جۆرەكێ‌ دوندرمێ‌ ل دهۆكێ‌ پەنجەشێرێ‌ پەیدادكەت

جۆرەكێ‌ دوندرمێ‌ ل دهۆكێ‌ پەنجەشێرێ‌ پەیدادكەت

28

هەرهین محەمەد:

ئەو دوندرما ب بهایەكێ‌ ئەرزان دهێتە فرۆتن ل بازاری هەمی ژ موحەسەنی دهێتە چێكرن و ب چ رەنگان شیری ناكەنە دناڤدا و خەلك نزانن. خودانێ‌ تەزیاتی و شریناهیەكێ‌ ل دهۆكێ‌ ئاشكەراكر، ئەو دوندرما ب بهایەكێ‌ ئەرزان دهێتە فرۆتن كوالیتیا وێ‌ نەیا باشە و ب چو رەنگان شیر دناڤدا نینە و هەموو موحەسەنە و دوندرمە پێ‌ پڤ دبیت و دەرمانێ‌ تامێ‌ زێدە دكەنە دناڤدا و تاما شیری ژێ‌ دهێت و خەلك ڤێ‌ چەندێ‌ نزانن و ب تنێ‌ ئەم وەكو خودانێن تەزیاتیان دزانین و ل دووڤ پێزانینێن من ژی ئەڤ موحەسەنە یێ‌ خرابە و دبیتە ئەگەرێ‌ پەنجەشێرا گەدەی.

سوران عەزیز محەمەد، خودانێ‌ تەزیاتی و شریناهیێن جوان پەلەس گۆت: هندەك شریناهی و تەزیاتی ل دهۆكێ‌ هەنە تامێ‌ زێدە دكەنە دناڤ دوندرمێ‌ دا، هەروەسا نیڤشكی ژی دكەنە دناڤدا و كەرەستەك یێ‌ هەی ب ناڤێ‌ موحەسەن دكەنە دناڤدا و ئەو محەسەنە گەلەك یێ‌ خرابە و هندەك كەسێن شارەزا گۆتیە من ئەڤ محەسەنە پەنجەشێرا پەنكریاسی چێدكەت و زێدەتر گۆت: چاڤدێریا بازرگانی ب تنێ‌ چاڤدێریا پاقژیێ‌ و بهایان دكەن و چاڤدێریا هندێ‌ ناكەن كا ئەرێ‌ ئەڤ خارنە ژ چ دهێتە چێكرن و دخازم خەلكێ‌ مە ژی بەری بكریت دووڤچوونا بهایان بكەن كا بۆچی د ئەرزانن و هەكە وان زانی بۆچی د ئەرزانن بەلاش ژی بدەنێ‌ ئەو ناخوون.
بەری نوكە پتریا كارمەندێن من كوردێن رۆژئاڤا بوون و نوكە هەمی كارمەند خومالی نە و ل گەل وان د كاری دا گەلەك د ئارامین و یێن باوەریێ‌ نە و شیرەتا من بۆ هەموو خودان كاران ئەوە كارمەندێن مە یێن خومالی ل دەڤ خوە بدەنە كاری، دێ‌ كارێ‌ وان جوانتر و رێكخستی تر ب رێڤە چیت و ئەز بەرپرسم ژی ژ ڤێ‌ چەندێ‌.
گۆت: خەلكێ‌ مە گەلەك ل دووڤ ئەرزانیێ‌ دچن و بلا ل دووڤ بچن ژی، بەلێ‌ بلا بزانن ئەو چ تشتە ئەو دخوون و بۆچی یێ‌ ئەرزانە، ئەو دوندرما ب ئەرزانی دهێتە فروتن ب چو رەنگان شیری ناكەنە د ناڤ دا، ب تنێ‌ محەسەنی دكەنە د ناڤ دا و دوندرمە پێ‌ پڤ و سپی دبیت و هەكە محەسەنی زێدە بكەتێ‌ دشێت شیری نەكەتە دناڤ دا، چونكو شیر گەلەك یێ‌ گران بووی و ئێك كیلو چوویە هەشت هزار دینارا و ڤێ‌ چەندێ‌ ژی بكر نزانیت و تامێن شیری ژی دكەنە دناڤ دا و هەكە دوندرمەكا شیری چێكەم و تامێ‌ زێدە بكەمە دناڤ دا دێ‌ تاما شیرێ‌ خۆمالی بەرزەبیت.
ئەو چەندە ژی گۆت: كرێپا نوتێلایێ‌ ل گەلەك جهان گەلەك ئەرزان دفرۆشن و ئەو نەنوتێلایە و ئەو كەكەوێ‌ و زەیتێ‌ دكەنە دناڤ دا و ب ڤی رەنگی ئەرزان دهێتە فرۆتن و خەلكێ‌ مە ژی بەردەوام ل ئەرزانیێ‌ دگەرن و دبێژمە خەلكی بلا چاڤێ‌ وان ل كوالتیێ‌ بیت نەكو ل ئەرزانیێ‌ و هەردەم ئەم ژی هاریكاریا خەلكی دكەین د فرۆتنا بهایان دا و ل دووڤ دلێ‌ بكری یە، ب تایبەت بۆ بووك و زاڤایان و هەموو دەمان مە بزاڤكریە هەر زاڤایەكێ‌ هاتی نەچیت و ب وی بهای بدەمێ‌ یێ‌ ئەوی بڤێت و هزرا ڤی ئای پی ل دەڤ مە سەرهلدایە و ل دەڤ مە هەر یامای و ئەم ب هەموو بهایان دچین و ب ئێك كوالتی و بەری چەندەكێ‌ وەسا بەلاڤ ببوو دو كەس سەرا ڤی ئای پی ژێك ڤە بووینە و خەلكێ‌ مە خەلەت د ڤی ئاپی گەهشتیە و بهایێن نوكە ژی نە وەكو یێن بەری نوكە نە.
د. شەهرام عەزیز تایبەتمەندێ‌ دل و هناڤان و نەخوشیێن سینگی گۆت: شریناهی ئێك ژ تشتێن سەرەكی نە دبنە ئەگەرێ‌ نەخوشییا پەنجەشێرێ‌، ب تایبەتی ئەگەر ئەو كەرەستێن ئەم دخوین گەلەگ رەنگ و شریناهی ئەڤ دەرمانە تێدابن.

کۆمێنتا تە