حه‌مید ئیسماعیل: ژ ئاستێ تیما خوه د رازینه و رژدین بۆ سه‌ركه‌فتنا ئێكێ
عەلی حاجی:
د داخویانیەکێ دا سەرپەشتێ تیما یانه‌یا زاخۆ ئەوا پشکدار د خولا ستێرێن ئیراقێ یا فوتبۆلێ دا بۆ رۆژنامەیا زاخۆ دیار کر وان دڤێت ئێکەم سەرکەڤتنا تیما وان ل بەرامبەر کەربەلا بیت و دگەل بورینا دەمی ئاستێ تیمێ به‌ر ب باشتر دبیت.
زێدەتر حەمید ئیسماعیل گۆت: ب گه‌شبینی ڤه دبینم ئاستێ تیما مە د دو گەرێن بوری دا به‌ر ب باشتر دچیت و ب کێماسی ژ هەژی سەرکەڤتنەکێ بووین لێ یارییا فوتبۆلێ ب ڤی ڕەنگی یە هنده‌ك ئه‌نجام نه ل دووڤ پلان و هیڤێن وێ تیمێ نه، دگەل بورینا دەمی ئاستێ تیما مە باشتر لێدهێت ژبەر کو زێدەتر لێکتێگەهشتن دناڤبەرا یاریزانان دا دروست دبیت، مە باوەرییەکا مەزن ب ڕاهێنەر و یاریزانێن خوە هەیە کو دێ شێن د یاریێن بهێت دا سەرکەڤتنێ تومار بکەن ب تایبەتی د یاریا بهێت دا بەرامبەر یانه‌یا کەربەلا كو دبیته یارییا سێیێ ژ خولا ستێرێن ئیراقێ و باشترین دەلیڤەیە کو بشێن سەرکەڤتنێ تومار بکەین ژبەر کو یاری د یاریگەها مە دایە و مە پێدڤییەکا مەزن ژی ب سەرکەڤتنێ هەیە د وێ یاریێ دا ژبۆ ڤه‌گه‌ڕان بۆ هێلا سه‌ركه‌فتنان، د یاریا گەرا دویێ دا بەرامبەر نەورۆز ئاستێ تیمێ گەلەک باشتر بوو و شیان چەندین هێرشان ژی دروست بکەن.
ناڤبری گۆت ژی: د نوکە دا تیم یا د قۆناغەکا نازک دا دەرباز دبیت و ب پشتەڤانیا کارگێریا یانەیێ و جه‌ماوه‌رێ یانه‌یا زاخۆ كو هه‌رده‌م و بهێز وه‌كو ئێكه‌مێن ئیراقێ پشته‌ڤانێن یانه‌یا خوه نه دێ شێن بگەهنە وێ ئارمانجێ یا کو بۆ مە گرنگ و خوە نێزیکی رێزێن پێشیێ بکەین.
بۆ زانین تیما یانه‌یا زاخۆ د هه‌ردو یاریێن ده‌ستپێكی دا به‌رانبه‌ر ته‌له‌به بێ گۆل و به‌رانبه‌ر نه‌ورۆز ب گۆله‌كێ وه‌كهه‌ڤ بوویه، بڕیاره سوبه‌هی یارییا خوه یا سێیێ دناڤ ئه‌رد و جه‌ماوه‌رێ خوه دا به‌رانبه‌ر یانه‌یا كه‌ربه‌لا بكه‌ت.
