حوكمەت دێ هاریكاریا كارگەهێن ناڤخوە كـەت

حوكمەت دێ هاریكاریا كارگەهێن ناڤخوە كـەت

4

هەولێر، قائید میرۆ:

بەرپرسەكێ دەستەیا گشتیا وەبەرهێنانێ دیار كر، سێ لیژنە بۆ دووڤچوونا بازاڕێ ناڤخوە و رەوشا كارگەهان هاتبوونە پێكئینان و بڕیار هاتیەدان ئاسانكاری و هاریكاری بۆ كارگەهێن ناڤخوە بهێنە كرن.
هەلو سەلاح، رێڤەبەرێ گشتیێ فەرمانگەها ڤەكۆلین و زانیاریان ل دەستەیا گشتیا وەبەرهێنانێ بۆ رۆژناما ئەڤرۆ دیار كر، ب فەرمانا سەرۆكێ دەستەیا وەبەرهێنانێ سێ لیژنە بۆ ڤەكۆلینێ ل دۆر رەوشا بازاڕی و كارگەهان هاتینە پێكئینان و گۆت: «پشتی ڤەكۆلینێ دەركەفتیە كارگەهێن ناڤخوە هەژمارەكا ئاریشەیان هەنە و داخوازا چارەسەركرنێ كریە، هەژمارەكا بڕیاران د بەرژەوەندیا كارگەهێن ناڤخوە دەرچووینە و بڕیارە هەژمارەكێن دی ژی بهێنە دەركرن، هەتا كارگەهێن ناڤخوە بشێن كار بكەن و ئاریشەیێن بووینە ئاستەنگ هەمبەر بەرهەمئینانێ بهێنە چارەسەركرن».
هەلو سەلاح گۆتژی: «لیژنەیێن مە سەرەدانا هەژمارەكا كارگەهێن ناڤخوە كریە و چەندین داخوازی هەبووینە بۆ ڤێ چەندێ بشێن درێژیێ ب كارێ خوە بدەن و بەرهەمێ ناڤخوە هەبیت، لەوڕا ژی داخوازیێن وان بۆ سەرۆكایەتیا حوكمەتێ هاتینە بلندكرن و بڕیار ل سەر هاتیەدان هاریكاریا كارگەهان بهێتە كرن، هەتا بشێن بەردەوامیێ بدەنە كارێن خوە بۆ بەرهەمئینانێ».

کۆمێنتا تە