خەونا ئنگلتەرا و هیڤیێن هۆلەندا بۆ پلێتا دووماهییا یۆرۆیا 2024ێ‌ راوەستیایە

خەونا ئنگلتەرا و هیڤیێن هۆلەندا بۆ پلێتا دووماهییا یۆرۆیا 2024ێ‌ راوەستیایە

11

شاهۆ فەرید:

بڕیارە ئەڤرۆ خودانا پلێتا دویێ‌ یا یارییا دووماهییا یۆرۆیا 2024ێ‌ بهێتە ئێكلا كرن، ئەوا دێ‌ دناڤبەرا هەلبژارتیێ هۆلەندا هەلگرا ناسناڤەكی و ئنگلتەرا ئەوا دێ‌ ل دەمژمێر 10ێ شەڤ یاریگەها سێگنال ئێدونا پارك باژێرێ دۆرتموند ئەلمانیا ژ چارچووڤەیێ‌ قۆناغا پێش دووماهیێ‌ مێهڤاندارییا وان بكەت، رۆژنامەیا ئەڤرۆ بۆچوونا شرۆڤەكارەك و كۆمێنتارەكێ وەرزشی یێن پارێزگەها دهۆكێ وەرگرتینە ئەوان بڤی شێوەیی دیاركریە.
ل دەستپێكێ شۆرەش سەلاح پێشكێشكار و كۆمێنتار ل كەنالێ‌ دهۆك تیڤی گۆت: گەهشتنا هەر چار جەمسەرێن مەزنێن تەپاپێی یا ئۆرۆپا بۆ ڤێ قوناغێ یا پێشبینی كری بۆ ئەركێ وانا یێ ساناهی نابیت، هەلبژارتیێ ئنگلتەرا ئەوان ئاستێ باش نیشانەدایە و بەلگە ژی هەردو یاریێن بۆری بەر ب دەمیێن زێدەكری چوویە هەتا گەهشتیە ڤێ قوناغێ هەلبژارتیێ هۆلەندا ژی ئەڤ جارە كومەكا ستێرێ، باش و پشت راستیڤە هەر یاریەكێ ئەنجامددەت پێكهاتەكێ هەرێ باش هەیە، دبیت ئەڤ یاریە بەر ب دەمیێت زێدەكری نەچیت وەختێ دورست دووماهییك بهێت و ئەگەر هات چوو وەختێ زێدەكری چ كارتێكرن ئاستی هەردوو هەلبژارتیا نابیتن.
ژلایەكێ دیڤە كومێنتارێ‌ پارێزگەهێ‌ ئارمانج دوسكی ژی بۆچوونا خوە دیاركر و گۆت: یاریەكا ب زەحمەتە هەردو هەلبژارتیا بزاڤێن مەزن كرینە بۆ برنا ناسناڤی تایبەت راهێنەرێ هۆلەندا ئاماژە دایە وێ چەندێ كۆ بۆ یاریا دووماهیێ هێڤیا هەلبژارتیێ ئسپانی نە، هەلبژارتیێ ئنگلتەرا یاریزانێن هێز و خودان سەربو دناڤ پێكهاتی هەنە بەربژێرا هێزە بۆ برنا ناسناڤێ یۆرۆیێ راهێنەرێ وێ ساوز گێت سوزدایە ناسناڤی دەستڤەبینیت ڤێ جاری و هەكە شكەستن ئینات دەستا ئێكجارێ هەلبژارتی بەردەت دێ جەماوەر یایریەكا گەلەك خوەشی و تام بینن و پێشبینیا من ئنگلتەرا دێ بیتە لایێ دویێ یاریا دووماهیێ ئەگەر ژی یاریزانێن وێ ڤێ یاریێ دا ژ نوو دێ ئاستێ خوە دیاركەن.

کۆمێنتا تە