پێشمەرگاتیێ من دیتی چ جاران وێ تامێ و خوشیێ ژبیرناكەم،
