خۆشتڤیار دێ کار ل سەر بەرهەمەکێ نوو کەت
عەیشا عەجیب:
سترانبێژ (خۆشتڤیار ئیبراھیم) د دیدارەکێ دا بۆ بەرپەڕێ ھونەری یێ ڕۆژنامەیا ئەڤرۆ بەحس ل ھونەرێ خوە و بەرھەڤییێن خوە بۆ کلیپا نوی کر و گۆت: برایێ من سازڤان بوو و ئەز ل گەل برایێ خوە فێری ژەنینا سازێ بووم، ل سالا ٢٠١٥ من ساز د ژەنی پاشان چوومە لایفان و شەفبیرییا بۆرینا دەمی خێزان و ھەڤالێن من بوونە پالپشت و پشتەڤان، ل سالا ٢٠٢٠ ئەز ھاتمە دناڤ کارێ ھونەرێ دا و من ئێکەم کلیپ ب ناڤێ (کەوێ زنارا) بەلاڤکر.
ناڤھاتی د بەردەوامییا ئاخفتنا خوە دا ئاشکرا ژی کر: ھەر ژ زارۆکینیێ حەزا ستران گۆتنێ من ھەبوویە لێ ژیانێ دەرفەت نەدا زووی بھێمە د تۆرێن جڤاکی دا، ئەز گەلەک یا داخبارم ستران گۆتنێ ب سازێ ژەنم، و گەلەک یا گرنگە سترانبێژ ئامیرێ سازێ بزانیت، چونکو تام و مۆزیکا ڕەسەنا کوردی سازە، لەوڕا ئەز گەلەك حەز ژ سترانێن فۆلکلوری ژی دکەم و ب دیتنا من نوکە تاما ستران و مۆزیکا کوردی د ئاستەکێ خراب دایە، ژ بەر کو مۆزیکێن بیانی تێکەلی مۆزیکا کوردی بوویە، د ڤان سالێن دووماھییێ دا زیرەکییا دەستکرد کارتێکرنەکا زێدە مۆزیکا کوردی ژی کریە، ئەڤ چەندە ل پاشەرۆژێ دێ زیانەکا مەزن ل مۆزیکا کوردی و ھونەرامەندان کەت.
ناڤھاتی گۆت ژی: داخوازێ ژ جھێن شولەژێ دکەین، خوە ل ھونەرمەندان بکەنە خودان، ب دیتنا من ئاستێ دروستکرنا بەرھەمان ل دەڤەرا بەھدینان لاواز بوویە و ئەگەرێ ڤێ چەندێ ژی پشتەڤانی نینە و ھەکەر پشتەڤانیا ھونەرمەندان ب گشتی بھێتە کرن دێ نویاتییان کەن و دبیت گەلەک گەنجێن دی بھێنە دناڤا مەیدانا ھونەری دا.
خۆشڤیار ئەو چەندە ژی دا دیارکرن د نوکە دا ئەز یێ کار ل سەر بەرھەمەکێ نوی دکەم ل دەمەکێ نێزیک دێ ھێتە بەلاڤەکرن، سۆپاسیا ئەڤان کەسێت ھاریکاربووین گەل من بۆ دەستپێکا ھونەری وەک (ڕزگار کێستەری، عیسا بۆتانی، سدقی بناڤی، بێوار ساز، کەڤین محەمەد)بوو و من یا سوزدای ھندی دژیانێ دا مابم دێ یێ بەردەوامبم.
