ترامپ: دێ هاریکاریا خەلکێ ئیرانێ کەین
سەرۆکێ ئەمریکا د داخویانیەکێ دا جارەکا دی پشتەڤانیا وەلاتێ خوە بۆ خوەنیشادانێن ل ئیرانێ دیار کر و راگەهاند، خەلکێ ئیرانێ کار بۆ ئازادیا خوە دکەن، ئیران نێزیکی ئازادیێ بوویە و خەلک دێ رژێما نها گوهۆڕن و دێ ئیران بیتە وەلاتەک بهێز و ئەمریکا بەرهەڤە و دێ هاریکاریا خەلکێ ئیرانێ کەت.
دۆنالد ترامپ ئەو یەک ژی دیار کر، دەستهەلاتا نها یا ئیرانێ ئێدی نەشێت وەلاتی برێڤە ببەت و خەلکی ئازادیا خوە دڤێت، خوەنیشادانێن نها ل ئیرانێ نیشا ددەن ئێدی سەردەمەک نوو دێ دەستپێکەت و بێگومان ئەمریکا دێ هاریکاریا خەلکێ ئیرانێ کەت، هەکە توندوتیژیا ل دژی خوەنیشادەران بەردەوام بیت دێ وەکو ئەمریکا یا پێدڤی کەین و بلا خەلکێ ئیرانێ ژی ڤێ بزانیت ئێدی ئازادیا وان گەلەک یا نێزیکە.
ئەو یەک د دەمەکێ دایە کو دوهی وەزیرێ دەرڤە یێ ئیرانێ ژی دیار کر، ئەمریکا و ئسرائیل پشتەڤانیێ ل وان کەسان دکەن یێن کو نها بووینە ئەگەرێ ئالۆزیان ل ئیرانێ.
