دادگەهێ ماف هەیە هندەک ڕوونشتنان بکەتە نهێنی
بێوار حەمدی:
پارێزەرەکێ بۆ ڕۆژنامەیا ئەڤرۆ دیار کر کو یاسایێ چ بابەت دەستنیشان نەکرینە کو ل دەمێ دادگەهێ د نهێنی بن، بەلێ لدویڤ بارێ دادگەهێ و ژیواری هندەک جاران وەسا دخوازیت بابەت د نهێنی بن و گۆت: تاوانباری و کەسێ سکاڵا ژی تومار کری ماف هەیە داخوازا روونشتنا نهێنی بکەت.
پارێزەر، سیامەند یوسف د دیدارەکێ دا بۆ رۆژناما ئەڤرۆ دیار کر کو یاسایێ چ بابەت دەستنیشان نەکرینە کو ل دەمێ دادگەهێ د نهێنی بن، بەلێ لدووڤ بارێ دادگەهێ و ژیواری هندەک جاران وەسا دخوازیت بابەت د نهێنی بن.
پارێزەری گۆت:(ژ وان بابەتێن کو دبنە بابەتێن نهێنی وەکو، پەیوەندی هەبیت ب ئاسایشا ناڤخۆ و دەرەکی یا دەولەتێ، یان قەرزەکێ کو پەیوەندیەکا نە یاسایی هەبیت، سیخۆڕی و تیرور، بابەتەک گرێدایی مافێن مرۆڤی و پاراستنا ناسنامەیا دیدەڤان و قوربانیا و حالەتێن پزیشکی یێن هەستیار).
پارێزەری د بەردەوامیا ئاخفتنێن خۆدا دیار کر، هەکە هات و کۆمبون یا نهێنی بیت بتنێ (داواکارێ گشتی، پارێزەرێن هەردوو لایەنا، تاوانبار، ئەوێ سکاڵا کری، دەستەیا دادگەهێ) ماف هەیە ل دادگەهێ ئامادە بن ئانکۆ بۆ کەسێن دەرڤەی کەیسێ دبیتە نهێنی.
سیامەند یوسف ئەو چەندە ژی گۆت: ( لدووڤ یاسایێ دادگەهێ ماف هەیە ب بریارا خۆ یا تایبەت بابەتەکی بکەتە نهێنی، یان تاوانبار و کەسێ سکاڵا کری وان ژی ماف هەیە داخوازا ڕوونشتنا نهێنی بکەن ).
