تورکیا و ئسرائیل ب توندی بەرسڤا هەڤدو ددەن
پشتی داخۆیانیا سەرۆک کۆمارێ تورکیا کو دیار کربوو کا چاوا هێزێن وان چووینە لیبیا و قەرەباخێ دێ وەسا ژی چنە ئسرائیلێ، وەزیرێ دەرڤە یێ ئسرائیلێ ژی ب توندی بەرسڤا ئەردۆغانی دا و دیار کر دێ چارەنڤیسێ ئەردۆغانی ژی وەکو یێ سەدامی بیت.
ل هەمبەر داخۆیانیا وەزیرێ دەرڤە یێ ئسرائیلێ، دوهی وەزارەتا دەرڤە یا تورکیا ژی د داخۆیانیەکێ دا دیار کر، ئسرائیل رۆژانە وەلاتیێن سڤیل ل غەزە دکوژیت، نەتانیاهۆ ژی وەکو هیتلەری تاوانبارە و دێ چارەنڤیسێ وی ژی وەکو یێ هیتلەری بیت، چونکی جیهانا ئازاد ئەڤرۆکە قەبوول ناکەت کو رۆژانە وەلاتیێن سڤیل ل غەزە ب چەکێ ئسرائیلێ بهێنە کوشتن، وەلاتیێن جیهانێ پشتەڤانیێ ل فەلەستینێ دکەن و نەتانیاهۆ و هەڤالێن وی نەشێن ئیرادا خەلکێ فەلەستینێ ژناڤ ببەن، بەلکو دێ سەرکەفتن هەر بۆ خەلکێ فەلەستینێ بیت و دێ چارەنڤیسێ نەتانیاهۆی ژی هەر وەکو یێ هیتلەری بیت.
