خێزانا من هاریكار و پشتەڤانێن بێ سنوورن
سولین سلێمان:
مۆزیكژەن (رەنو عومەر) كو لێدەرا ئامیرێ كەمانێ یە، هەروەسا ماموستایا مۆزیكێ یە، د دیدارەكێ دا بۆ رۆژناما ئەڤرۆ گۆت: ئەز خەلكا قەزا رانیامە و دژیەكێ بچووكدا من حەزژ مۆزیكێ ب تایبەت ئامیرێ كەمانێ دكر، لەورا من ب فەر دیت بچمە خۆلەكا فێركرنا مۆزیكی و پشتی تۆماركرنا چەند سترانان و گێڕانا چەند كونسێرتێن هونەری ئەز چوومە پەیمانگەها هونەرێن جوان و هەتا نوكە یا بەردەوامم.
هەروەسا گۆت: هەر دەمێ كچەك یان خانمەك بچیتە دناڤ وارێ هونەری دا كاربكەت، پێدڤیە بەری هەر تشتەكی خێزانا وێ یا هاریكار و پشتەڤان بیت دابشێت بەردەوامیێ ب هونەری ب دەت و یا بەردەوام بیت و هەكە د هاریكار و پشتەڤان نەبن ل وی دەمی سەركەفتن ژی دێ یا ب زەحمەت بیت، دەربارەی من هەر ژ دەستپێكێ هەتا نوكە خێزانا من هاریكار و پشتەڤانێن بێ سنوور بووینە، لەورا هەتا نوكە ئەز یا بەردەوامم و دووماهی كارێ مە ژی وەك گرۆپەك ئەم كاردكەین و مە هندەك بەرهەم بۆ زارۆیان ل بەردەست هەنە و كاری ل سەر دكەین.
